ليه يا مشرفين المنتدى حرام عليكم

[الملك النائم]

ليه يا استاذ خالد وانت مسيو ايهاب بتحذفوا المشاركات الخاصة بيا ليه حرام عليكم فعلا خلى الناس تعرف الحقائق والا انتو مش عايزين الناس تعرف و بعدين كل ما نجيب حاجة عن الاعتصام او فضايح المناطق الازهرية تحذفوها امال انتو عاملين المنتدى ليه يبقى لسه مبارك موجود فعلا ارجو من سيادتكم استرجاع مواضيعى المحذوفة

[الأستاذ أحمد راشد]

ياريت تلاحظ شيء انك دائم الشكوى من حذف موضوعاتك

اسأل نفسك

ليه موضوعاتى بتتحذف ؟

شاطر انت عارف الاجابة


لانها بدون دليل

[الملك النائم]

يا اخ عبدالله اذا كان العضو الدائم بالكنترول قلك فعلا دا حصل و بعدين تقدر تتصل بالمنطقة الازهرية بتاعت قنا و انت تعرف اولا الفضايح اللى انا جبتها جبتها لانى موجود هناك فى المنطقة و باستمرار و رقمى للمشككين فى اى شىء 0112569343 ارد عليكم فى اى شىء

[الأستاذ أحمد راشد]

الله المستعان بس

ممكن الصياغة بمعنى كلمة فضيحة وما شاكل ممكن تبدلها

شوفوا ال حصل او واقع انا برئ منه اوماشاكل

وربنا يهدى

[الملك النائم]

سبحان الله انت عارف يا اخى بالله بتفكرنى بمين بتفكرنى بوكيل الوزارة بتاعنا مرة رحتله اطلب منه اجازة لمدة خمس ايام المهم البياجة بتاعت الطلب مكتوب فيها طلب اجازة عارف يقولى ايه
يقلى معلش مفيش اجازات دلوقتى لكم ممكن تكتب نفس صيغة الطلب دا و تكتب من فوق التماس وانا امضيه
قعدت اضحك قلى ليه بتضحك قلتله يا مولانا مش المهم المعنى واحد قلى لا لما يكون التماس اكتبلك من تحت تم قبول التماسه اما لوكان اجازة مقدرش اقول غير لا تقبل اجازته لعدم وجود اعداد كافيه
فالشاهد فى هذه القصة انه لماذا تحجر على كلامى يعنى هيا المسميات اللى عطلتها و لو كان قلت الحق او شوف اللى حصل دا اللى هيمنع الحذف دى طريقة جميلة والله معلش المرة الجايه لما هجيب موضوع فضيحة هقول يلا يا منتدى حاجة بسيطة و بتكبر مشكلة صغيرة يا اخوانا او اقول غلطة غير مقصودة يا اخوانا يلا اقروا

[أ/مصطفى محمود]

الغريبة انه بالفعل ده حصل في منطقة قنا الازهرية لأني سألت بعدها بدقائق عن صحة الموضوع لأني قريب جدا جدا من المنطقة ومن اعضاء كنترول المعهد ، وكان الخطأ فادح جدا من قبل المنطقة وعرفت كل خبايا الموضوع...فمش عارف هل خطأ الاخ انه فضح الأمر وعرف حقيقته للناس.. اومال لو تشيفوا كم الاخطاء الموجودة بورقة الامتحان في امتحانات الشهادة للقراءات في تخصص الحساب والتي يمكن لاي طفل اكتشافها وللأسف كان نفسي يكون معايا الورقة دلوقتي كنت سحبتها ووضعتها.. في ورقة امتحان ياعالم متتراجعش اكتر من مرة وكمان لشهادة..لا حول ولا قوة الا بالله
والاغرب من كده انه مشرف القسم مسيو ايهاب بيحررلي مخالفة عشان قلت رأيي بصراحه في الموضوع بعد تاكدي منه.
واللهي وبكل صراحة لم ارى هذا التعسف في اي منتدى تعليمي ولم اكن متوقعا لهذا وخصوصا لأني املك بالفعل موقع تعليمي خاص بالباحثين في الماجستير والدكتوراه و حتى اني لم اضع رابطه و لا نوهت عنه مع انه مشهور بفضل الله ، واملك ثلاث مواقع كبرى اخرى منها الاسلامي ومنها للاطفال ومنها الطبي يشرف عليه اطباء كبار ولست في حاجة للاشهار أو عمل ضجة لشئ ، وبفضل لله قمت بتصميم عدة برمجيات تعليمية لباحثين في مواد العلوم والرياضيات وكنت انوي عمل شئ جيد للازهر و وضعه بهذا القسم حبا لهذا المنتدى وحبي لعملي التدريس ، فضلا أني كنت سأقدم مجانا عن قسم التعليم الازهري بالمنتدى هدية وهي ستايل لهذا المنتدى بشكل جديد سأقدمه نيابة عن الاشراف وباسم الجميع من معملي الازهر
ولكن ومع احترامي للجميع الواضح ان " حسني مبارك " ما زال بداخل كل واحد منا ولم يتخلى عن منصبه بعد
شكرا للاشراف على القسم على ادارته لمهامه واهتمامه بأمر الازهر الذي كل يوم يثبت انه افشل مؤسسة تعليمية في الوقت الراهن ورحم الله الشيخ جاد الحق واسكنه فسيح جناته.

[academyeg]

مشرفين المنتدي دورهم عامل زي الاهر وتثبيت المتعاقدين فين تفاعلهم اشرافهم دور امممممممممممممممم

[الاستاذة نجلاء علي]

علينا أن نتفق أن هذا الموضوع موجه لمشرفين المنتدي و من ثم علينا الانتظار حتي يدلوا المشرفين بالأسباب الفعليه للحذف

[مستر خالد غباشى]

اخى الكريم متعك الله بالعافية
تم حذف موضوعتك لانها باسم فضايح منطقة.........وبعدك بدا البعض ياتخاذ نفس العنون المشكلة انة لادليل على ذلك ولو معك دليل اكتب موضوعك وسوف يتم التثبيت ولتعلم ان من قوانين المنتدى ان كل شى بدليل وارجو ان تتقبل اعتذارى على عدم ترك موضوعاتك ربما تكون حقيقية ولكن لابد ان تعلم انا هنا لارقيب الا الله ولاننتمى لاى احد ولا يشغل بالنا الا الله والخوف من الله فقط

[الملك النائم]

استاذ خالد لو بالطريقة دى يبقى كل واحد هيتكلم يجيب دليل على انه بيتكلم وحضرتك بتقول لا نخاف الا الله هات دليل من عندك ما هو لو عملنا زى ما انت عايز يبقى الموضوع كدا و بعين لو قلتلك ان فلان الفلانى مات و تقولى هات الدليل هقلك ان فى ناس كتيرة شاهده تقلى هات الدليل و بعدين اكتر من اخ اكدوا كلامى ولو مش عايزينا فى المنتدى ممكن ننسحب لكن الحجر على الراى يا ريت تسبوه وبعدين ياريت تقلى الناس اللى كانت بتقول فى تثبيت و ان المنوفيه فيها والش عارف ايه فيه ليه مقلتلهوش هات دليل والا هى وسايط وخلاص