مهم جدا لكل اللي رايح يقدم في كلية اقتصاد و علوم سياسية

kingsamo · #1 31-07-2011, 03:13 PM

مبروك لكل اللي جاله اقتصاد و قدر يدخل الكلية اللي نفسه فيها...طبعا كتير مننا مكنش عارف يعمل ايه لما يقدم..أنا رحت ودبيت المشوار الحمدلله وعرفت المطلوب:
1- شهادة الثانوية العامة (أصل)
2- شهادة الميلاد كمبيوتر
3- 6 صور شخصية
4- بطاقة الترشيح
5- استمارة 2 جند (للذكور فقط)
**300 جنيه استمارة تقديم لشعب اللغات (انجليزي أو فرنسي )

****سيتم قبول أوراق الطلاب يوم 9 أغسطس 2011****

*هيبقوا موجودين من الساعة 9 ص بس معرفش لغاية امتي عشان هتبقي مواعيد رمضان

*اللي مش عارف طريق الكلية يسأل علي شارع ثروت هيلاقي بوابة ومن جوه هيشوف قبة الجامعة والساعة، يدخل البوابة و يمشي يمين بعدين هيلاقي باب الكلية علي ايده الشمال، وأول ما تدخل من الباب هتلاقي يافطة علي الاتجاهات لكل كلية(ادام البوابة علي الشارع في مبني اسمه: مبني الطلاب).

**صحيح...ال300 جنيه دول رسوم اختبار لغة لشعب اللغات بس مش عارف ميعاده امتي..لما تروح تقد ابقي اسأل
وبالنسبة للمصاريف..الانجليزي 10370(عشرة الاف و ثلاثمائة وسبعون جنيها مصريا فقط لا غير) يدفعوا دفعة واحدة..ولما سألت اجيبهم أمتي..قالولي في شئون الطلية بلاش يوم التقديم ل يتسرقوا منك (: بس مش عارف الفرنسي زيه ولا بيزيد!؟
و بالنسبة للعربي المصاريف 170 جنيه..(ماله العربي.. وحش؟؟) علي فكرة أنا انجليزي**

بس ....يارب أكون فيدت حد عشان ما يلفش زيي