انتوا عارفين

[الشارد الشديد]

ان الواحد بعد ما يذاكر ويتعب ويطلع عينه ويجيب مجموع حلو بس مش حلو علشان خاطر ارتفاع المجاميع يكون ايه شعوره انا يا جماعة جايب93 وبصراحة لوالانتحار مش حرام انا قمت رميت نفسي منة فوق البيت المشكلة ان في ناش بتقول وليه يا حبيبي مش ذاكرت وجبت مجموع هندسة انا قولت السؤال دا لنفسي كثير بسي احب اقول حاجة اولا ليس كل اللي جايبين فوق 95 من صميم جهدهم بل98منهم غش مش هنقول ان هما فشلة ا لاسمح الله ولكن هما شطار بس خدوا بالغس6او5او7 درجات فوق مجموعهم مشكدا هم السبب في رفع التنسيق طيب دا مش حرام واحد يقولي يعني انت مش غشيت علشان توصل ل93 بتعتك اقوله حاجة صوابعك مش زي بعضها جايز يكون انت جالك مراقب ساهل في مادة انت محتاج مساعدة فيها وغشيت الحمد لله اما انا وغيري اللي يصعبوا اللجان في المواد الصعبة ويسهلوه في المواد السهلة دي اول حاجة وثاني حاجة ان كانت لجنتك كلها مش عيزها تديك هل كنت زي زيك انا من الارياف في محافظة الشرقية ووكنني كنت مسافر في احدي دول الخليج وربنا يعلم الكم الهائل ن الحسد الذي اقابل انا وامثالي من الذين يأخذون دروسهم في البيوت وكان المدرسين الذين يدخلون البيت رسل وانبياء تحل بركتهم على البيت هل عانيت يا سكان المدن من ذلك تخيل ان الواحد علشان ابوه دكتور ومسافر انا انازي وغيري وغيري يعلم الله وحده كم ذاكرت وكم اجتهدت ولكن ان الله لا يضيع ...........لم تنطق على واقول لكم شئ انا كل ما كنش اخد حاجة والله العظيم انها كانت خطا انا روحت السنة اللي فاتت تظلمت و المصصح ربنا يخده نسي سوال ب1.5 ومش خدتهم والواحد ممتاز انا مش بشكرفي نفسي بس دا معظم الناش تلاقيها متفوقة وبتنزل سبحان الله اللي بتحطه الناس في دماغها مش هتسيبه غير لما يجيله مصيبة
الخلاصة انا عايز اقول ان الناس اللي جايبه مجاميع عالية مش تقسو على زميلها اللي جايبين مجاميع اقل لان ظروفك مش ظروفه معلش انا كنت عايز افضفض حبه ودوشتكوا انا اسف

[ArabianPDA2]

المشاركة الأصلية كتبت بواسطة الشارد الشديد

ان الواحد بعد ما يذاكر ويتعب ويطلع عينه ويجيب مجموع حلو بس مش حلو علشان خاطر ارتفاع المجاميع يكون ايه شعوره انا يا جماعة جايب93 وبصراحة لوالانتحار مش حرام انا قمت رميت نفسي منة فوق البيت المشكلة ان في ناش بتقول وليه يا حبيبي مش ذاكرت وجبت مجموع هندسة انا قولت السؤال دا لنفسي كثير بسي احب اقول حاجة اولا ليس كل اللي جايبين فوق 95 من صميم جهدهم بل98منهم غش مش هنقول ان هما فشلة ا لاسمح الله ولكن هما شطار بس خدوا بالغس6او5او7 درجات فوق مجموعهم طيب دا مش حرام واحد يقولي يعني انت مش غشيت علشان توصل ل93 بتعتك اقوله حاجة صوابعك مش زي بعضها جايز يكون انت جالك مراقب ساهل في مادة انت محتاج مساعدة فيها وغشيت الحمد لله اما انا وغيري اللي يصعبوا اللجان في المواد الصعبة ويسهلوه في المواد السهلة دي اول حاجة وثاني حاجة ان كانت لجنتك كلها مش عيزها تديك هل كنت زي زيك انا من الارياف في محافظة الشرقية ووكنني كنت مسافر في احدي دول الخليج وربنا يعلم الكم الهائل ن الحسد الذي اقابل انا وامثالي من الذين يأخذون دروسهم في البيوت وكان المدرسين الذين يدخلون البيت رسل وانبياء تحل بركتهم على البيت هل عانيت يا سكان المدن من ذلك تخيل ان الواحد علشان ابوه دكتور ومسافر انا انازي وغيري وغيري يعلم الله وحده كم ذاكرت وكم اجتهدت ولكن ان الله لا يضيع ...........لم تنطق على واقول لكم شئ انا كل ما كنش اخد حاجة والله العظيم انها كانت خطا انا روحت السنة اللي فاتت تظلمت و المصصح ربنا يخده نسي سوال ب1.5 ومش خدتهم والواحد ممتاز انا مش بشكرفي نفسي بس دا معظم الناش تلاقيها متفوقة وبتنزل سبحان الله اللي بتحطه الناس في دماغها مش هتسيبه غير لما يجيله مصيبة
الخلاصة انا عايز اقول ان الناس اللي جايبه مجاميع عالية مش تقسو على زميلها اللي جايبين مجاميع اقل لان ظروفك مش ظروفه

أخي انا مقدر شعورك كشخص تعب واجتهد

بس تعالي نتكلم كده

دلوقتي انا فعلا والله عارف ناس ف رياضه خدوا مسأله كامله من بعض
كان ناتجها 4/3 معرفش فين دي لكن المراقب كان بتاع رياضه وادهالهم ع السبوه !
شفت دي!

انا مش هقولك ليه مغشتش "كنت قلت ده لنفسي"
انا واحد يعلم الله انتن لجان شفتها ف حياتي كانت بتاعت السنادي
ف كل المواد اللهم هي التربيه والمستوي الي كان فيهم غش
ومغشيتش فيهم كمان

واعرف ناس خدوا بال4 درجات من بعض ف الانجلش "علي لسانهم"

طيب ايه الحل


والله اخي مش هقدر اقولك غير ده الي ربنا كاتبه لكل واحد فينا

للاسف ولا وزاره التربيه عملت الي عليها ف أمتحانات شديده
ولا الداخليه امنت المراقب الي نفسه يرجع عايش لبيته!
ولا التعليم العالي تقدر تزود

والله بكلمك عن واقع ف دي

الوزاره متقدرش تفرق بين الي غش انشاله جاب 104%
والي مغشش

ومتقدرش تزود صدقني بجد لان فيه نقابه وفيه اعداد هو ملتزم بيها
وهو زود وعمل الي عليه ف الحته دي

فربنا معاك
ويوفق الجميع
وده ف الاول او الاخر مكتوبلك وربنا والله ادري بالمستقبل مني ومنك
مش يمكن تخش تجاره "ايوه تجاره" وتبقي استاذ فيها احسن من كلب غش ودخل هندسه بترول وقعد ف البيت بالليسانس بتاعه

خلي ايمانك بربنا كبير

[الشارد الشديد]

ونعم بالله

[Sigma6]

بص يا معلم واضح إنك قرفان
بس هقولك على حاجة خلاص اللي حصل حصل
والتنسيق هيعملوا اللي هيعملوه فينا
فأنا خلاص مش فارقة معايا
ليه
لأني بصراحة ناوي أنا بس أخلص أم الكلية دي
وبعدها أجري أروح أي حتة بعيد عن البلد دي
ومش راجع تاني
احنا مشوفناش في البلد دي غير المر والغلب والله
أحسنلك أجري وأهرب من البلد لأنك لو قعدت فيها هتفضل تتظلم طول حياتك
وهتتعلم بعد كده لما تكبر في السن تضحك على نفسك وتعمل إنك مبسوط زي كل المصريين
نصيحة والله أنت أمشي وأهرب من القرف ده ولو لقيت لي مكان في الطيارة معاك احجزهولي وقولي

[اللمبي2010]

أنا مش عاررف لاه كل ما أكلم واحد علي المنتدي ده أحس أن هو غارق في التشاؤم ....
شوفوا ياجدعان عشان نجيب من الآخر اللي بيغشوا أغلبهم عشان ينجحوا مش أكتر ونادرا تلاقي واحد غش وجاب مجموع وده أكيد ربنا مش هيوفقوا بعد كده يا عمي ده كفاية تأنيب الضمير بعد كده طول حياته

[الشارد الشديد]

ضمير ايه انت انا اسف عايش في الاوهام واحد دخل هندسة وتفوق على صحابه وحط في باله انه احسن منهم في ضميره

[princess tinker bell]

طبعا ربنا يوفقك يا رب
بس انا رأيى ان كل اللى جايبين فوق التسعينات دول من جهدهم بجد
مفيش حد هيجيب مثلا 95 وهو غاشش نص الامتحان
اكيد كلنا من تعاملنا مع الناس اللى بتعدى ال95 دول عارفين انهم بيبذلوا مجهود كبير جدااااااااااااا
وفى الاخر قل لن يصيبنا الا ما كتب الله لنا

[Shamy shemo]

w hewa elly 8ash rabena haybarklo fy l kolya bta3to???

adam enta ma8shetsh w rabena 3ayzk kda w haywaf2k w hateftekr dy kewayes

rabena be5tar l asl7

[Ph Fouda]

princess tinker bell

رد على كلامك بس معلش
انا معايا واحد فى اللجنه
لولا ان امتحان علم النفس اللجنه سابت فيه اخر ساعه كان زمانه معداش منها
و نجح و جاب 98 % و فى علم النفس 50
يعنى مش كل اللى فوق ال 90 جايبين بمجهودهم
واسمه ايه ممكن يدخل طب


الحمد لله انا 2 و 3 مش غشيت وراضى بمجموعى 97 و نص
الحمد لله اوى

وبالنسبه يا جماعه بس للى بيحصل فى البلد ده
ماهو كده من زمان اصلا و لازم نتعود على كده
وعلى رايكوا نخلص و نسافر على اى مكان بره

سلام

[canavar000]

والله انا زيك بالظبط جايبه 93 ومش لاحقه اي حاجه
يلا الوزاره خلتنا نتساوي بالي جايب 79
الواحد حاسس ان 93 زي ماتكون جايب 60% مش عارف هدخلك ايه دي

[Mohammed-Ahmed]

انا كمان جايب 92.7 والله ومش عارف اعمل ايه بجد
يعني خلاص كده كل حاجه انتهت
يااااااااااااااااااااااااااا رب

[osos_44]

مش معقولة يعنى واحد جايب 8 ويكون غاشش ... بلاش ظلم للناس

[الاحترام]

اولا :لازم كلنا نحمد ربنا على المجموع اللى جلنا ، والانسان ميعرفش الخير فين .
ثانيا :مينفعش نعمم بأن كل اللى جايبين فوق ال95 مثلا كانوا غشاشين لان الكلام ده 100%غير صحيح ،المجتهدين موجودين والغشاشين برضه موجودين وفعلا ربنا مش بيسيب حد وعمر ما حد غشاش بيفلح طول حياته .
ثالثا :لازم بجد الرضا يكون موجود والتفاؤل برضه ،ايوه بجد التفاؤل والرسول عليه الصلاة والسلام قال "بشروا ولا تنفروا" لو الانسان بص للموضوع من زاوية تانية وحاول انه فى اى مكان يثبت نفسه حتى لو فين هيقدر ،لكن فعلا التشاؤم والنظرة السوداوية للحياة بتخلى الانسان ميعرفش يفكر .
اللى ربنا عايزه وموفق الانسان ايه ادهوله فلنرضى به ونحمد الله ونعيد التفكير من جديد.

[rehab rehab]

هو اللى خلى الناس متغشش ان اللجان صعبة؟؟!!!

و فعلا فيه ناس متضايقة انهم معرفوش يغشوا و بيحقدوا على اللى غشوا؟؟

ايه يعنى ثانوية عامة !!!!

هو حد ضامن يعيش لبكرة ولا حد ضامن هيعمل ايه فى الكلية و لما يطلع منها هيبقى ايه


اللى معرفش يغش دا ربنا بيحبه و المفروض يبقى مبسووووط

[suzy m]

لاتنسوا ذكر الله وان الله لايضيع اجر من احسن عملا وخلى فى يقين بالله انه لم يضيع احد ابدا وكل انسان هياخذ حقه ان شاء الله وبالتوفيق للجميع