رسالة عاجلة من الوزير

[Abdel Shafy Mohammed Ali]

رساله عاجله من الوزير
يا معلم يا حبيبى يا روحى يا بابى..............يا حطك فى جيبى يا ابن الحلال
يا معلم يا شاطر يا جابر خواطر.............. ..يا ساكن مقابر وصابر و عال
يا معلم يا نايم وسارح وهايم ............ . وفى الفقر عايم وحاله ده حال
احبك محشش مفرفش مطنش...................ودايخ مدروخ واخر انسطال
احبك مكبر دماغك مخدر..........................​....ممشى امورك كدة بأتكال
واحب اللى يكدب واحب اللى ينصب...........واحب اللى ينهب ويسرق تلال
واحب اللى شايف وعارف وخايف................. وبالع لسانه وكاتم ما قال
واحب اللى قافل عيونه المغفل..................... واحب البهايم واحب البغال
واحب اللى فاضى واحب اللى راضى ............واحب اللى عايز يربى العيال
واحب اللى يائس واحب اللى بائس..........واحب اللى محبط وشايف المحال
واحبك تسافر و تبعد تهاجر.........................​.وتبعت فلوسك دينار او ريال
واحبك تألس تهبل تطبل........................عش​ان متش كورة وفيلم ومقال
واحبك توافق تنافق واحبك تؤيد ..........تعدد تمجد توافق تنافق وتلحس نعال
لكن لو تفكر.. تقرر............... .......وتبدأ تشاكى تسأل سؤال
وعايز تطور وعايز تنور..........................​........وتعملى روحك مفرد رجال
ساعتها هجيبك ......لا يمكن هسيبك ..........وراح تبقى عبرة وتصبح مثال
هبهدل جنابك واذل اللى جابك................وهيكون عذابك ده فوق الاحتمال
واهزأ سعادتك وأبهدل سادتك...................وتبقى كرامتك فى حالة هزال
وتلبس قضية وتصبح رزية.................... وباقى حياتك تعيش فى انعزال
هتقبل هحبك ..هترفض هلبك. .......... هتطلع هتنزل انا عمك جمال

( دى قصيدة مشهورة كانت معمولة لجمال " الأبن " قبل الثورة ولكن أحد الأصدقاء بدل فيها لتناسب جمال " الوزير " وقادر سبحانه اللى خلصنا من الأبن يخلصنا من الوزير و شكرا )