رداً على من يدافع عن ساويرس

[همتي رايتي]

رداً على:ساويرس مش بيهزر..ساويرس بيكسب يا بشر

محمود داود

رسالة إلى المنبطحين

أهلاً وسهلاً بكم فى حلقة جديدة من برنامج " غباء أون لين" فى الفقرة دي هنعرض بعض الأفكار العقيمة للمنبطحين..
لو أنت قاعد فى مدرجات الدرجة التالتة هتلقى النادي الأهلي على يمينك ..وهتلقى النادي الزمالك على شمالك..وهتلقى المنبطحين على الأرض إن شاء الله..علشان الإنبطاح لا يكون إلا أرضاً.
تعريف المنبطح: كائن حي يعيش على فضلة خير العلمانيين .. مريض بمرض يسمى" أنا النخبة " وده مرض وهمي..يعني بيخليه يعيش الوهم..فاكر نفسه مفكر..مكتئب..مش عاجبة أي حاجة فى التلاجة..وبيقول أي كلام هدفه الأول والأخير"الهجوم على الإسلام من خلال الإسلاميين" ماشي بسياسة "متدخلش ده في ده" يعني"متدخلش الدين فى أي حاجة إلا لو كنت هتسبه وتسخر منه فقط"
ولو مثلاً هو ماشي زعلان ومتضايق ومش طايق ودانه ولو شخص يقوله: يا عم روق وصلي على النبي..يرد ويقول: متدخلش الدين فى الزعل "....آآه منكم يا بني منبطحين !!!

خرج علينا المنبطحين عاملين من"نجيب باشا" مفكر العصر وداهية العصر وأحسن واحد يلعب بلاى ستيشن وهو مغمض كمان !
قال أيه يا عم الحاج" يقولك أصل نجيب ساويرس نشر صورة –ميكي وميني- وهو متعمد إنه ينشرها " ليه بقى يا علماني منك له ؟
يقولك: (( أصل شركة موبنيل دي مش بتاعت ساويرس ..دي بتاعت شركة فرنسية لها أسهم بنسبة 71.25 % من أسهم موبينيل.. وشركة أوراسكم للإتصالات تملك 20% من أسهم شركة موبينيل )) وكمان بيقولك (( ساويرس بيملك نسبة 51%من أسهم شركة أوراسكم اللي هي مساهمة بـ 20% من شركة موبينيل..يعني أصبحت نسبة ساويرس فى شركة موبينيل 10%بس ))
وبيقولك كمان يا بشمهندس(( وساويرس كان عايز يشتري أسهم أكتر فى شركة موبينيل..قوم أيه بقى؟! راح عمل "صورة ميكي وميني وسخر من الإسلام" علشان الناس تقاطع شركة موبينيل..وبالتالي أسعار الأسهم فى موبينيل تبقى رخيصة..وساويرس يشتريها رخيصة وياخد الشركة برخص التراب ))
وكمان بيقولو(( وبدأت حملة المقاطعة اللي عملها أخواننا المدافعين عن النقاب واللحية وبدأت أسعار أسهم موبينيل فى الإنخفاض وساويرس أشتراها برخص التراب)) طبعاً مع شوية قلة أدب وشتيمة فى المسلمين...انتهى .

رد محمود داود:
ده عند أمه..ولو كلمة "أمه" سوقية شويه " خليها عند مامته .
مصيبتكم يا بني علمان فاكرين أن عندكم عقول جامدة..ولو أني أظن إن عندكم عقول بس "بأقلاب القاف إلى جيم" ويبقى هو ده كلام الناس الجامدين.

أولاً: بيقول ان أسهم الشركة الفرنسية فى شركة موبينيل تقدر بنسبة 71% ..وشركة أوراسكم تملك نسبة 20% من شركة موبينيل .. وبخ .. أيوة بخ كده..فين باقي النسبة؟ يعني 71%+20% = 91% .. فين باقي الـ 100 % ؟؟ يمكن أكلتها الضفدعة ؟ ولا هو زي ما قلت لكم بيقول أي كلام ونسي يقول باقي النسبة؟

ثانياً: بيقول أن دي خطة من ساويرس علشان أسعار أسهم موبينيل تنخفض..وساويرس يشتريها برخص التراب.. يا حلاوة !! ده على أساس ان الناس هتكسر شريحة موبينيل لمدة"أسبوعين" وبعد الأسبوعين يروحوا يشتروا شريحة موبينيل تاني؟! على أساس ان الناس هتحول لشركة "إتصالات" لمدة أسبوع وترجع تحول تاني لشركة موبينيل؟! أنت مبلبع أيه حضرتك؟! شكلك واخد شوب علمانية على الريق وعامل عمايله..يا عزيزي الفاضل يا جميل الشكل والملامح هذه المقاطعة ليست مؤقتة..هذه المقاطعة دائمة..يعني شركة موبينيل ستسقط إلى الأبد إن شاء الله..فلو على حسب كلامك ساويرس هيشترى الأسهم بتاعتها بسعر رخيص..طيب هيبيعها أمتى بسعر أغلى والمقاطعة لسه شغالة؟ أبقى خليه يديلك سهمين تسلك بيهم سنانك ..غباء بلا حدود.

ثالثاً: على حسب كلامك لما الشركة الفرنسية تخسر الأسهم بتاعتها فى شركة موبينيل..هتضطر تبيع الأسهم وتخلع من الشركة...وبما أن شركة موبينيل فى النازل..يا ترى مين هيشترى الأسهم؟! مفيش حد ..يبقى الهيكل والقوام الرئيس للشركة أنضرب..وكل عام وأنت منبطح ومنجيلكش فى حاجة وحشة.

رابعاً: هل تظن أن ساويرس ممكن يضحي بالسياسة وسمعته السياسية والحزب بتاعه مقابل إنه ياخد شركة موبينيل ويشتري فيها أسهم بنسبة أكبر؟! مشكلتكم يا بني علمان إنكم مش عارفين عايزين أيه والله!!
ده ساويرس مستعد يضحي بنصف ثروتة مقابل مستقبلة السياسي..ولا نسيت الفلوس اللي دفعها فى حملة " أركب الحنطور وقول لاء لتعديل الدستور" ولا نسيت ساويرس وهو بيلف ويدور على"الموالد" ويأكل الغلابة علشان ياخد أصواتهم؟ ولا نسيت "خط موبينيل بجنيه وعليه 1000 دقيقة يا بيه بس أديني صورة البطاقة" ولا نسيت عرضه لشراء الأعضاء التأسيسيين للحزب؟! يعني معقولة ساويرس خلاص ضحى بالسياسة مقابل المال؟! قول كلام غير ده يا راجل

خامساً: وفرضاً جدلاً ومجازاً وأعتباطاً أن دي لعبة من ساويرس علشان يشتري باقي أسهم موبينيل بسعر رخيص..يا ترى أيه رأيك فى باقي شركات ساويرس؟ كانت لعبه برضة علشان يخلي باقي شركاته تخسر فى البورصة؟ لأن كل أسهم ساويرس نزلت مش بس أسهم شركة موبينيل..وكمان ليه ساويرس هيطلع"يعتذر" ويقول انا كنت "بهزر"؟! بالعكس دي لو لعبة كان هيسكت ويخلي الناس تتاغظ أكتر وتقاطع أكتر..لكن لما ساويرس يقول"أنا آسف" ربما كلمة أنا آسف ترضي المنبطحين مثلك وعدد المقاطعين يقل..صح كده؟.صدقني ياض يا منبطح انت وهو محتاج الواحد يمسكك ويقعد يرج فيك زي إزازة البيبسي لغاية لما الكازوزة بتاعتك تطير .

سادساً: فرضاً جدلاً ومجازاً وأعتباطاً أن دي لعبة من ساويرس يحط صورة ميكي وميني ويسخر من الإسلام علشان يشتري باقي الاسهم من شركة موبينيل بسعر رخيص جداً...ماشي يا عم الراجل..أنت رضيت يعني إنه يسخر من الإسلام؟! يعني أرتضيت ان ساويرس يسخر من الإسلام و وافقت وقعدت تزغرط له وناقص تتحزم وترقص وتقول"ساويرس عبقري وأديني يا مفتري" للدرجة دي إسلامك سهل وبسيط ورخيص علشان واحد زي ساويرس يسخر منه؟

سابعاً: يا أبو الشباب يا منبطح منك له..دي لو أول مرة يسخر فيها ساويرس من الإسلام هقولك ماشي ممكن تكون لعبة..لكن فى توقيت غير مناسب لإنه داخل معركة سياسية !! لكن دي مش أول مرة يسخر فيها ساويرس من الإسلام للآسف..فاكر لما "شغل فيلم فيه مناظر جنسية على القناة بتاعته؟" فاكر "لما قال ان الحجاب فى مصر هيخلينا نبقى زي إيران" فاكر لما مذيعة قناة ساويرس كانت بتهاجم قرار"منع القُبلات من الإفلام العربي"وبتقول إحنا أتربينا على الأفلام دي-ونعم التربية-وشكلنا هنبقى زي أفغانيستان وإيران" هل كل ده مكنش هجوم على عادات وتقاليد الشعب المصري اللي أستوحاها من الشريعة الإسلامية ؟! يبقى دي عادة من عادات ساويرس وهو أن يسخر من الإسلام..معقولة كل مرة بيسخر فيها من الإسلام يبقى بيعمل فيلم هندي علشان يخلي الأسهم بتاعت موبينيل ترخص ويروح يشتري الباقي منها؟! أصحاب العقول فى راحة....راحة ومش راجعة تاني.

ثامناً: المنبطح بيقول وبدأت الحملة من أخواننا اللي بيدافعوا عن النقاب واللحية...بصراحة لا يشرفنا أن يكون عندنا أخ منبطح مثلك..أخواننا رافعين الرأس..عالين الهمة..نواصيهم شوامخ والعز فيها..معتزين بإسلامهم..لا يعبدون المال..لا ينحوا لغير الله..رجال لا يتعصبون لغير دينهم..لا يدافعون إلا عن الحق..ويكفي إنهم لا ينبطحون أرضاً....أما بالنسبة ليك عزيزي "المنبطح" هو النقاب واللحية دول بتوع مين؟ بتوع السلفيين والأخوان وبس؟ مش رسولك محمد عليه الصلاة والسلام هو اللي علمنا "اللحية؟" مش "القرآن" هو اللي أعطى أمر لزوجات رسولك بأرتداء النقاب؟ لو لم تدافع عن الرسول ولا تحترم أوامر القرآن..فأنت"منافق" سبحان الله قال الله فيكم
وَإِذَا قِيلَ لَهُمْ تَعَالَوْاْ إِلَى مَا أَنزَلَ اللّهُ وَإِلَى الرَّسُولِ رَأَيْتَ الْمُنَافِقِينَ يَصدُّونَ عَنكَ صُدُوداً[النساء : 61]

وأحمل لكم بشرى..ليتكم تتأملون فيها قليلاً:
بَشِّرِ الْمُنَافِقِينَ بِأَنَّ لَهُمْ عَذَاباً أَلِيماً [النساء : 138]
مش عاجبينك اللي بيدافعوا عن النقاب واللحية يا منبطح ؟ على رأي اللي بيقولوا " لو كانت جابت دكر بط كانت دبحته وعملت عليه شُربة " ولكن صدقني دكر البط لا يُسيء للرسول عليه الصلاة والسلام.

تاسعاً: ردد نجيب ساويرس جملة ورددها من بعده المنبطحين ألا وهي"أنا أرفض إختصار الإسلام فى اللحية والنقاب" ..بص بقى يا عم ساويرس..أنت تقبل ولا ترفض رأيك ده تحطه في أقرب شريحة موبينيل وتعطيها لشاب مسلم غيور على دينه يكسرها ويحطها تحت رجله..أما بقى المنبطحين فردي عليهم:
النقاب واللحية هم من الإسلام ومن أهم رموز الإسلام...لماذا؟! بمنتهى البساطة إن رسولك ملتحي..و زوجات رسولك منتقبات...هل تظن إن رسولك ما كان يوحى إليه؟!هل تظن أن الإسلام خاطىء ويفتح للمشككين مجالاً للسخرية لإنه أمر زوجات الرسول بالنقاب؟! وبعدين عجباً لأمركم يا معشر المنبطحين
أيه رأيكم في (عَلم مصر) ؟! آه هتقولي علم جميل وبيرفرف و طويل.
علم مصر هو رمز لمصر.. وإهانة العلم الوطني جريمة يُعَاقِب عليها القانون...بالرغم من كون العَلَم قطعة من القماش.. فهل أختصرنا مصر فى مجرد قطعة من القماش ملونه بثلاثة ألوان وفى وسطها نسر؟!! بالطبع لا..
ونحن لم نختصر الإسلام في"اللحية والنقاب" ولكنهما رموز للإسلام..وإهانتهما من المفروض أن تكون جريمة يعاقب عليها القانون أيضاً..وعزة مصر أتت من عزة الإسلام..ولا تنسوا أن الذين لقنوا اليهود درساً لم ينسوه فى حرب العاشر من رمضان والسادس من أكتوبر عندما كتبوا على علم مصر( الله أكبر) وكانوا يرددونها دائماً أثناء الحرب.....ألحقونا يا جدعان أبطال أكتوبر طلعوا بيدخلوا الدين فى الحرب .


ركز جدااااااا فى عاشرا
عاشراً: فشل المنبطحين المدافعين عن ساويرس فى إيقاف المقاطعة فقالوا( لما بتحولوا من خط"موبينيل" إلى خط" إتصالات" ده هيفيد شركة موبينيل مادياً لأن شركة موبينيل بتاخد نسبة ) وأنا بقولكم كان غيركم أشطر..لأن التحويل مثلاً من موبينيل لشركة إتصالات بيكون "مجاناً" يبقى شركة موبينيل هتاخد نسبة لما تحول منها لشركة إتصالات؟! وشركة إتصالات هتعملها مجاناً؟!..مش قولتلكم أصحاب العقول في راحة؟!
وكمان أنت بتترك شركة موبينيل نهائي وبتحول مثلاً "لإتصالات" وكل الرصيد اللي بتشحنه طول السنه بيكون إتصالات..يبقى أزاي شركة موبينيل ليها نسبة؟!
وكمان دي إتفاقية بين الشركات الثلاثة"إتصالات , فودافون , موبينيل" ان اللي عايز يحول من أي شبكة للآخرى يحول وبنفس الرقم.

نصيحتي للأبطال المقاطعين :
لا تسمعوا لأحفاد "هدى شعراوي" وأحفاد"أتاتورك" الصراخ على قدر الآلم..
ساويرس الآن يصرخ من المقاطعة..إنشروها..عمموها.
.مش هتسب رسولنا بفلوسنا يا ساويرس..
و الثوار لم يثوروا ضد الإسلام بل صاروا ضد الطغيان..ولا عزاء للمنبطحين.
المصدر
قناة المخلص




منقول

[abdelrahim666]

الله الله
قلت فاوفيت بارك الله فيك وفي من ينشر ذلك


الي الزبالة يا سبارس

[mohamedzaher]

بارك الله فيك
يا اخى

[الأستاذ أحمد راشد]

بارك الله فيك
يا اخى

[جهاد2000]

سلمت يداك وسدد رب الكون خطاك .

[أزهار الخريف]

اخسأ يا ساويرس فارعوى
اخسأ يا فويسق فارعوى
وانظر الى الباغين كيف تصدعوا
فغدا حساب الله حتما واقع
حيث الزبانية الغلاظ تراهم
وتقول ليت وقد بكيت
اما دريت بان ليت اليوم لا لا لا تنفع

[أزهار الخريف]

ا تسمعوا لأحفاد "هدى شعراوي" وأحفاد"أتاتورك" الصراخ على قدر الآلم..
ساويرس الآن يصرخ من المقاطعة..إنشروها..عمموها
نعم لن نسمع لهم فنحن احفاد عائشة وخديجة احفاد ابى بكر وعمر وعلى وعثمان
احفاد الزهراء وذات النطاقين
كفانا فخرا من ذا يبارينا بنسبه فليتقدم؟؟؟؟؟؟؟؟؟

[أيمن الوزير]

بسم الله ما شاء الله اسلوب رائع ولو ولد من العباقرة يمثلها فيديو وينشرها

[مستر/ عصام الجاويش]

ما رأيكم يا اخوان فيمن يدافع عن ساويرس ويدخل باسم مسلم ويتضح انه اصلا غير ذلك ويصف مصر انها بلد مش نضيفه وان الشعب المصرى اقفال فيوقفه المشرف فيكيل الاتهامات لاداره المنتدى بالديكتاتوريه ..الخ من قائمه الاتهامات المحفوظه

[جهاد2000]

أعتقد أن من يفعل ذلك هو شخص واحد وبيدخل بأكثر من إميل وعلى فكرة من كلامة تعرف إنه غير مسلم وبيدعى الإسلام وفى هذه

الحالة تطبق عليه قوانين المنتدى وهو إيقافة ومنع دخولةبسبب هجومة على الإسلام وسخريتة منه بالإضافة لمحاولتة الدائمة لعمل فتة

فى منتدانا وخلق المشاكل وبالتالى فالحل هو إيقافة ومنع دخولة وعلى فكرة طريقتة فى الكلام واحدة وبسهولة يمكن معرفتة .

[جهاد2000]

إيقاف من يفعل ذلك ومنعه من دخول المنتدى أقل شيئ يمكن فعلة مع هؤلاء سواء المخطئ والمدافع عنه فهم سواء هذا مع أنى مازلت

مصممة أنهم شخصية واحدة بأكثر من إسم والله أعلم .

[محمد السويركى]

المشاركة الأصلية كتبت بواسطة أزهار الخريف

ا تسمعوا لأحفاد "هدى شعراوي" وأحفاد"أتاتورك" الصراخ على قدر الآلم..
ساويرس الآن يصرخ من المقاطعة..إنشروها..عمموها
نعم لن نسمع لهم فنحن احفاد عائشة وخديجة احفاد ابى بكر وعمر وعلى وعثمان
احفاد الزهراء وذات النطاقين
كفانا فخرا من ذا يبارينا بنسبه فليتقدم؟؟؟؟؟؟؟؟؟

نعم نحن احفاد على بن ابى طالب وعكاش بن محصن الاسدى

[omzoda]

الله اكبر
جزاك الله خيرا
و لا يدافع عن الخسيس الا خسيس فاسد مثله و ازالة عضويتة شئ بسيط و امثال هؤلاء تعج بهم المنتديات حاليا ولا يقف امامهم الا وعى الاعضاء المسلمين الفطنين و لا يسبح ورائهم الا من ضيع دينه او من ملئت السذاجة و الغباء عقله

[تائب الى الله]

[ان الله يدافع عن اللذين امنوا]والله لقد خدمنا الله بما فعله هذا الساويرس لكى يعرف الناس من هم الاسلاميين ومن الذى كان يحاول دائما تشويه سمعتهم واتهامهم باثارة الفتن وهو الذى كان يثيرها دائما .

[أنين الأنين]

يا اخوتى انااعلم منذ سنوات ان لنجيب ساويرس نسبة كبيرة فى شركة اتصالات لكنى لم اكن مهتمة حينها كم تكون هذه النسبة فالافضل ان نحول الى فودافون
وجزاكم الله كل خير