تجارة انجلش المنصورة ولا صيدلة جامعة مصر للعلوم والتكنولوجيا؟؟

[egyptiancool]

السلام عليكم
ازيكم يا احلى اعضاء
طبعا الحمد لله على كل شىء انا كنت جايبه 94.6 وطبعا كنت مظلومة في درجة الكيمياء وطلعلي درجات ومش خدتها وكان امنية حياتي اني اخش اعلام وان لم يكن يبقى السن..وللأسف غلطة عمري اني دخلت علمي بس للأسف ده كان بسبب اهلي اللي كانوا نفسهم في صيدلة واللي منعوني وبشدة من اني اتغرب في القاهره واخش اعلام او السن وقالولي خشي ادبي لو عايزة بس مش هنسفرك فطبعا قلت خلاص مدام كده اكمل علمي واتيح لنفسي فرصة..وللأسف وافقوا ع اعلام والسن ولكن بعد ايه بعد فوات الاوان .وافقوا بعد ظهور النتيجة ولما عرفوا اني مش هلحق صيدلة واتمنيت من كل قلبي مجموعي يجيبهم لكن للأسف عمنا التنسيق كالعاده لازم يهدم السعاده اللي في البيوت وراحت مني اعلام على درجتين والسن على درجة

وانا طبعا عشان توقعت ان التنسيق هيعلى بالشكل ده سافرنا 6 اكتوبر وحجزنا في جامعة مصر للعلوم والتكنولوجيا ودفعنا الفلوس مع العلم اني من سكان المنصورة..وهما وافقوا ع الغربة والمصاريف بس عشان مش يكسروا بخاطري

بس كل شوية قرايبنا يقعدوا يقنعوهم بتجارة انجلش وهما نفسهم اني اوافق واخش تجارة انجلش وانا على احترامي الكبير لتجارة انجلش بس مش قادرة نفسيا ادخلها عشان كل اخواتي وكل قرايبنا دكاترة ومهندسين..

وان جيتوا سألتوني عن رغبتي
أنا مش حابة لا دي ولا دي في الدراسة.ولا حابة شغل دي ولا شغل دي

وفعلا ليس كل ما يتمناه المرء يدركه..فالرياح لا تأتي بما تشتهيه السفن

انا دلوقتي خلاص اتزنقت يا اما في تجارة انجلش المنصوره أو في صيدلة مصر للعلوم والتكنولوجيا في 6 اكتوبر

وانا الكليتين مش طايقاهم ومش عارفه اعمل ايه

ارشدوني رجاء؟؟؟؟؟؟؟؟؟؟