نصايح جيرانى,ضيعت لى سنانى (مغامرات فريدة ومفيدةوفتاوى الأسنان الجد يدة)

[scream angle]

مدام فريدة ست شيك ومتعلمة , لطيفة ومهذبة بس فيها عيب كبييييييييييييييير اوى اى حاجة جيارنها يقولوا لها عليها تجررررررررررررررى وتعملها من غير ما تسأل ايمانا منها بمبدأ ..اسأل مجرب ..



وعلشان جيران مدام فريدة بيحبوا يفتوا فى كل حاجة كانت احدث فتاويهم .............علاج الاسنان من غير ماتروح لدكتور اسنان



وفى يوم مدام فريدة كانت بتتغدى وجرس الباب رن وراحت تفتح لقت جارتها مدام مفيدة جايبة لها اكلة جديدة من اختراعها علشان تدوقها ولسه بيقولوا بسم الله الرحمن الرحيم صرخت مدام فريدة ....الحقينى يامفيدة ضرسى بيوجعنى اوى مش عارفة فيه ايه , وطبعا مدام مفيدة جريت عليها : ورينى كده .......لا بسيطة ماتخافيش يافريدة روحى بس هاتى قرص اسبرين وحطيه فوق ضرسك وهاتبقى تمام وفعلا قامت مدام فريدة وجابت قرص اسبرين وحطته فوق ضرسها وبعد شوية ابتدى الالم يخف ...........ياسلام يامفيدة صحيح دكاترة اسنان ايه وبتاع ايه , البركة فى جارتى حبيبتى مفيدة .


مدام فريدة متعودة تقرا شوية قبل ماتنام و لسه بتفتح الكتاب وهاتبتدى تقرا حست بألم فظييييييييييييييييع مكان الضرس اللى كان بيوجعها وقامت تبص فى المراية على ضرسها .................يانهااااااااااااااااااااااااااار ايه ده ؟؟؟
لثة مداد فريدة اتحرقت وطبعا ده نتيجة قرص الاسبرين اللى شارت عليها بيه جارتها مفيدة


دى احد المعلومات الخاطئة السائدة عند كتير مننا ..........اوعوا ياجماعة تحطوا اسبرين على اسنانكم لو حسيتوا فيها بوجع


تابعونى مع مغامرات فريدة ومفيدة وفتاوى الاسنان الجديدة .


م

[scream angle]

مدام فريدة كان عندها ميعاد مع مدام مفيدة علشان يزوروا صديقتهم المريضة لانه طبعا زيارة المريض صدقة وقبل ماتخرج كانت بتظبط طرحتها فى المراية وبعدين بصت على اسنانها كده

ايه ده انا سنانى صفرا كده ليه ؟؟؟ اما ابقى اسال مفيدة ( برضه مابتتعملش )

وبعد ما الزيارة خلصت سألت مدام فريدة صديقتها المفيدة عن صفار اسنانها وكالعادة مفيدة عندها فتوى لكل شكوى اسنانية , ولا يهمك يا فريدة دى حاجة بسيطة خالص هاتى شوية بيكنج باودر من اللى بتحطيه على الكيك وانت بتعمليه وادعكى بيه سنانك وهاتدعى لى

وفعلا مدام مفيدة ما كدبيتش خبر واول ماوصلت البيت جرى على المطبخ وجابت البيكنج باودر وهاتك يادعك فى سنانها وطبعا سنانها ابيضت وبقت زى اللولى وبقت تعمل كده تقريبا كل يوم

وبمرور الايام بقت مدام مفيدة كل ماتشرب حاجة ساقعة او سخنة تحس بالم فظيع فى اسنانها وكمان سنانها مابقيتش بيضة زى الاول بالعكس لونها اغمق اكتر ...........


وده كان تانى درس لمدام مفيدة .......استعمال البيكنج باودر بدعوى تبييض الاسنان غلط جداااااااااااااااااا لانه البيكنج باودر يعمل كصنفرة على الأسنان وبتكرار الاستعمال بيتآكل مينا الاسنان اللى بتكون زى طبقة عازلة بتحمى الطبقة اللى تحتها والى هى اكثر حساسية علشان كده لما بتآكل المينا بتبان الطبقة الحساسة اللى تحتها وبالتالى بتحس بالوجع كل ماتشرب اى حاجة سخنة او ساقعة .

كمان الصنفرة بتخلى سطح السنة بعد ما كان املس وناعم بيتحول الى سطح خشن وسهل انه اى حاجة تلتصق بيه وبالتالى لونه بيغمق وبيروح البياض المزعوم .


اوعوا تستخدموا البيكنج باودر على الاسنان بدعوى انه بيبيضها

[◄Ǻqцăмăяϊŋэ►]

هههههههههههههههه
حلقات لذيذة جداااااااااا

ومفيدة كمان

متابعة ان شاء الله

[scream angle]

المشاركة الأصلية كتبت بواسطة ◄Ǻqцăмăяϊŋэ►

هههههههههههههههه
حلقات لذيذة جداااااااااا

ومفيدة كمان

متابعة ان شاء الله

شكرا على مرورك الرائع وسأضع باقى الحلقات باذن الله

[scream angle]

مدام مفيدة كانت عازمة جارتها فريدة على عيد ميلاد بنتها ملك اللى كملت ماشاء الله 3 سنين
وطبعا عيد الميلاد كان مليان جاتوهات واصناف لذيذة من الحلويات وطبعا تورتة عيد الميلاد وفيها شمعات


وطبعا الكل اكلوا بالهنا والشفا وعيد الميلاد خلص ومدام فريدة باركت لملك واديتها الهدية بتاعتها واستأذنت جارتها مفيدة علشان تلحق تروح وتغسل اسنانها بسرعة لكن طبعا مفيدة العبقرية قالت لها ........ياسلام يافريدة ايه يعنى ان شالله تقعدى عشر ساعات بعد ما تاكلى ايه المشكلة يعنى المهم تغسلى سنانك قبل ماتنامى وخلاص





ودى طبعا معلومة خاطئة جداااااااااااااا وسائدة عند كتير مننا , لازم نغسل اسناننا بعد الاكل مباشرة يعنى 5 دقائق على الاكثر لانه عدم ازالة بقايا الطعام المسبب الرئيسى لأمراض اللثة والأسنان بسرعة كافية يسبب تفاعلات كيميائية فى وجود بكتيريا الفم ينتج عنها احماض تسبب تسوس الاسنان والتهابات اللثة .


بقايا طعام + بكتيريا الفم = تسوس الأسنان وامراض اللثة

[scream angle]

[scream angle]

مدام فريدة سيدة نشيطة وبتصحى كل يوم بدرى تصلى الفجر وتقرأ ماتيسر لها من ايات القرآن وبعدها تعمل شوية رياضة ( ايروبكس ) وبعدين تبتدى تشوف اللى وراها فى البيت . قبل ماتقوم من سريرها لاحظت بقعتين تلاتة دم كده على مخدتها وطبعا اتخضت جدا وجريت على الحمام تبص فى المراية تشوف الدم ده من ايه ؟؟؟ وطبعا كانت لثتها كلها ملتهبة جدا ويادوب بتلمسها لقيت دم كتير اوى نازل منها
اتمضمضت كده بسرعة وقالت انا لازم اسأل مفيدة علشان تشوف لى حل ( مافيش فايدة برضه مابتتعلمش ) . وبعد ماخلصت كل اللى وراها خبطت على جارتها المفيدة جداااااااااااا مدام مفيدة وقالت لها على اللى حصل الصبح وكالعادة قالت لها ........ايه يافريدة انت دايما تعملى من الحبة قبة كده ياشيخة اتضمضى بشوية مية وملح وكل شىء هايبقى تمام ,واوعى تغسلى سنانك اليومين دول خالص وبطلى بقى فرشة السنان اللى جابت لك الكافية دى ( نصايح تودى فى داهية) .


مدام فريدة ما كدبتش خبر وبطلت تستخدم الفرشة خااااااااااااالص ويوم بعد يوم الموضوع بيزيد ولثتها بتحمر وتورم وبقع الدم على المخدة بدل ماكان بقعتين تلاتة بقت بقعة كبيرة جدااااااااااا .



لانه طبعا فرشة الاسنان مالهاش اى دخل ولو تفتكروا معايا انها اول مابصت فى المراية اول مرة يادوب لمست لثتها كده لقت ايديها كلها دم , يعنى الالتهاب الفظيع اللى صاحبه وجود الدم كان طبعا من عدم استخدام الفرشة والمعجون بانتظام علشان كده بقايا الطعام فضلت تتراكم على اللثة والأسنان وادت الى الحالة المؤسفة اللى كانت فيها مدام فريدة .

[heba nabil]

هههههههههههههههههههههههههههههه

جميله اوي

ودي اخره اللي بيمشي ورا كلام مفيده

تسلمي يا عسل

استفدت م موضوع اوي

تقبلي مروري..^^