حاجه غريبه

[mohamed ua]

هو معقول سياحه وفنادق تنزل لمرحله تالته بعد ماكانت كلية قمه
هو فى ايه؟
كده الكليه حتبقى كلية الشعب صح ولا ايه دى اخدت اقل من الحقوق

[محمد طارق 1]

المشاركة الأصلية كتبت بواسطة mohamed ua

هو معقول سياحه وفنادق تنزل لمرحله تالته بعد ماكانت كلية قمه
هو فى ايه؟
كده الكليه حتبقى كلية الشعب صح ولا ايه دى اخدت اقل من الحقوق

لا الكلية مش نازلة مرحلة تالتة ولا حاجة الجدول اللي شفته غلط اي كلام لسة جدول الوزارة منزلش امبارح مش كاتبين غير معهد خدمة اجتماعية وزراعة بتوع المرحلة التالتة

هي بس الكلية السنة خدت مجموع قليل عشان معلهاش اقبال نهائي وكمان الثورة والسياحة النايمة ضيف علي كدة اختبار القدرات

بس كدة والكلية كلية قمة فعلا وعندك سياحة وفنادق انجليزي حلوان خلصت مرحلة اولي ادبي
وانا الحمد لله لحقتها علمي مرحلة تانية فمتخافش الحكاية كلها انها اخدت اقل من مجموع السنة اللي قبل اللي فاتت 2% بالنسبة لحلوان انجليزي

ودة جدول كدة للمقارنة بين سنة 2011 و 2009 لاقصي حاجة واقل حاجة

2009 علمي مرحلة تانية حلوان انجليزي 371.5 الاقصر 364.5
2009 ادبي مرحلة تانية حلوان انجليزي 361.5 المنيا 345.5
************************************************** ***************************
2011 لسة مظبطتش بس حلوان انجليزي خلصت مرحلة اولي ادبي 389 بحساب درجة الانجليزي + المجموع
وحلوان بعبن حلوان وصلت ل 79 ولسة مرحلة تانية

وان شاء الله خير باذن الله

[memo 4 ever]

فعلا حاجه غريبه اوي بس تقريبا عشان الثوره والسياحه قلت وكدا؟

[huda dodii]

هو مش عشان الثورة ولا حاجة علي فكرة كل الفكرة ان هي أول مرة يبقي ليها اختبار قدرات قبل الترشيح ليها كان بعد ما تدخلها بيحصل انترفيو فناس كتير مش فهمت موضوع القدرات دة يعني اية في كل الاقسام ولا قسم واحد ولا اية هي دي الفكرة بس و هما أول سنة يعملوا كدة و تقريبا النجاح في الانترفيو مش سهل يعني هي ممكن يكون اللي دخل امتحان القدرات و نجح أقل من عدد الطلبة اللي هما عاوزينهم بس هي مستحيل تبقي مرحلة تالتة

[mohamed ua]

شكرا ليكم كلكم وبالتوفيق لينا كلنا باذن الله

[ايمان هارون]

انا معاكم هى الكلية مش اقل من حقوق دى تقريبا المرحلة التانية وقفة على 78 تقريبا يعنى مش لدرجة حقوق الى ب70