يوميات التحويل في المنصورة 2

[ningooooo]

بسم الله الرحمن الرحيم

استكمالا لما بدأناه في ذلك الموضوع يوميات التحويل في المنصورة نقولكم إيه اللي حصل النهارده
انا قولت اطلع ذكي النهاردة و اصحي بدري علشان ألحق في الأول فصحيت الساعة 8 و وصلت هناك علي 9 إلا 10 كده و كانت الصدمة بوجود أعداد كبيرة جدا و إذا بشخص يقوم بلصق ورقة توضح انه تم تقسيم التحويل علي دفعات يعني كان المفروض النهاردة طب و بكرة هندسة فلقيت الأعداد زي ما هي و تساءلت هل كل هذه الأعداد طب !!!!!!
و في تمام الساعة التاسعة و خمسة بتوقيت المنصورة تم فتح الباب و إذا بأعداد غفيرة تقتحم المدينة و وجدت كل شبابيك الدفع عليها زحمة فلقيت واحد خفيف شوية و روحت وقفت و طبعا ولا كان في نظام و لا طابور و لا أي حاجة عبارة عن همج و كمان مكنش في مكان للبنات نهائي و الأمهات عماله تزعق للي واقفين علشان يسيبولهم مكان و لا حياة لمن تنادي
و لكن معقول كل دول طب و الاجابة طبعا لأ علشان البهوات بتوع الكليات التانية لم ينسوا انهم مصريين و كان معظم اللي قدام الشباك مش طب و الراجل مش راضي ياخذ منهم الورق و البهوات بيرزلوا و مش راضيين يمشوا يعني حاجة قمة في التناحة و طبعا علشان الحكومة ما بتجيش غير ب ..... فالراجل اللي بتدفعله الفلوس اخذ من كله يعني يرضي مين ده يعني ما المفروض كل واحد يحترم نفسه و يجي في يومه لكن طبعا الناس المحترمين بس اللي عملوا كده
المهم طبعا كان مسلسل زي بتاع امبارح و بعد كده وصلت للشباك بعد وقت طويل لاني كنت مخنوق و مرضيتش أزق و كده و فضلت واقف و خلاص مش فارقه الاول من الآخر و و كان في جوه اثنين رجاله و واحده ست و كان واحد من الرجاله بياخذ الورق يفحصه و الثاني كان بيعمل الوصولات و يدبسها في الورق و طبعا انتم عارفين الست دي كانت بتعمل ايه ؟ اكيد كانت بتكلم و تنظم الورق و بعد ما الراجل أخذ مني الورق مشيت و انتهت رحلة العذاب مع التحويل .

. تمت .
24 أغسطس 2011

و للأخوة هنا أقولكم بعض الملا حظات :

1 - الورق المطلوب هو ( طلب التحويل - شهادة نجاح الثانوية العامة - بطاقة الترشيح - وصل نور أو ميه أو كهرباء معدي عليه أكثر من 6 أشهر )و أنا كنت مديله وصل نور من 2009 و وصل غاز من 2010 و وصل تليفون من 2011 و هو أخذ وصل النور و الغاز بس و مأخدش صور البطاقة و لا شهادة الميلاد بس أكيد الحكاية دي بتختلف من جامعة لتانية .

2 - و بخصوص الوصل مكنش في حد بيأخذ الوصل لأنه كان بيدبس في الورق و لو كان في حد أخذه امبارح كان بيروح يوديه لشباك تاني فهما طبعا شعارهم راحة المواطنين فسهلوا علينا الحكاية دي يعني اللي مأخدش وصل ما يقلقش و يسأل برضه لو كان حد أخذ وصل امبارح و لا لأ علشان يطمن .

3 - و بخصوص النتيجة واحد سأله انا اعرف أزاي نتيجة التحويل فرد عليه بقرف كده و قاله تعالي أول يوم في الدراسة و واضح كده انه ما يعرفش حاجة .

4 - و آخر نصيحة بقه محدش يروح بدري علشان هيلاقي زحمة يعني روحوا بعد الساعة عشرة كده هتلاقوا الدنيا أهدي شوية .

[dida_2011]

انا كمان لسه راجعه بس للاسف كنت راحه من بدرى
بس انا كنت واقفه على شباك بيقبل كل الكليات ..انا حولت صيدله وما خدتش وصل .
حد عارف النتيجه امتى ؟؟؟

[Black memory]

هههههههههههههههههههه و الله مسخره هناك الهكسوس و التتار كانوا فى نظام عن الموضوع هناك و الحمد لله انى مش لوحدى اللى قلت عليهم همج

علفكره فعلا هما مش عارفين حاجه هناك ع الشبابيك بس ع حد اللى سمعته من بعض الناس انهم سالو ناس هناك و قالو بعد العيد اكيد و فيه عضو هنا قال انه هيبقى يوم 5/9 و ده كلام اكيد فى موضوعك التانى

[ningooooo]

المشاركة الأصلية كتبت بواسطة dida_2011

انا كمان لسه راجعه بس للاسف كنت راحه من بدرى
بس انا كنت واقفه على شباك بيقبل كل الكليات ..انا حولت صيدله وما خدتش وصل .
حد عارف النتيجه امتى ؟؟؟

ما هو محدش أخذ وصولات خالص و كان الوصل البامبي بيدبس في الورق

المشاركة الأصلية كتبت بواسطة Black memory

هههههههههههههههههههه و الله مسخره هناك الهكسوس و التتار كانوا فى نظام عن الموضوع هناك و الحمد لله انى مش لوحدى اللى قلت عليهم همج

علفكره فعلا هما مش عارفين حاجه هناك ع الشبابيك بس ع حد اللى سمعته من بعض الناس انهم سالو ناس هناك و قالو بعد العيد اكيد و فيه عضو هنا قال انه هيبقى يوم 5/9 و ده كلام اكيد فى موضوعك التانى

ما هو أكيد بعد العيد
يعني هو اول يوم الدراسة مش بعد العيد ؟؟
بس ما اعتقدش انها بعد الدراسة خالص
لأني ابن عمي كان محول في 2009 و النتيجة طلعت في الأسبوع اللي قبل الدراسة

و علي العموم الحمد لله أننا خلصنا من الموال ده و يا رب التحويل يتقبل

[احمد عزمى محمد]

طب ياجماعة فى استفسار بسيط دلوقتى نروح نقدم ف الكلية الى جات فيها بطاقة الترشيح ولا دة ممكن يتسبب فى الغاء التحويل

لان فى ناس بتقول ان النتيجة بعد العيد او على الدراسة

بمعنى ان لقد الله لو التحويل اترفض كدة لحد الان مش هنكون سجلنا فى اى كلية وممكن السنة تروح علينا


ولا منسجلش ,,,,,,,,,,, ارجو الافادة

[Black memory]

المشاركة الأصلية كتبت بواسطة ningooooo

ما هو أكيد بعد العيد
يعني هو اول يوم الدراسة مش بعد العيد ؟؟
بس ما اعتقدش انها بعد الدراسة خالص
لأني ابن عمي كان محول في 2009 و النتيجة طلعت في الأسبوع اللي قبل الدراسة

و علي العموم الحمد لله أننا خلصنا من الموال ده و يا رب التحويل يتقبل

طب الحمد لله ربنا يسهل و فعلا تظهر قبل الدراسه و ربنا يتمها علي خير

المشاركة الأصلية كتبت بواسطة احمد عزمى محمد

طب ياجماعة فى استفسار بسيط دلوقتى نروح نقدم ف الكلية الى جات فيها بطاقة الترشيح ولا دة ممكن يتسبب فى الغاء التحويل

لان فى ناس بتقول ان النتيجة بعد العيد او على الدراسة

بمعنى ان لقد الله لو التحويل اترفض كدة لحد الان مش هنكون سجلنا فى اى كلية وممكن السنة تروح علينا

ولا منسجلش ,,,,,,,,,,, ارجو الافادة

هو صراحه محدش عارف الحكايه دى فيه اعضاء معانا قالو مترحش و فيه اعضاء قالو روح فالله اعلم بقى >_<

[احمد عزمى محمد]

المشاركة الأصلية كتبت بواسطة black memory

طب الحمد لله ربنا يسهل و فعلا تظهر قبل الدراسه و ربنا يتمها علي خير

هو صراحه محدش عارف الحكايه دى فيه اعضاء معانا قالو مترحش و فيه اعضاء قالو روح فالله اعلم بقى >_<

والله انا بحاول اسأل ولو عرفت حاجةة هبلغلها على طول وياريت اى حد يعرف حاجة عن الموضوع دة يقولها ضرورى لان دة موضوع مستقبل وبجد انا مش عارف لية هما بيعملو كدة معانا الواحد والله اعصابة تعبت اووووى
.................... وشكرا ليك

[Black memory]

ربنا ييسر الحال و الشكر لله

[highlight]

انا عاجبنى اوى اسم الموضوع.........يوميات التحويل فى المنصورة

دا لحد الجزء الكام عشان اتابع معاكوا بس...........هههههههههه

عموما يا استاذ احمد انا سمعت ان حضرتك ممكن تدخل الكلية اللى بتحـــــــــــــول اليها بوصل الدفع

بس انا مش عارفة ازاى حضرتك هتدخل وانت مش معاك الوصل ده

عشان انا عندى على الوصل فوق موجود رمز جامعة اسكندرية .........دليل على ان الوصل تبع الكلية فا ممكن ادخل

الله يوفقك ويوفقنا جميعا ان شاء الله

[issac-newton]

هيدخل ببطاقة الترشيح الي جاتلو في ناس في المنصورة عملو الحكاية دي و دخلو و بعدين يا جماعة قلقانين ليه هتعرفوا تدخلوا يعني بذمتكم مفيش حد من اصحابكم قرايبكم دخل مثلن تجارة و جه من الكلية سألتو عملت ايه قالك والله انا حضرت محاضرتي و طلعت لهيثم في طب احضر معاه محاضرتين ., ولا مفيش حد من اصدقائك في الثانوي زوغ من المدرسة وقالك انا نازل الجامعة اهيس شويا . .
و لو الحكاية دي قلقاكم خدو والدكم او والدتكم او ولي امركم معاكم , , , و باذن الله مفيش اي مشاكل .
بخصوص التقديم من عدموا انا هسأل يوم السبت في شئون المنصورة . + لو حد سأل قبلي و عندو معلومة غير هاي لايت يقول هههههههههههه’’’ بس هاي لايت عايز اقول حاجة . هوا ممكن قاللوك قدمي لانو ممكن تروح عليكي المدينة الجامعية . بس هسأل برضوا اعتبري ما قلناش اي حاجة

[ningooooo]

أعتقد أن أول أسبوع في الدراسة ده بيبقي فيه دربكه و بتكون الحكاية مفتوحة علي البحري و فعلا كلامissac-newton صحيح كانت بتحصل كتير و بعدين معتقدش أن الدراسة هتبدأ 17 - 9 زي ما قال الوزير عشان بيتهيألي هيبقي الاسبوع اللي قبلها انتخابات مجلس الشعب و شكلها كده مش مبشرة

و highlight
كده خلاص اليويميات خلصت هههه و أعتقد الحكاية مش لازمها وصل و لا حاجه لأن عندنا في المنصورة محدش أخذ وصولات

-----------------

و فعلا حكاية نقدم و لا لأ مقلقة لأن الواحد خايف التقديم يروح عليه بس بإذن الله كل حاجه ربنا هيسرها ما احنا برده من أسبوع كنا قاعدين كده مش عارفين حاجه عن التحويل و بعدين كل حاجه تم توضيحها

[issac-newton]

عامة التعليم العالي , , , لسا ما قالوش امتى اخر كلام بتوع التعليم هما الي وجعوا دماغنا , , , في الغربية فيه مدرسة قالت لوالدتي نو جالهم نشره ان موعد الدراسة 3 اكتوبر . ربنا يسهل و بعدين هما يبقا هبل لو يخلوا فيه دراسة و بعدين بعد اسبوع تحصل انتخابات دا العبط بعينوا و مش بعيدة على مسؤلي مصر , ربنا يسهل و يخلوها وقت ما يخلوها بس النتيجة تبان . قبلها

[highlight]

المشاركة الأصلية كتبت بواسطة issac-newton

هيدخل ببطاقة الترشيح الي جاتلو في ناس في المنصورة عملو الحكاية دي و دخلو و بعدين يا جماعة قلقانين ليه هتعرفوا تدخلوا يعني بذمتكم مفيش حد من اصحابكم قرايبكم دخل مثلن تجارة و جه من الكلية سألتو عملت ايه قالك والله انا حضرت محاضرتي و طلعت لهيثم في طب احضر معاه محاضرتين ., ولا مفيش حد من اصدقائك في الثانوي زوغ من المدرسة وقالك انا نازل الجامعة اهيس شويا . .
و لو الحكاية دي قلقاكم خدو والدكم او والدتكم او ولي امركم معاكم , , , و باذن الله مفيش اي مشاكل .
بخصوص التقديم من عدموا انا هسأل يوم السبت في شئون المنصورة . + لو حد سأل قبلي و عندو معلومة غير هاي لايت يقول هههههههههههه’’’ بس هاي لايت عايز اقول حاجة . هوا ممكن قاللوك قدمي لانو ممكن تروح عليكي المدينة الجامعية . بس هسأل برضوا اعتبري ما قلناش اي حاجة

يا نهار ابيض.........ههههههههههههه

اقدمله بطاقة الترشيح اللى مكتوب فيها المنيا..........هههههههههههههه

دا شكله هيعلقنى من قفايا و يرمينى برة..........

عموما يا ستاذ نيوتن انا مش هنطق خااااااااااااااااالص ولا هقول اى معلومات تانى عن اى حاجة

انا هنا هدخل اشوف الجديد وامشى على طوووووووووووووول

وانا فعلا قدمت ف المنيا و للمدينة الجامعية (بس محدش يفهم انى قدمت فى المدينة الجامعية دى غلط)

وكل واحد يعمل اللى يريحه انا مش هقوووووووووول اى شــــــــــــــئ لحد ما استاذ نيوتن يسال و يقلنا

بس بردو انا عايوة اقول حاجة لحضرتك يا استاذ نيوتن.......اللى حضرتك هتعرفه مش هيمشى على كل جامعات مصر

[emey4]

بصوا يا جماعة
التقديم ده مش شرط دلوقتى
لانى ايام ما قدمت فى 2004 كان يه ناس بتقدم بعد الدراسة ما بدات
يعنى ماتقلقوش ان شاء الله
ويارب النتيجة تظهر بعد العيد على طول

[Black memory]

بصو يا جماعه كلمه اخيره حطوها فى اعتباركو انتو خلاص عملتو التحويلات القلق الزايد ده ممكن لقدر الله ينقلب لعدم ثقه بالله انا ليا اصحابى مرعوبين بمعنى الكلمه و دى حاجه مش مطمئنه خلاص احنا كل اللى علينا عملناه سيبو الامر لله و اللى عايزه ربنا هيكون و متقلقوش ^^