الرعب يدب بالوزارة والاخبار تتسارع بسبب المليونية الاربعاء 24/8

[المعلم الانسان]

الرعب يدب بالوزارة والاخبار تتسارع بسبب المليونية الاربعاء 24/8 :





1- إتفاق بين كل من وزير التعليم و محمد كمال سليمان
تأجيل موعد إنتخابات نقابة المهن التعليمية لموعد 2011/2/2
نظير المساعدة على فشل مليونية المعلمين المحددة يوم الأربعاء 2011/8/24
...ويحاول النقيب الوقيعة بين المعلمين بعضهم وبعض وفشل المليونية وسيتم التفاوض
...مع محمد كمال سليمان أثناء المليونية بحجة أنه تم الإتفاق بين الوزير والمعلمين عن طريق
نقيب المعلمين محمد كمال سليمان أمام الإعلام والرأى العام وتوضيح الصورة للمعلمين وإقتنع المعلمين بذلك وسيتم محاربة نقابة المعلمين المستقلة خلال اللقاء حيث أنها لاتمثل جموع المعلمين

2- قام الاستاذ محمد فتحي موسى من ( ميت غمر دقهلية ) بالاتصال بالاستاذ وائل الابراشي و اخبره بموعد مليونية المعلمين يوم الاربعاء القادم الموافق 24 \8 و قد وعده الاستاذ وائل بالحضور امام مقر رياسة الوزراء و الله الموفق

3- ركود فى سوق مستلزمات المدارس بعد انتشار اخبار عن اضراب المعلمين وحملة عام دراسى بلا معلمين

4-على فكرة الوزارة فقدت السيطرة من شويه قريت على منتدى ان الحوافز بقت 75%لكل المدرسين طبعا مصدقتش الاجمل التعليقات الى على الخبر كلها كانت بتقول العب غيرها كل ده عشان خايف من مليونية المعلم حسيت فعلا با لتغير الى حصل جوانا فعلا لا تراجع ولا استسلام الهدف واضح مش بس فلوس اصل الموضوع كرامة

ربنا معانا ان شاء الله

[نانا هوبة]

طبعا ربنا معانا
لن يقول عبد يا الله و يخزل ابدا
استمروا ليتنى كنت رجلا او على الاقل اكون قريبة من القاهرة
قلبى و دعائى معكم

[bakkar101]

بإذن الله ستكون نهاية المهانة التى نعانى منها وستكون ايضاً نهاية جلوس الوزير الفاشل على كرسى وزارة لا يستحقها .

[صبربر]

يا اخوتي المعلمين
احنا بكرة رايحين الاعتصام لتكون دي اول مليونية في التاريخ التعليمي
اتمناها تكون مليونية تدل علي القائمين بها
مليونية لا تهدف الي الربح ولا تهدف الي 100 جنيه زيادة
بل تهدف الي توفير حياة كريمة للمعلمين
ياريت نترك امور التفاوض لمن لديهم درايو (ولا تخلي عن حقوقنا المعنوية والمادية)
ويبقي يخلي ( المدعو محمد كمال)الوزير يصوتله في الانتخابات
لسة انت يومك جاي يا كمال وانشاء الله انا واصحابي هنقوم بحملة مضادة عليك (بس كل الامور تاتي تباعا)
خليك راجل انت في المنصب ده لخدمتنا
ومش هننسي الي وقف معنا والي خاننا
مش عاوز بكرة تكون نقابة مستقلة ونقابة رسمية (كلنا فداء الوطن وكلنا لخدمة حقوقنا)

[عصام رزق]

سليل الوطني محمد كامل سليمان يجب محاكمته و أن ينضم لزبانية طرة قريبا إن شاء الله

[ايهاب2323]

البلد دى مينفعش فيها الا الاضراب والاعتصام

[مصطفى العبادى]

ان شاء الله فى الاتحاد قوة

[شريف حسن .]

ربنا معانا ان شاء الله

اجمل ما ذكرت شكرا لك

[ramy saber]

اقسم بالله بكلمكم وجهازى اللى قاعد عليه بايظ بس هقول انه المعلمين بكرة ده يومنا ضد كل اللى عايزين المدرس بلا كرامة
وبلا معيشة كريمة بكرة احنا قاتل يا مقتول

[KAPTEN82]

على فكره انا فعلا سمعت موضوع ان الحافز اترفع الى 75% للكل من كنترول الثانويه العامة

[مستر ابو عبد الرحمن]

المشاركة الأصلية كتبت بواسطة ramy saber

اقسم بالله بكلمكم وجهازى اللى قاعد عليه بايظ بس هقول انه المعلمين بكرة ده يومنا ضد كل اللى عايزين المدرس بلا كرامة
وبلا معيشة كريمة بكرة احنا قاتل يا مقتول

عيب على كل المعلمين

[raian2011]

يا جماعة ياريت بلاش احباط للمليونية ان شاء الله ده هيكون يوم كرامة المعلم
ومحدش يقولى قريت اوسمعت عن زيادة الحافز الى معرفش اد ايه
المعلم اصبح ادنى فئة فى المجتمع يمكن كنا ساكتين قبل الثورة انما مينفعش نفضل مذلولين ومطحونين حتى بعد الثورة
غدا نكون او لا نكون
واللى مش معانا هيبقى ضدنا
وهنفضى لمحمد كمال وامثاله

[كمبيوتر]

غدا يوم وقفتنا السلمية للمطالبة بحقوقنا المشروعة كفانا خضوع وذل من السادة المسئولين المعلم يذهب منذ طابور الصباح وحتى الثالثة عصرا واقفا دون هوادة يؤدى عمله ولا يرحمه احدا إن أخطأ وليس من حقه يستريح وقت الفسحة فهى للتلاميذ فقط والوقوف للاشراف وملاحظتهم ويحرم من الراحة أو تناول ما يجعله قادرا على مواصلة اليوم بنشاط وكأنه ليس بشرا مثل باقى البشر المعلم يتعرض لكثير من المخاطر مثل الوقوف على بوابة الامن وكأنه بواب المدرسة والتعامل مع بعض أولياء الامور الذين لايجيدون التعامل مع المعلم ولايشعر بنا أحد فضلا عن عبء التقويم الشامل وملف الإنجاز ولاأحد يرحمه من كثرة الاعباء الملقاه على عاتقه فضلا عن أن اكثر المعلمين ممن أفنوا عمرهم وزهرة شبابهم ببلاش وفداء للوطن مرضى ومتعبين صحيا ويعاملون أسوأمعاملة فى التأمين الصحى ونظرالشدة الألم يتكبدون ويستدينون للعلاج على نفقتهم الشخصية يجب عليناألا نرحل من أمام مجلس تالوزراء قبل أسترداد كرامتنا الممسوح بها البلاط من قبل الحكومة والوزير الذى لم يدافع عنا مثل باقى الوزراء كل فى وزارته لاقتناص حقوق أبنائه العاملين لكن نحن فلنا الله الذى هو أكبر من الكل. أ

[صبربر]

مطالبنا مش مجرد شوية فلوس
مطالبنا عدالة اجتماعية
اعتراف بحق المعلمين علي باقي الفئات باختلاف انواعها
تعيين الاجور
الغاء الكادر او اعطائنا المقابل المجذي لذلك
ومطالب كتيييييييييييييييييييييييييييير تانية هننادي بيها

اشوفكم بكرة انشاء الله
ناموا بدري سلاااااااااااااااااااام

[طه حسين رأفت]

مليونية مليونييييييييييييييييييييييييييييييييييييييييييييي يية