سيدى الرئيس عذرا

[ابراهيم الديبى]

عدى بحور الزمن ---- وسابق انت الريح

شلت حمول البلد -----اوعاك ف يومِ تئن

حمل البلد داهموم ----- يا سبع مش تفاريح

الله معاك دا معين ----- الله عليك بيحن

شلت حمول البلد -----أوعاك ف يوم تئن

حمل البلد واعر

واللي عليه قادر

لازم يكون شاطر

صاحى على الاخر

حملك تقيل واعر

فقرى على قادر

عاطل على فاجر

بياع ضمير تاجر

وع الحدود غادر

واللى بعيد ماكر

شلت حمول البلد 0000 اوعاك ف يوم تئن

اول حمولك دم

دم الشهيد سايل

يجرى ومالى الارض

يسأل... وايه ذنبه؟

روحه تقول لامه

الحزن بكفايه غالى على دمعك

شال الحمول عنك

وراح يجيب حقى ....

.ريس ..... بايده الحق

شلت حمول البلد 0000 اوعاك ف يوم تئن

تانى حمولك جرح

جرح المصاب صاحى

مستنى يوم الفرح

يوم للفساد ماحى

والحمل من كتفه حطه على حمولك

وف يوم يعود حقه اهله يباركولك

شلت حمول البلد 0000 اوعاك ف يوم تئن

تالت حمول ارث

ارث الفساد وفلول

وفساد فى كل البلد

30 سنه بقى غول

لو مال عليك الحمل

صلى ف نص الليل

نادى لربك قول

يارب لم الشمل

شلت حمول البلد 0000 اوعاك ف يوم تئن

احكم بشرع الله

حل الخلاف ودى

على قد ما فيك خير

على قد ما تدى

على قد ما فيك خير

على قدر ما تجنى

يمكن شهر شهرين

تملا القنانى ميِِِِ ِ

وتطيب جنانينا

على قد ما فيك خير

يمكن تمر سنين

ولا تيجى ليالينا

على قد ما فيك خير

تطرح اراضينا

شلت حمول البلد 0000 اوعاك ف يوم تئن

حملك تقيل قده

انت على قده

جايبك لحكم البلد رب العباد بيحن

جندى فى ايده الشرع

وم الكتاب بيسن

اوعاك ف يوم تنسى

الحكم حكم الله

الارض ارض الله

يمهل ولا ينسى

شلت حمول البلد 0000 رب العباد بيحن