مشاكل خريجى كلية التربية

[e_m_e2000]

السلام عليكم
هناك مشكلة لخريجى كليات التربية الذين تخرجوا من اكثر من عشرة سنوات ولم يعملوا بتخصصهم سواء فى الوزارة او فى المدارس الخاصة وذلك لعدم توفر الواسطة .
وحيث ان الوزارة تعانى من عجز فى المعلمين فنحن نطالب بتعيين الخريجين باسبقية التخرج .
مع العلم ان الوزير حسين كامل بهاء الدين الغى التعيين للمعلمين سنة 1999 وبدون سابق انذار , وبذلك وقع ضرر كبير على من كانوا يدرسون بالكلية بالفعل, فنحن فضلنا هذة الكلية عن غيرها من كليات القمة فقط حتى لا نقف فى طابور البطالة ... وهذا هو وضعنا الان .
كما انه من غير العدل العمل بالحصة حيث يحصل المعلم على 24 حصة كحد اقصى فى الاسبوع وبمبلغ 3 جنيهات للحصة بدون اى اضافات اى ان مرتبه يكون 288 جنية مصرى فقط , علاوة على الحالة النفسية السيئة والنظرة الدونية من زملاءة وخريجى نفس كليتة, وقد يكون مكان المدرسة التى يذهب اليها يحتاج تكلفة مواصلات اعلى من راتبه .
شكرا جزيلا

[amalsayed]

بداية مشرقة بالتفاؤل انا تربية عين شمس السنة دى كده هاخد انطباع وحش عن الكلية قبل ما خوشها

[ااحمد ناصر]

انا خريج 2009 واشتغلت على طول من غير واسطة
علشان تقديرى جيد جدا
لازم كل واحد يجتهد فى الكلية اللى هو فيها
علشان الدولة دلوقتى هتكون للمتمزين والمجتهدين فقط

[losacat]

كلام كويس ومن كلام حضرتك انت تقديرك جيد جدا لعام 2009 يعنى اشتغلت على طول انا كمان خريجة 2010 وتقديرى جيد جدا مع المرتبة والاولى على القسم الاربع سنوات والسنة النهائية بالتراكمى وكمان 16 على الكلية ومع كل ده متعينتش ولا معيده فى كلية ولا مدرسة بعقد وحتى مشروع اوائل الخريجين بيماطلوا فيه ومش باينله حل
يعنى البلد دى حتى مع المتميزين والمجتهدين مبتنفعش لاااااااااااااااااااااااازم واسطة وده احنا جربناه لما زمايلنا من نفس السنة والدفعة بتقدير مقبول او دور تانى يتعينوا لمجرد ان ليهم حد فى الادارة او غيره



وبجد اصبحنا محبطييييييييييييييييييييييييييييييييييييييين جداااااااااااااااااااااااااااااااااااااااااااااا

[e_m_e2000]

الواسطة واقع اكيد, مفيش فيه جدال
لو رحت مدرسة خاصة هيسالك عن الخبرة ولكن الواسطة هتشغلك .
ولو رحت المديرية هيعقدك لغاية لما تقول خلاص مش عاوز , يعنى ممكن تلاقيهم بعتوك مدرسة توصل لها بثلاث مواصلات يعنى مرتبك ميكفيش .
حتى لما كان فى مسابقات مكنش حد بيعرف بيختاروا على اساس ايه, اخر مسابقة عينوا تعليم اساسى للعمل مدرسين اعدادى وكان تقديرهم اقل من ناس كتير وقالولنا قدم شكوى ! طبعا قدمنا ولكن محدش عبرنا .
ولو كنت بتتكلم عن التقدير فانا تقديرى جيد جد.
انا وكل المظلومين لازم ننزل يوم 10-9 ونطالب بعودة التعيين والقضاء على الواسطة .
شكرااااااااااااااااااااا

[islam_el2000]

الي كل خريجي كليه التربيه الذين لم يتم تعينهم
نطالب في كل اعتصام بمطالب محدده منها
عوده التكليف لخريجي كليه التربيه ولكن ليس من المعقول نطالب بذلك وانتم بعيد عنا لذا برجاء التكاتف وتجميع اكبر عدد ممكن من خريجي كليه التربيه للاعتصام امام رئاسه الوزراء يوم 10-9 للتواصل اسلام الطاهر 0125316028