|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
30-08-2011, 10:49 PM
|
|||
|
|||
ازاى ابقى محاضر معتمد انتل او icdl
كنت عاوز استفسر من حضراتكم عن الشروط اللى تخلى الواحد يبقى محاضر معتمد فى التربية والتعليم
سواء لانتل او icdl وايه هوه العائد المادى العائد على المحاضر وهل المحاضر يبقى مسؤل عن شرح موديول واحد بس فى الكورس ولا اكثر من موديول انا معلم حاسب الى معين فى 1/7/2011 ومعايا شهادة الicdl و الانتل وكنت عاوز ابقى محاضر ومش عارف اعمل ايه يعنى ديه بتكون مسئولية مين مين اللى بيختار استف المحاضرين التوجيه ولا الادارة التعليمية ولا المديرية ولا مركز التطوير التكنولوجى برجاء الافادة للاهمية القصوى وشكرا جزيلا |
|
#3
30-08-2011, 11:51 PM
|
||||
|
||||
|
قسم التطوير بالادارة التعليمية هو اللى بيختار المدربين بيخليك تدرب مجموعة او اثنين على حسب الاعداد الموجودة وبعد كدة بيرسل قاعدة البيانات اللى انت عملتها اللى بيتم عليها صرف الفلوس
وطبعا لو رئيس القسم اللى عندكم زى اللى موجود عندنا ممكن يشيل اسمك ويضع اسم واحد تانى ولو مش زى اللى عندنا اوى ممكن يقسم معاك الفلوس لما توصل طبعا انت ممكن تشتكى لمدير الادارة ستجد انه بيقسم معاهم ايضا عادى جدا مفيش مشكلة طبعا انا بقول هذا الكلام لانى عانيت منه اشد المعاناة والحمد لله السنة دى فقط اللى مدربتش فيها وطبعا انا لا اقصد رئيس القسم فقط وانما القسم كله شلة حرامية وايضا لو اعترضت على الفلوس يبقى بالسلامة مفيش تدريب تانى عموما جرب انا لسه قابض 400 جنيه من شهر على تدريب العام الماضى
__________________
 |
|
#5
31-08-2011, 12:13 AM
|
|||
|
|||
|
ميرسى ليك اوى ياباشا
يعنى حضرتك المسؤل عن اختيار المحاضرين هوه رئيس قسم التطوير بالادارة التابعة لها تمام اوى طيب هوه حضرتك الواحد المحاضر مسموح له كام تدريب فى السنه يعنى مثلا كام مجموعه او يعنى مثلا كل شهر مجموعه ولا كل ترم ارجو الايضاع وهل حضرتك اخدت 400 جنيه بس فى خلال سنه كاملة وهل حضرتك الفلوس بتطلع فى نهاية العام السنه ولا بعد كل دورة بجد مش عارف اشكر حضرتك ازاى جزاك الله خير عيد سعيد على حضرتك اااااااااااااااه يعنى حضرتك لامانع ان مدرس الحاسب الالى يبقى محاضر اى سى دى ال اصل سمعت ان الواحد ده بيكون اخصائى تطوير معلش بتعب حضرتك معايا بارك الله فيك منتظر ردك |
|
#6
31-08-2011, 12:16 AM
|
|||
|
|||
|
شوف يا سيدى
فيه اكتر من مكان ممكن تحاضر فيه لكن أولاً بخصوص الانتل فمعلوماتى انها خاصة بالعاملين فى التطوير التكنولوجى ثانياً بالنسبة للرخصة الدولية : كانت لحد فترة قريبة خاصة بمحاضرين التطوير فقط، ولكن نظراً لزيادة أعداد المتدربين، فقد بدأوا بالاستعانة بمدرسين الحاسب الآلى فى المدارس، وده بيكون بالتنسيق مع موجه الإدارة، وموافقة الموجه العام بتعمل مجموعة فى مدرستك مكونة من 15 متدرب، وتكلم الموجه وتقوله انك كونت مجموعة وعاوز تدربهم انت ومعاك واحد او اتنين كمان، على الرخصة الدولية، والموجه غالباً بيوافق لأنه بيستفيد مادياً، والعائد المادى بتعاها معقول بيكون حوالى 900 جنيه للـ 7 موديول سواء اشتغل اتنين او تلاته بيقسموه على بعض، ومدة التدريب بتكون فى حدود 3 إلى 4 أسابيع، وممكن لو عدد المتدربين كتير تشتغل فى اكتر من دورة. ملحوظة : يمكنك تجميع المدرسين من المدارس المجاورة أيضاً وليس الاقتصار على مدرستك فقط. أما ثالثاً : فيمكنك التدريب فى مركز التدريب الرئيسى للمعلمين فى محافظتك، وده الموجه ملوش دعوه بيه، بتروح لمدير مركز التدريب وتقوله انك عاوز تدرب، ومؤهلاتك كذا وكذا، وغالباً هيقولك ماشى وهنبتعلك وكده، وانت وشطارتك بقى، الدورة بتكون حوالى أسبوع بتاخد فيهم حوالى 150 جنيه تقريباً، يزيدوا شوية او ينقصوا شوية، وبتاخد جواب تفرغ من مدرستك خلال الاسبوع ده. والتدريب بيكون غالباً وورد أو اكسل او ويندوز ... مباديء يعنى. ورابعاً : يمكنك التدريب تبع البنك الدولى، وده برضه تابع لمركز التدريب الرئيسى للمعلمين، وينطبق عليه نفس الكلام بتاع ثالثاً، الفرق الوحيد ان فلوسه اكتر بكتييييييييير من التدريب العادى. وخامساً : يمكنك التدريب فى الدورات التنشيطية التى يقوم بعملها التوجيه فى الاجازات لمدرسى الحاسب الآلى، ودى طبعاً وفقاً لرغبة الموجه العام، وفلوسها تقريباً فى حدود 20 أو 30 جنيه فى اليوم، ولازم تكون متمكن لأنك هتحاضر لمدرسين حاسب آلى، وغالباً بيكون التدريب على الانترنت والاكسس والدوت نت. وسادساً : يمكنك التدريب فى المدرسة، لمجموعات - دورات تدريبية - تبع قصة المدرسة المنتجة، وفلوسها كويسة جداً، وطبعاً المدرسة بتاخد نسبة - بما فيهم المدير وأمين المعمل والسكرتير - ، وانت وشطارتك فى تجميع المتدربين. وميزتها انك ممكن تعمل شهادات عليها ختم النسر من المدرسة، بما يعنى فى حدود علمى، إمكانية اعتمادها من الخارجية. - ولا يشترط للمدرسين فقط، ممكن أى حد من بره. - يعنى اعتبر نفسك مركز خاص بيدى دورات تدرريبية. تحياتى |
|
#7
31-08-2011, 12:22 PM
|
|||
|
|||
|
الف شكر لحضراتكم جميعا
الف الف شكر لحضرتك يامستر عز الدين والله حضرتك ماقصرت اوفيت فابدعت بس كنت عاوز من حضرتك شوية استفسارات حضرتك تقصد مين بموجة الادارة والموجه العام بتوع الحاسب الالى يعنى ولا مين بالنسبة للمدرسه عندنا كفاية اوى يوجد حوالى 40 موظف منهم 4 معاهم اى سى دى ال والباقى لسه يعنى انا اعمل ايه دلوقتى علشان ادربهم واستفيد ماديا يعنى حضرتك اكلم موجه الحاسب واقوله ولا اعمل ايه وكمان شرح الدورة هايكون فين بالظبط عندنا فى المدرسه ولا فين ؟ والعائد المادى بتاعها اخدوا من مين باه المدرسه يعنى ولا منين ؟ بالنسبة للبند سادسا فواضح انه حلو اوى بس علشان اعمل مجموعات التدريب ديه ابدأ ازاى حضرتك المدرسه عندنا بالكامل ممكن تتدرب يعنى الدوره ديه بتكون فى وقت المدرسة الرسمى ولا امتى بالظبط اثناء الفسحة مثلا فى نهاية اليوم الدراسى ولا امتى وبالنسبة للبند سادسا برده بما انها مقتصرة على المدرسه بس ديه بناخد فلوسها من المدرسه باه ولا منين اسف جدا لحضرتك للاطالة بس بجد كلام حضرتك شجعنى اوى للفكرة ديه انا عاوز اعرف دلوقتى انا المطلوب منى ابدأ بايه اعمل ايه حضرتك المدرسه عندنا فيها حوالى 40 موظف منهم 35 مثلا عاوزين ياخدوا الدورة انا دلوقتى اعمل ايه اروح اقول لموجه الحاسب الالى ولا اروح الادارة التعليمية بجد انا مش عارف اشكر حضرتك ازاى عيد سعيد على حضرتك يااااااااااااارب |
|
#8
31-08-2011, 03:21 PM
|
|||
|
|||
|
اقتباس:
بالنسبة للخطوات اللى المفروض تعملها ... أول حاجة : لازم تتأكد ان المدرسين عندك فى المدرسة عندهم استعداد ياخدوا الدورة فعلاً، لأن ممكن تلاقى الكلام كتير، لكن وقت التنفيذ محدش هييجى، مع العلم انها مجانية بالنسبة للمدرسين، يعنى مش هيدفعوا حاجة. ثانى حاجة : لازم تكلم موجه الإدارة للحاسب الآلى، وتقوله انك عاوز تدرب الرخصة الدولية وان فيه ناس مستعدين يتدربوا ملحوظة : لو موجه الإدارة موافقش، ودى صعبة، لأنه بيستفيد مادياً، لكن لو حصل وموافقش كلم موجه عام الحاسبب الآلى فى المحافظة. وزى ما قال الأخ "خالد" فى آخر مشاركة، ان الفلوس ممكن تتأخر سنة أو سنتين، هيه غالباً بتيجى بعد سنة، لكن الميزة انهم مش هيروحوا عليك، يعنى هتاخدهم هتاخدهم ان شاء الله. بالنسبة لصرف المستحقات، فيه شوية استمارات بتعملها هتلاقيها مع موجه الإدارة، بتصورهم وتملاهم، خاصين بالمتدربين - أسماءهم، واقرارات بأنهم حضروا الدورة وأنهم مخدوش الدورة دى قبل كده تبع وزارة التربية والتعليم، ومواعيد الدورات وكده . ... شوية بيانات بتملاها يعنى والصرف بيكون بشيك بعد ما تخلص الدورة وتعمل الاستمارات بتقدمهم لموجه الإدارة وهو بيمشى فى الاجراءات، وربنا يصبرك  وبالنسبة لمواعيد الدورات بتكون فى غير اوقات الحصص، غالباً بتكون بعد انتهاء اليوم الدراسى مباشرة، عشان كده بقولك شوف المدرسين عندهم استعداد واللا لأ الأول، ويستحسن قبل ما تكلم الموجه تعمل كشف بأسماء المدرسين اللى عندهم استعداد يتدربوا، عشان يبقى امر واقع بالنسبة للموجه، ومستحيل تقريبا انه يرفض فى الحالة دى. وزى ما قلتلك قبل كده ممكن لو المدرسين مش كفاية، تروح اى مدرسة جنبكم وتقنع المدرسين وتجيبهم مدرستك يتدربوا، على اعتبار انها مجانية وضرورية وكده، انت وشطارتك. وممكن تعلق اعلان فى المدارس اللى جنبك التدريب بيكون فى معمل الحاسب الآلى بالمدرسة، عشان كده لازم يكون معمل كويس واجهزته شغاله وعليها برامج الرخصة الدولية. الاجراءات الإدارية ان الموجه بيشكل مجموعة للتدريب قد تكون مدرب أو اكتر بالإضافة لأمين المعمل وإدارى يخلص الورق ويمسك الحضور والانصراف للمتدربين، ونصيب المحاضرين زى ما قلتلك فى حدود 900 جنيه للدورة الواحدة سواء مدرب واحد او اتنين او تلاته، وبتنسقوا مع بعض فى الموديولات. ونصيحة : يستحسن تراضى مدرسين الحاسب عندك فى المدرسة، وممكن تجيب اتنين مثلاً وكل واحد ياخد موديول وانت تاخد الباقى. فى حالة لو كنت انت اللى هتسعى فى الموضوع كله. وطبعاً العائد هيتسقم حسب عدد الموديولات اللى اداها كل واحد. ولو حسبتها هتلاقى ان الموديول الواحد بحوالى 130 جنيه بالنسبة للبند سادساً، أنا مقلتش انها مقتصرة على مدرسين المدرسة - راجع المشاركة - انا قلت انك ممكن تجيب اى حد من بره المدرسة، ولا يشترط مدرسين - ودى ميزة انك تعمل دورات تدريبية فى المدرسة بأسعار مخفضة وشهادات معتمدة، وفى الحالة دى الموجه ملوش دعوة ... ومدير المدرسة ما هيصدق لأن هيطلعله مبلغ مالى وعن التعامل المالى بتاعها، ان السكرتير بيلم الاشتراكات - بوصولات طبعاً - وبعد ما المجموعة بتتم بتاخد حقك منه - وفيه لائحة هتلاقيها مع مدير المدرسة أو ممكن تدور عليها على النت - بخصوص الأسعار وتقسيمها والمستفيدين هما : انت كمحاضر - مدير المدرسة - السكرتير - أمين المعمل. وفلوسها بتكون كويسة. وطبعاً انت بيكون ليك نصيب الأسد  تحياتى وأى استفسار تحت أمرك وكل عام وانت بخير |
|
#9
31-08-2011, 01:19 PM
|
|||
|
|||
|
السلام عليكم ورحمة الله وبركاته
اخب اقول حاجه انهم بياهدوا الى هما عايزينه مش مشكلة مؤهلات ولا تخصصات لانى انا علمت بذلك انا تخضض تكنولوجيا تعليم ومعايه دبلومه فى التكولوجيا بتقدير عام امتياز وشهادة الرخصه واخذت كورس الانتل على الرغم المفروض اكون مدربه ولكن قالولى لازم تكونى اخدتى الكورس استغربت ووافقت واخدته وفى النهايه رفضوا انى اخذ الشهاده طبعا علشان ميبقاليش الحق انى اخد منهم الاستفاده ومع انى الى بيدرب مدرسبن غير تخصصهم رياض اطفال وغيرها من التخصصات على العلم انى مصممة مواقع ومدربه داخل مدرستى تقديرا من المدرسه وانهم عايزين يستفادوا بس انا قرفت وتعبت ولما بعمل شىء مش بنتظر مقابل الله المستعان كل عام وانتم بخير عيد سعيد
__________________
 |
|
#10
31-08-2011, 05:01 PM
|
|||
|
|||
|
اقتباس:
اختلف معكِ تماماً، مفيش حاجة اسمها ياخدوا اللى هما عاوزينه من المحاضرين، وحضرتك بتقولى رفضوا انك تاخدى الشهادة، دى حاجة مش بمزاجهم أصلاً، لو بتتكلمى على شهادة الانتل، فالشهادة بتيجى من انتل مش من عندهم، وطالما اسمك موجود فى دفتر الحضور، يبقى هتاخديها غصب عنهم مش بمزاجهم. ويمكنك التحدث مع مدير التطوير بهذا الشأن علماً بإن شهادة الانتل بتقعد حوالى 40 يوم بعد نهاية الدورة على ما تطلع. كما أن الأمر ليس حقاً مكتسباً لكل مدرسين الحاسب أن يعملوا كمحاضرين ، فمن حق المسئول ان يرفض أو يقبل لكن فى إطار العدل والمساواة،،، فقط الأمر يحتاج بعض الاجتهاد والعلاقات الحسنة.بالإضافة لإن تدريب الانتل فى حدود علمى مقتصر على العاملين بالتطوير، ولا اعتقد ان هناك زيادة تستدعى الاستعانة بمدرسين حاسب. ويمكنك الاستفادة من العمل كمحاضِرة فى التدريبات الأخرى التى ذكرتها سابقاً مثل الرخصة الدولية او مركز تدريب المعلمين أو الدورات الخاصة فى المدرسة. |
|
#11
31-08-2011, 10:25 PM
|
|||
|
|||
|
اقتباس:
السلام عليكم ورحمة الله وبركاته
اولا شاكره جداا لحضرتك وجزاك الله خيرا استاذنا الفاضل ولكن ما تحدثت عنه اقسم بالله العظيم حدث معى بالضبط ذهبت ورفضوا اعطائى الشهاده ولما سالت قالوا بمزاجهم على الرغم ان قمت بعمل مشاريع عندما طلبوا ذلك ولكن كل ذلك بلا جدوى وفعلا كان فى كشف للحضور وحضرت كل الايام قد يكون هذا الكلام صحيح انها ارسلوا لهم الشهادات ولكن عندما ذهبت وسالت بعد التدريب بفتره طويله قالوا يعنى انتى هتعملى بها ايه ؟؟؟ مش بتطلع لاى حد ؟؟ قلتلهم دا اختارونى افضل مشروع فاضل ايه تانى ؟ مردوش الى الان على الرغم انى التدريب انتهى من اجازة نصف العام الماضى انا يا ستاذى تخصصى تكنولويا التعليم يعنى اصلا اخصائى تطوير تكنولوجى ولانى خريجه جديده وتعيين جديد 1/7 فالامر وبالاخص داخل المحافظة نفسها بها ما يكفيها على الرغم طلب منى مدير التطوير انى اعمل داخل التطوير التعليمى نفسه وذلك نظرا لتخصصى فى بدايه عملى وكونى انى لم اعى بالفرق فقررت العمل بالمدرسه وقالى بالحرف انا اخذ بكالرويس تكنولوجيا ولا اخذ معلم حاسب وانتى تكنولوجيا عايزينك معانا قلت انا ارتحت بمدرستى وبعدها ندمت على الرغم يا استاذى الفاضل انا لا اسعى وراء ماليات انا بدرب فى مدرستى تبع وحدة التدريب بالمدرسه وانما هى هوايه فقط لانى قد سبق لى بالتدريب داخل الجامعه ومنها احببت الفكره جداا والحمد لله راضيه بذلك لانى لا اريد الا وجهه الله من عملى اما ما حكيته لابين السلبيات فقط لا غير الله المستعان جزاك الله خير الجزاء وكل عام وحضرتك بخير
__________________
|
|
#12
31-08-2011, 02:26 PM
|
|||
|
|||
|
اخى الفاضل من فضلك متفكرش فى هذا الموضوع لأنك فى التربية والتعليم وسوف تعمل كأنك بتعمل على الفاضى لأنى مدرس كمبيوتر تعيين 1996 ومدرس كمبيوتر ثانوى من هذا التاريخ وأقوم بتدريس دورة الicdl جميع المديولات وفى أعلب الدورات أكون لوحدى والحمد لله رب والحمد لله رب العالمين الفلوس تأتى بعد سنتين من فضلك خليك بعيد ولاتتعب مجهودك لأنى رفضت 4 دورات من اول 6/2011 الى اليوم نحن فى وزارة معفنه
|
|
#13
31-08-2011, 05:04 PM
|
|||
|
|||
|
اقتباس:
ولا ارى داعى لإحباط صاحب الموضوع. فأنت ذكرت بأنك اشتغلت فى هذه الدورات وقبضت منها مقابل. كل الموضوع بأن المقابل يتأخر بعض الوقت، لكن مبيروحش عليك. كما أن هناك أبواباً أخرى ذكرتها من قبل، والأمر ليس مقتصر على تدريب الرخصة الدولية. |
|
#14
31-08-2011, 05:50 PM
|
||||
|
||||
|
الاخ الاستاذ السلام عليكم ورحمة الله وبركاتة
أنا كنت مدرب معتمد فى انتل وتقدمت بأكثر من مشروع فى مسابقة الوزارة وكنت أحقق مستوىيات متقدمة وحصلت على لاب توب جائزة وعملت أيضا مدرب icdl والعائد المادى كويس ومش بطل بالنسبة للأنتل بيكون معاك مدرب أخر واحد يشرح الجزء والأخر يتابع المدرسين ثم تأخذ فترة راحة للمدرب وعملى للمتدرب أى يقوم فيها بتنفيذ مشروعه ثم تعود للعمل بالتبادل مع زميلك أما icdl كل مدرب يشرح مديول أى يكون لمدرب 3 مديولات والاخر 4 مديولات المشكلة أن أنتل فيه مشروع وعمل بينتج ويسلم لأخصائي المديرية بعد كل دورة على فلاشة فى اجتماع طبعا الاعمال دى بتكون بتاعة المتدربين الذين قمت بتدريبهم ليعاد تقيمها فى التطوير وبالتوفيق
__________________
|
|
#15
01-09-2011, 12:25 AM
|
|||
|
|||
|
كل عام وأنتِ بخير
لا تندمى على ما فاتك، ولا تفرحى بما آتاكِ وبالفعل كما ذكرتى بأن نعمل فقط ما يرضى الله، أما الرزق بيد الله فقط. ولا مانع من السعى طالما كان ذلك فى استطاعتنا خالص التحية |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 07:19 AM.
