مش بحب العبى ___أعمل إيه؟؟؟؟؟؟

[H_Dody]

أنا مش بحب اللغة العبرية مش عارفة السبب
معظم الطلبة مش بتحب العربى بسسب النحو __أنا بحب النحو وبجاوب كويس ف النحو
بس مش عارفة السبب اللى يخلينى مش متقبلاه ولا عايزة أذاكره
أنا حتى الأن لا أفقه شئ ف منهج اللغة العربيه

أرجوكوا ساعدونى
أرجوكم
أرجوكم
أتوسسسسسسسسسسسسسسسسسسسسسل إليكم

[المدرس الاول 2012]

احسن ليكي تبدأي وتشوفي مش بتحبي اي فرع وبعدين تشوفي ال فيه مش مخليكي متقبلاه لان كل حاجه لها سبب مش كدا وخلاص وحاولي تذكريه لمده 3 ساعات متواصلاه بس بين كل ساعه والتانيه 10 دقايق راحه بس مش تخرجي من مكان المذاكره لا تذكري حاجه تانيه تحركي نفسك ف الاوضه ال بتذكري فيها وبس وبعدين ترجعي تكملي ولو قدرتي تذكريها اكتر من كدا يكون احسن وخصصلها كل يوم من نص ساعه لساعه مراجعه عليها لان اكيد انتي خلصتي المنهج وحاولي وان شاء الله ربنا يوفقنا كلنا

[nour99]

هذا معناه أنك شخصية علمية ، تحب أن تفكر لا أن تحفظ ، وهذا شىء رائع ، لا يمكن أن أقوم بدور الناصح العاقل ، ولكن يمكننى أن اقترح أن تحاولى أن تفهمى أكثر من أن تحفظى ، و إذا أردت أن أقدم لك أى مساعدة من خلال النت ، فأنا موجود

[bent elhob]

السلام عليكم ورحمه الله وبركاته

كلنا السنه دى بنشتكى من االعربى
يمكن علشان مااعطناش له اهميه وهعيطنا الاهميه للمواد العلميه
وحتى المدرسين مش مهتمين زى السنه اللى فاتت
فمش عارفه العجز مننا ولا من المدرسين

واسفه مش عارفه افيدك لانها نفس المشكله عندنا
وفى رعايه الله
والسلام عليكم ورحمه الله وبركاته

[على العربى]

أرى المشكلة فى الطالب لا المدرس 0كل مدرس يؤدى واجبه 0وطالما لاتوجد مذاكرة ما ذا يعمل المدرس؟

[elswaify]

والله انا مثلك تماماً اكره الحفظ رغم انى احاول مرارا وتكارا لكنى حتماً انسى كلما احفظ ،،، وده ينطبق على الفيزياء والكيمياء ى جزئيات التعاريف وما شابه

لكن اول سنة احب فيها العربى السنادى لان بارك الله فى ولأستاذى علمنى كيف افهم اللغة العربية ،، النحو والبلاغة و المعانى بل وايضاً الادب !!

فهماً لا حفظاًَ

حاولى تفهمى الاجزاء دى

اما بالنسبة للنصوص فهتقدرى تجاوبى عن المعانى و البلاغة و بالنسبة للسؤال (ج) اياً كان المكتوب فيه مثال : ــــــــــــــــــــــــــــــ ،، وضح ؟ -------> ده بيبقى طالب الشرح اشرحى باسلوبك

اما المشكله هتكون فى الجزئية (د) تحتاج دائما يا اما حفظ جزء من النص ،، او سما وخصائص الشاعر وما الى ذلك




ربنا يعديها علي خير لينا جميعاً

بالتوفيق ،،،

[راغب السيد رويه]

يجب عليكم الاجتهاد وفقكم الله

[basma 2010]

ربنا معاكى

[حمدى أبوزيد]

يجب أن ينتقل المدرس باللغة العربية من الشرح التقليدى المعتمد فيه على الحفظ والتلقين إلى طريقة أفضل تعتمد كليا على التفكير فاللغة العربية وهبها الله من الصفات ما يجعلها أهلاً لذلك
وأعتقد والله أعلم عيب مدرس

[كفانى حب ربى .]

اللغة العربية مادة حفظ وده معروف كويس
والحفظ جزء من بناء العلم
لولا الحفظ ما حفظت كل العلوم ولا نهضت

ويجب على الطالب ان لا يخضع لفكرة ( انا دماغى علمى مبحبش الحفظ )
لان طالب الثانوية العامة المصرية يجب ان يتمتع بالمرونة مع منهجه
الجزء المحتاج لحفظ خالص يجب ان يحول عقله لكمبيوتر
والجزء المحتاج للفهم يجب ان يعيش الطالب متقمص شخصية عالم عبقرى

بالطريقة دى مش هتلاقى اى مشكلة فى المداكرة


....

انا مدركة كويس ان فيه ناس عندهم ملكة الحفظ دى ماشاء الله رائعة
لكن انا اؤمن ان اى شخص له قدرة على الحفظ تمكنه من انجاز عمله
مهما كانت ميوله