ـ احنا عارفين مصلحتكم أكثر منكم !! ـ

[T!to]

السلام عليكم و رحمة الله و بركاته ,


هحكي لكم موقف حصل زمااااااااان قوي ,
اللي كان عايش منكم من أيام الفراعنة تلاقيه سمع عنه ,
و اللي ما كانش عايش سمع عنه في القرآن :
لما سيدنا موسى راح لفرعون علشان يدعوه للإيمان بالله ,
فرعون قال لشعبه إيه ؟؟
قال لهم أنا ( خايف عليكم ) من موسى و عاوز ( مصلحة البلد ) :
{ إِنِّي أَخَافُ أَن يُبَدِّلَ دِينَكُمْ أَوْ أَن يُظْهِرَ فِي الْأَرْضِ الْفَسَادَ } [غافر : 26 ]
و أنا ( شايف الصح ) ليكم علشان كده ( لازم تتبعوني ) :
{ مَا أُرِيكُمْ إِلَّا مَا أَرَى وَمَا أَهْدِيكُمْ إِلَّا سَبِيلَ الرَّشَادِ } [غافر : 29]

.........................

و تعدي أيام و سنين و قرون
و ييجي فرعون تاني اسمه مبارك ,
ييجي الناس يقولوا له عاوزين عدل و حرية و إصلاح ,
يقول لهم :
و أنا ( خايف عليكم ) من المتطرفين و ( خايف على البلد ) من الإرهاب لو اديت للشعب الحرية ,
و بعدين أنا ( شايف الصح ) للبلد كده , و ( لازم تتبعوني ) !!


..............................


و تعدي أيام و شهور ,
و يروح الفرعون مبارك ,
و ييجي ناس برضو بنفس ( العقلية الفرعونية ) ,
يسميهم الإعلام بـ( النخبة المثقفة ) ,
يقولوا للناس إن التعديلات الدستورية اللي ( اخترتوها انتم ) كانت غلط ,
و احنا ( خايفين عليكم ) من الإسلاميين , و ( خايفين على البلد ) أحسن تبقى إسلامية و ديكتاتورية ,
و احنا عارفين مصلحتكم أكثر منكم , و ( شايفين الصح ) ليكم ,
و ( لازم تتبعونا ) و ترفضوا التعديلات اللي ( وافقت عليها الأغلبية ) ,
و تطلبوا ( تعيين ) مجلس رئاسي مننا , احنا الناس اللي بتفهم ,
علشان نقودكم للخير , لأن احنا عارفين مصلحتكم أكثر منكم

المنطق الفرعوني ... يتكرر !!
من
مدونة
تظبيط

[أيمن الوزير]

كلنا شعب مصر يفهم ذلك ولكن النخبة لا يعقلون حتي أصبحت هذه الكلمة أعني النخبة ترادف الغباء وشكرا علي الموضوع الرائع

[إسلامى عزتى]

هذا ما يحدث بالفعل
والان النخبة "مش عارفة سموا نفسهم نخبة على اساس ايه"
وعايزين يتحكموا فى الشعب ولو على ارادة الشعب
ويعملوا اللى نفسهم فيه
سبحان الله

جزاكم الله خيرا على الموضوع

[BaNZeR]

دعك من النخبة وانتخب نفسك .... إن ما تفعله النخبة هو قول " نَخبك "

[T!to]

المشاركة الأصلية كتبت بواسطة أيمن الوزير

كلنا شعب مصر يفهم ذلك ولكن النخبة لا يعقلون حتي أصبحت هذه الكلمة أعني النخبة ترادف الغباء وشكرا علي الموضوع الرائع

اكتر شىء بيضايقنى ان اغلبهم مفكرين اننا كعامة الشعب
ليس لدينا فكر او عقل
وهم وفقط من يمتلكون ذلك
شكرا للمرور الرائع

[T!to]

المشاركة الأصلية كتبت بواسطة إسلامى عزتى

هذا ما يحدث بالفعل
والان النخبة "مش عارفة سموا نفسهم نخبة على اساس ايه"
وعايزين يتحكموا فى الشعب ولو على ارادة الشعب
ويعملوا اللى نفسهم فيه
سبحان الله

جزاكم الله خيرا على الموضوع

ماهما بقى عارفين مصلحتنا
والباقى ما بيفهمش ومضلل ومغيب وجاهل وسواق ميكروباص .....الخ
شكرا للمرور الرائع
وجزاكم مثله

[T!to]

المشاركة الأصلية كتبت بواسطة BaNZeR

دعك من النخبة وانتخب نفسك .... إن ما تفعله النخبة هو قول " نَخبك "

ادعنى منهم وهم ينظرون الى عوام الشعب بانهم الطبقة غير النخبوية
هوه الشعب عمل الثورة عشان يطلع فراعنة جداد
ولا يمتلك زمام اموره بنفسه ويبقى هو القائد
او فئات نخبوية او حتى اسلامية او علمانية او اى حد
الشعب يقرر مصيره
واختار الشعب قرار معين اى كان مثلا مثل موضوع الاستفتاء
ليه اللى بيدعى الديمقراطية
يرفض ويحاول يغير ارادة الشعب
مش اول مبادىء الديقراطية
تقبل الراى الاخر
ولا ايييييييييييه
نورتنى يا حج
شكرا للمرور الرائع