|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
07-09-2011, 11:24 AM
|
||||
|
||||
احنا شعب مايمشيش غير بالعصايا؟؟!!
السلام عليكم و رحمة الله و بركاته
__ هادخل في الموضوع على طول احنا شعب مايمشيش غير بالعصايا ؟ ده سؤال يا ريت الكل يجاوب عليه من وجهة نظر أشخاص (و للأسف مصريين)احنا شعب مش بيمشي غير بالعصايا و الإهانة يعني ايه شعب مش بيمشي غير بكدة؟؟ يعني شعب ماينفعش يحكمه غير مبارك و أمثاله يعني شعب لو الشرطة ماضربتهوش على قفاه هايتمرد و هايركبها يعني شعب فوضوي لو حكم نفسه هيضيع و يضيّع البلد معاه(قال يعني البلد ناقصة حد يضيّعها) يعني شعب ماينفعش يكون حر يعني شعب وجِد بس علشان يبقى عبد لأسياده يعني شعب همجي و متخلف بالفطرة يعني شعب أخد على رمي الزبالة في الشوارع يعني شعب البلطجة و الهمجية غريزة محفورة في أصوله يعني.....،يعني............. هو فعلاً احنا كدة!! هي الفوضى و المهزلة غريزة في الإنسان المصري نفسه؟ و لا الفساد هو اللي عمل فينا كدة؟ مش هو اللي علم البلطجي ازاي يسرق؟ مش هو اللي علم الصغير ازاي يشتم؟ مش هو اللي علم الآباء ازاي بقعدوا ع القهوة ليل و نهار و يسيب ولاده يضيعوا و يضيع مستقبلهم؟ مش هو اللي طلّع الأطفال من مدارسهم علشان يشتغلوا و يساعدوا في مصاريف البيت؟ مش هو اللي علم الشباب ازاي يشربوا مخدرات و يقعدوا ع النت و يعاكسوا بنات؟ مش هو السبب في ظهور العشوائيات؟ مش هو السبب في انتشار الجهل و الفقر و المرض؟ مش هو السبب في الحالة اللي مصر وصلت ليها دلوقتي؟ و مش هو السبب في ان احنا من وجهة نظر الكثيرون بقينا شعب مايمشيش غير بالإهانة و البهدلة و قلة الكرامة؟؟ مش كدة و لا أنا غلطانة؟؟ طب احنا لو بلد كويس محكوم كويس و واخد حقه و بيعمل واجباته بردو هنبقى مانمشيش غير بالعصايا؟ لو الطالب لقى نظام تعليم صحيح و اساليب صحيحة في التعليم بردو هينط من على سور المدرسة و يروح يشرب سجاير؟ لو كل شاب و بنت بيتخرجوا يلاقوا وظيفة كويسة و مرتب كويس هايتمردوا و يبلطجوا! لو الأب لقى مرتب كويس يعيّشه هو و اسرته حياة كريمة هيقعد ع القهوة بردو و يسيب عياله ينحرفوا و يشربوا مخدرات و يشموا كلّة؟ لو كل انسان مصري بيحب بلده و مش كاره عيشته و فخور انه مصري بردو هنرمي الزبالة في الشوارع ؟ احنا شعب اصيل و لو ظروفنا كانت افضل أكيد احنا كمان كنا هانبقى أفضل بس ظروف البلد و الفساد هي اللي عملت في الناس كدة و هو بردو اللي خلّى المصري بقى بيلعن البلد احنا شعب مايمشيش بالعصايا و لا بالإهانة أحرااار و مش همجيين و مش عبيد لأسيادنا اللي بيحكمونا احنا شعب أصيــــــــــل حر و كريم و انت فرد من الشعب ده .............. ده أول موضوع نقاشي أكتبه في المنتدى و يسعدني جداً اني اسمع آرائكم و تعليقاتكم  |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 11:36 AM.
