يعنى ايه ندب كلى

[شريف الصعيدى 22]

السلام عليكم اخواتى واخواتى الاعضاء الكرام
انا عارف ان الموضوع ده مش وقته بس معلش باه اعذرونى
لان الناس اغلبها بيتكلموا عن اعتصامات واضراب وكده
المهم انا شغال معلم حاسب الى باحدى المدارس الابتدائية التابعة
لادارة دسوق التعليمية بمحافظة كفرالشيخ ولسه متعين فى 1/7/2011
انا حاصل على بكالوريوس تجارةه وتمهيدى ماجستير محاسبة
روحت النهارده لموجه التعليم الفنى التجارى بالمديرية علشان اعدل
المسمى الوظيفى بتاعى لانى نفسى اشتغل مدرس تجارى علشان ده
هيساعدنى كتير اثناء تحضيرى لرسالة الماجستير
المهم الراجل قالى لازم الاول تجيبلى موافقة توجيه الحاسب الالى وديه ان شاء الله
هاقدر اخلصها بس هوه قالى مش هاينفع كده تروح نقل على طول
قالى الاول تروح ندب كلى لاحدى المدارس التجارية وبعد كده بقى يبقى سهله تنقل كلى
انا عاوز اعرف يعنى ايه ندب كلى يعنى يبقى قبضى مثلا من مدرستى الاصليه الابتدائية
اللى انا شغال فيها ده بس المقصود بيه ولا ايه تانى ارجو التوضيح
لانى محتاج اعرف ده قبل بكره لانى رايح له تانى
علشان اشوف هايوزعنى فين
وهل مثلا ينفع اروح مدرسة تجاريه داخل المحافظة كفرالشيخ ولا شرط تكون المدرسة التجارية
تابعه فقط لادارة دسوق التعليمية
محتاج اعرف ردكم سريعا يااااارب يقدم اللى فيه الخير
وان شاء الله نصر المعلمين قريب

[المعلم الاستاذ]

ندب كلى يعنى انك يكون جدولك كلى فى المدرسه المنتدب اليها اى انك طوال الاسبوع موجود بها وتظل على قوه المدرسه الاصليه من حيث القبض وخلافه ...
هذا والله اعلم

[بوسي111]

انا منتدبه ندب كلي للمرحله الاعداديه ..القبض من المدرسه اللي انا فيها مش من مدرستي الاصليه .. انت كده تابع ماليا للمدرسه الجديده وليس لك علاقه ابدا بالمدرسه الاصليه

[الاستاذ عادل شوقى]

من حق التوجيه انه يرجعك مدرستك الاصليه بعد شهر 6 او بعد امتحانات الدور التانى ولو حد تانى طلب المدرسه وهو احق منك يتم الغاء ندبك

[MISS.DINA]

الندب الكلى حضرتك يعنى تروح مدرسة تانية كل ايام الاسبوع بس تفضل مدرستك اللى اتنقلت منها هى الاصلية سواء قبض او لو بياناتك هيبقى فيها اسم المدرسة القديمة وبالنسبة للنقل لكفرالشيخ التوجيه بتاعك اللى يحددلك حسب الاحتياج والاماكن بس اللى اعرفه عشان تنقل من ادارة لادارة لازم تلاقى بديل من الادارة اللى عاوز تروحها