ظلم ظلم

[الظلم لا يدوم]

فعلا الظلم لسه موجود فى بلدنا

المثال اللى عندى النهارده هو مدير مدرسه الاعداديه بنات باداره ميت ابو غالب التعليميه محافظه دمياط استاذ نصر
طبعا بصراحه انا استغربت جدا لما سمعت من زميل ليا اللى عمله
استاذ نصر هو اللى بيحط خطط المدرسين تبع مايشوف سيادته فكان توزيع خطه ماده العلوم بالمدرسه كالاتى
1- الاستاذه دينا 12 حصه فى 6 ايام مع العلم ان الاستاذه دينا مكملتش لسه خمس سنين تعيين
2- الاستاذه ريهان 16 حصه فى 6 ايام مع العلم انها اقدم بقالها حوالى 10 سنين
3-الاستاذه ايمان 24 حصه فى ست ايام مع العلم ان الاستاذه ايمان فى سن الاستاذه دينا واشتغلوا مع بعض
طبعا الموضوع دا مش اول مره يحصل
ياريت بقى تدققوا فى الخطه دى وتقولوا ليا ياترى لو مكان استاذه ايمان هتعملوا ايه لانها مظلومه لما تكون شايله 24 وزميلتها فى نفس المدرسه 12 واللى فى نفس عمرها دا كله ليه لان مدير المدرسه استاذ نصر عايز وشايف كدا ومحدش يقدر يكسرله كلمه اصلكوا عارفين بقى ممكن يتحط فى البلاك لست ونسيت اقولكوا ان استاذ نصر خلى الاستاذه ايمان بنفسها تكتب الخطه بنفسها وهو اللى ملاها طبعا عشان يحسسها انها لو اتكلمت ممكن يلغى ندبها بره يومين لانها منتدبه فى مكان تانى او يعملها مشاكل مع العلم ان الموجه جه ومعملش حاجه
لكن استاذ نصر بقى مش عامل حساب انه بعد كام سنه هيطلع معاش واللى بيعمله دلوقت ممكن يتردله بعدين مجربش احساس يعنى ايه مظلوم وعاجز عن رفع الظلم عنه مش واخد باله من الحكمه اللى بتقول اذا دعتك قدرتك على ظلم الناس فتذكر قدره الله عليك بجد مش عارفه اقول غير حسبى الله ونعم الوكيل
عايزين حل ياجماعه للمشكله دى لان الاستاذه ايمان خايفه ان يتلغى ندبها لان الندب دا يومين قريب من بيتها لانها باقى الاسبوع فى مدرسه بعيده جدااااااااا

[نانا هوبة]

اتعب من المشوار ولا اتقهرش من الظلم
ويا نتساوى انا و زمايلى يا انا و هو و النيابة الادارية
وطول ما احنا ساكتين لو اخدنا بالجزمة ( سورى ) ما نشتكيش
ايه يعنى المشوار قصاد الشعور بالنصر
تفرض زميلتك ان المدرسه لغت الندب لاى اسباب اخرى هيكون ايه الوضع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[thany2000]

عليا وعلى اعدائي نيابة ادارية وشئون قانونية المديرية وشئون قانونية الادارة وتكتب في الشكوي ان بيهددني بالغاء انتدابي طول ماحنا ساكتين في البلد طول ما هيكون الظلم موجود

[صفوت حمادة]

الشئ الذى لا يقبل هو الشعور بالظلم دون عن خلق الله ان الزاحد يحس انه بيضحك عليه براحة

[فاطمة الزهراءمحمد]

الظلم ظلمات يوم القيامة

[medo88]

اولا ممنوع السكوت على الظلم خاصة بعد الثورة
ثانيا هناك جهات يمكن الشكوى لها مدير الادارة ووكيل الوزارة والنيابة الادارية
وإذا لم تفد هذه النوافذ القانونية اعطنا الاسم بالكامل وسننشئ صفحة على الفيس بوك بعنوان كلنا ايمان........باقي الاسم
وطبعا نكتب اسم مدير المدرسة ونهاجمه على هذه الفضيحة
وأنا أرى أن المخطئ الاصلي في هذا الموضوع هي الاستاذة ايمان لقبولها الابتذاذ .....ز الا اذا كان هناك فائدة اخرى لانعلمها
عموما نرجو الصالح لها .........ز
ولقد كتبت الرد تبعا لما فهمت .....ز وبالله التوفيق

[Abu Menna Mohamed]

ما فيش حد بيسكت علي حقه

[أحمد على فارس]

الظلم مش هيروح لوحده لازم تعمل حاجة غير الشجب والتنديد كن فعالا ومشارك فى مساندة زمايلك المعلمين وهنأخذ حقنا كلنا إن شاء الله

[شريف أحمد شوقى شمس]

للاسف لقد تولى معظم المناصب العليا فى وزارة التربية والتعليم سفهاء المعلمين هذا الذى كان سائدا فى ظل نظام حسنى مبارك البائد
اما الان وبعد قيام الثورة فلابد من القيام بثورة عارمة ضد هؤلاء السفهاء
وليعلم من هو فى اى منصب انه خادم للشعب

[ايهاب الليثي]

المشاركة الأصلية كتبت بواسطة شريف أحمد شوقى شمس

للاسف لقد تولى معظم المناصب العليا فى وزارة التربية والتعليم سفهاء المعلمين هذا الذى كان سائدا فى ظل نظام حسنى مبارك البائد
اما الان وبعد قيام الثورة فلابد من القيام بثورة عارمة ضد هؤلاء السفهاء
وليعلم من هو فى اى منصب انه خادم للشعب

+1111111111111