ممكن نعيش لما نشوف اليوم ده - - -

رجاء فكرى ابراهيم · #1 13-09-2011, 11:21 AM

احد الزملاء ذكر فى موضوع له ان مستشارة المانيا عندما طالب القضاه ان يتساوا بالمعلمين رفضت قائله ( انتم عاوزين تتساوا بالى علموكم ) يا ربى على جمال الجمله - - و هو ده الفرق بينا و بين الدول المتقدمه - - قدرت المعلم فتم انشاء اجيال محترمه متعلمه فعلا - - و لكن عندنا مليون حسره ادخل ديوان الوزاره او الادارات التعليميه او المدارس و اتعرف و شوف

رجاء فكرى ابراهيم · #2 13-09-2011, 11:41 AM

المفروض - - معلش خلينا اضرب مثل و سامحونى فيه - - بحس ان وزارة التربيه و التعليم ذى الام و الدوله ذى الاب - - فيه مثل كده فلاحى بيقول ( الى جوزها يقولها يا عوره الناس تلعب بيها الكوره ) لكن الى جوزها يحترمها و يقدرها و يحسن معاملتها فسوف تستطيع ان تنتج جيل محترم واثق من نفسه - - ناجح يقدر يكون حاجه فى المستقبل

رجاء فكرى ابراهيم · #3 13-09-2011, 11:46 AM

و علشان كده وزارة التربيه و التعليم لازم تكون اعظم وزاره فى الدوله - - لازم المدرسه يكون لها كيان اهم و اعظم كمان من الكليه علشان هنا بتصنع الشخصيات هنا المستقبل يبنى - - لازم الى بيعمل فى التربيه و التعليم يكون له اعلى تقدير و احترام - - لازم يكون فيه نادى و مركز طبى عظيم و خدمات كبيرة جدا للمدرس

رجاء فكرى ابراهيم · #4 13-09-2011, 11:50 AM

يعنى انا امامى سنوات حتى المعاش و لكن دى كلمة حق امام الله - - لازم العاملين فى التربيه و التعليم يكون لهم شان و مكانه محترمه - - و دخل يحقق لهم لقمة العيش و الحياة بكرامه - - و بعد كده حاسبوه بقوة على اى تقصير

رجاء فكرى ابراهيم · #5 13-09-2011, 12:02 PM

الحكومه الى مش هتراعى التعليم و العاملين فيه هى بكل المقاييس حكومه - - - - - - - و الله الواحد يستحى من الكلام - - لكن الى بيحب مصر هو الى هيراعى التعليم - -و لا ننسى انها مهنة الانبياء و الرسل

elmester3 · #6 13-09-2011, 12:57 PM

ونعم الكلام بس مين يسمع