اجمل توك توك واطرف عبارات مكتوبة عليه

[heba abd elhamid]

طبعا فى الزمن ده كثر التوك توك
وطبعا زى ما بيقولو فى نشرات الاخبار التوك توك غزى العالم
فانا جايبلك صور التوك توك فى العالم كله وكمان الى فى مصر
نبتدى بسم الله الرمن الرحيم




اوعى حد يقول ان ده مش توك توك ده توك توك شخصى



ممكن التوتوك يطير كمان

وادى كمان توك توك شخصى والله احلى م المتوسيكل


صورة احلي توكتوك






ودى بقى مش توك توك دى احلى سيارة نقل عجبتنى



وفيما يلى عبارات مكتوبة على سيارات نقل مصريه وميكروباص وتوك توك وغيرها وغيرها

" تعمل حسابي أقدرك تهزر معايا أعورك"
" الحلوه لما تتدلع تخلى الاسفلت يولع "
" ما تبحلقش كده يا لوح دي جت بطلوع الروووح "
" ما تبصش كده يا عبيط الحلوه دي بالتقسيط "
" سوقوا بالراحه يابهايم أصل سواق العربيه نايم "
" الحلوة فى مشوار وصاحبها على نار "
" متبصليش بعين راضييا شوف اية اللى اندفع فيا "
" روتانا توك توك مش هتقدر تمشى على رجليك "
" صبح تاتا 2 × 3 " " ياتهدى يا تعدى دا انا محدش أدى "
" ترجع بالسلامه يا ابو نورا وخلى بالك من الغندوره "
" طالعه مستوره وراجعه مجبوره "
" العين صابتنى ورب العرش نجانى "
" ريحها فى الغيارات ودلعها فى المطبات وخد بالك من الملفات "
" ماشى على رجليك ليه دا التوك توك بقى بجنيه "
" الحلوة تفاحه للسفر والسياحه "
" 1 + 1 = 2 احمينى يارب من العين "
" تروح شمال تيجى يمين دا احنا بردة سواقين "
" قول ياباسط هتلاقيها هاصت "
" إدينى تحيه واعديك بالعربية "

" نضف الطاسة وخلى العربية رقاصة "
" أكل فول واخرج بعرض وطول ولا اكل كباب وتجيلى الديانه عالباب "
" اللى عايزه يتحير شغل له النور الصغير "
" اللى ربنا بيحبه ويختاره بيجيله رزقه لحد داره "
" خلى بالك من الطاره دا العجله دواره "
" اللى له عنين وراس يعمل زى الناس "
" متبصليش كدا يا دكر دا العين فلقت الحجر "" شغل المساحات وعاكس فى البنات "
" بص فى المرايه وصحصح معايا "
" الحلوة كيداهم "

ده لعشاق التوكتوك المصرى فقط

-تركب تسلينى...تنزل تبكينى
-رجاء للتريلات الوحوش...هدوا و انتو جمبى عشان مانطيروش
-لو صاحبك خانك...اعتبروا دخانك
-التوك توك من لحم كتافى...فاضل شمسية و ابقى قذافى
-لو لسه زعلان...البحر مليان
- اذا اردت الراحه...اركب مع اصطباحه
- احنا غلابة بس ...في وقت الجد ديابة
حاجتين ملهومش أمان...الفرامل والنسوان
و ربنا يحميكي من المكانيكي

حبينا بعض و لوك لوك لوك لوك...اتاري البت طمعانه ف التوك توك
بص ع التوك توك بحنان...لحسن ده بتاع ام ايمان
من كتر غدر الصحاب...عظمت الكلاب
لو كانت الرتب بالسرعة كان زمانى بقيت لوا
والله لو عملت ديك...برضو مش هعدي
متزعليش من اللى بيتريق يا قطه...بكره تبقي تويوتا
الحلوة ماشية براحتها...عشان خايفة على صحتها
مفيش حد صالح...كلو بتاع مصالح
ولا عز ولا ورث .. جايبها بخلع الدرث
و ماتبصليش بعين رضية ده انا جايبو بفلوس الولية



الكلام ده بيفكرنى بمادة الادب الشعبى اللى اخدناها بالكلية