|
||||||
| أخبار التعليم المصـري نقاشات وأخبار تعليمية متنوعة |
 |
|
|
أدوات الموضوع | انواع عرض الموضوع |
|
#1
19-09-2011, 10:29 PM
|
|||
|
|||
مدير إدارة ابوصوير : لو انتوا رجاله خليكو قاعدين لآخر الشهر
مدرسة ابوصوير الصناعية
19 / 9 / 2011 اليوم الثانى للإضراب - بداية اليوم الدراسى بشكل طبيعى ، توقيع المعلمين فى دفاتر الحضور ، الطابور وتحية العلم - حضور ( شكرى ابوجازيه ) مدير إدارة ابوصوير التعليمية ويطلب من المعلمين الصعود للفصول  - لا استجابة ولا رد من اى معلم ولا تعليق للإضراب  - بعدما تيقن انه فشل حتى فى اسلوب الطلب صرخ قائلآ ( طيب لو انتوا رجاله خليكوا قاعدين كده لآخر الشهر  )- الراجل جاى يستفزنا وعايز يوقعنا فى الغلط ، لكن تم الاعداد النفسى الجيد لنا من خلال حوارتنا مع بعضنا بأن هذا متوقع حدوثه من زبانية النظام السابق والذين استفادوا منه بالجلوس على كراسيهم وسيقاتلون للبقاء عليها ( الهبره كبيرة يا جماعة اخر الشهر لازم يموت نفسه علشان يحافظ عليها ) ، المهم محدش برضه رد عليه ( مع انه عارف كويس اوى ان صنايع ابوصوير مبيعرفش لا هوه ولا اى حد من رجالته ياخدوا حق ولا باطل من رجالة المدرسة ) - راح مخبط اكتر ليواصل الاستفزاز ( هربت منه ياجماعه) وقالنا هو انتوا بتفهموا اساسآ و كل ده حصل قدام الطلبة  بالله عليكم ايه رأيكم فى المسئولين عنا ( انا رايى انهم بلح )  - دخل شكرى ابو جازيه مكتب المدير فى انتظار وكيل الوزارة - تم كتابة مذكرة بما حدث موجهه الى المحافظ و وكيل الوزارة *ووقع عليها المعلمون - الظاهر الخبر بتاع المذكرة وصل ليه شويه لقيناه طلع من المكتب  وجالنا ( حقكوا عليا متزعلوش منى انتوا زى اخواتى ) ( عمل قطة ) عرفتوا مين فينا الراجل .- وصول وكيل الوزارة ( رفعت طنطاوى ) ومعاه ( مسئول الأمن فى المديرية ) !!!!!!!!!!! - طلب الاجتماع مع السادة المعلمين - بدأ فى الحديث : نفس كلام الوزير حرفيآ لا اكتر ولا اقل . - بدأ يكلم على حافز الاداء ووسعت منه اوى وراح قايل لشكرى الناس تصرف الحافز ده انهارده او بكرة بالكتير اوى دى تعليماتى ليك وتنفذ . - طبعآ كلام للإستهلاك اللوكال وبدأ المعلمون المشاركة فى الحوار - سلمناه صورة مذكرة الاضراب وبعدين تكلم بعضنا وكل مايقوم حد يكلم بتاع الامن يسأل على اسمه واحد زميلنا قاعد جنبه ( فاكرينها لسه زى زمان ) زميلنا قاله بتسأل على اسمه ليه ملكش دعوه بأسم حد .  - بيقولنا معدش فى امتحانات تانى نقوله الكلام ده مش مظبوط ونازل على موقع الاكاديمية علشان نترقى نتدرب وبعدين نمتحن وننجح وبعدين تقرير من مدير المدرسة وتقرير من الموجه علشان نتمم اجراءات الترقية يقولنا لأ مش مظبوط اسمعوا اللى بقولكوا عليه . - طبعآ احنا على اتصال ببعضنا مع المدارس التانيه فى الادارة وخارجها الكل عامل اضراب وطنطاوى يقولك مفيش غير انتو بس اللى لسه عاملين اضراب ( وطنى وطنى ) لسه برضه اسلوب الكذب فى دمهم يا اخى وكل زمايلنا اللى راحلهم المدارس التانيه بيقولهم نفس الجمله ( يعنى كل الناس بقت حلوه وانتوا اللى لسه كخه )- طلب فض الاضراب مع وعد ببحث المطالب ورفعها ردينا عليه واحنا كمان هنبحث فض الاعتصام قالنا هتبحثوا طلبى قولناله زى ما هتبحثوا طلباتنا ( ولع ) وسأل زميلنا اللى قاله الكلمه دى على اسمه الراجل قاله اسمه بالكامل سأله وكيل الوزارة انت مضيت على المذكرة قاله طبعآ دور على اسمه من بين الموقعين وعلم عليه ثم فض الاجتماع الظاهر انه حقق هدفه بالحصول على اسم معين . - طبعا المعلمين سمعوه رساله معينه ان زميلهم اللى اتاخد اسمه لو حصله اى حاجه لو حتى قرصته نموسه فى بيته وهو نايم مش هتعدى بالساهل - بدأنا فى الاتصال بزمايلنا فى المدارس التانيه على مستوى الادارة والمحافظة ووصلنالهم اللى دار فى الاجتماع وابلغونا بتضامنهم معانا واتفقنا على حاجه : اى مدرس فى أى مدرسة هيتأذى بسبب الاضراب دلوقتى او بعدين هنكون راجل واحد والموضوع هيتطور من اضراب فى المدارس لاعتصام فى مكتبه هو شخصيآ (ماشاء الله والله اكبر علينا ) وتم الاتصال ببعض مراسلى ومندوبى الصحف فى الاسماعيلية ووضعهم فى الصوره - وصلتنا معلومه ان الاداريين فى الادارة بيقولو مش انتوا عاملين اضراب ومش عايزين تعلموا ولادنا ، احنا كمان هنعمل اضراب ومش هنعملكوا مرتباتكوا !!!!! يا سبحان الله اقسم بالله احنا كاتبين فى مذكرتنا طلبات العمال والاداريين قبل طلباتنا من حيث الحافز 200 % بدون مكافأة او كادر او اى حاجة تانيه والتعيين للعمال والاداريين والمعلمين المؤقتين . - على فكرة احنا المدرسة عندنا كلها تقريبا مضت على المذكرة العمال قبل الاداريين قبل المعلمين لأننا كلنا واحد - مش بقول كده علشان خايف على المرتب انا قولت امبارح اننا كلنا مؤمنين بان ربنا سبحانه وتالعى فى يده رزقنا و حياتنا وموتنا علشان كده قلبنا جامد ومش فارقة معانا اى حاجه  ( علشان كده شكرى كان بيقولنا خليكو لآخر الشهر )- مر اليوم ومضينا انصراف ومشينا وبكره يوم جديد انشاء الله 
|
|
#2
19-09-2011, 11:57 PM
|
|||
|
|||
تسلم يا غالى وتسلم الرجالة
من شر المسئولين بتوعنا
|
|
#4
20-09-2011, 05:00 PM
|
||||
|
||||
|
اياكم والخوف من سياسه العهد البائد سياسه المرتجف المحتمى بمنصبه
سياسة الجبناء فلا خوف بعد اليوم ونحن لسنا مرتزقه ولسنا خادمين لاحد نحن نطالب بالكرامه والاحترام للمعلم الذى زرع شيئا فى شخصيه كل مواطن بالدوله فلا لسياسه التهديد ولنكن يد واحده ويوم السبت قريب لا تنسوا السبت عند مجلس الوزراء او الاذاعه والتليفزيون لنريهم من انفسنا خيرا
__________________
 ياواعظ الناس قد اصبحت متهمــا إذا عبت منهم امورا انت تأتيها اصبحت تنصحهن بالوعظ مجتهــــدا والموبقات لعمرى انت جانيهــــا تعيب دنيا وناسا راغبين لهـــــا وانت اكثر الناس رغبة فيهــــا
|
|
#11
20-09-2011, 09:58 PM
|
|||
|
|||
|
استاذي العزيز الرجولة موقف والموقف قد لا يتكرر الا نادرا في حياتنا وخاصة اذا كان موقف يحتاج الي رجال بمعني الكلمة وانني من خلال قراء ة موضوعك الممتاز اري انكم تصرفتم بمعني كلمة الرجولة ...
اعزرني انني سوف اعرض لحضرتك موقف شبية بذلك حدث اليوم بمدرستي ا_ التي اعمل بها بالتعاقد حتي الان منذ2008 - _اضراب في البدايه وجدنا ترحيب من المدرسين الاساسيين ولكن عندما علموا بان ناظر المدرسة الحاصل علي دبلوم المعلمين ونجح في الكادر دو ر ثاني بانة يكتب مذكرة للشؤن القانونية باسماء من هم مضربون عن العمل ففؤجئت بانسحاب المدرسين الاساسيين وتركونا نحن الذين تمسكنا بقرارنا هما كلفنا ذلك ....وقد حدث في ذلك الوقت بان الموضوع تصعد علي مستوي الادارة التعليمية ...وقمنا بالاتصال ببعضنا البعض والمدارس الاخري وتوجهنا للاضراب امام الادارة التعليمية واجبرنا مدير الادارة علي ارسال فا ** للوزير بمطالبنا وسوف نظل حتي يستجاب لنا .....اسيوط - ادارة الغنايم التعليمية
|
|
#12
20-09-2011, 09:59 PM
|
|||
|
|||
|
رجالة والله وربنا يحميكم
وكلنا رجل واحد ايد واحده
|
|
#14
20-09-2011, 10:04 PM
|
|||
|
|||
|
استاذي العزيز الرجولة موقف والموقف قد لا يتكرر الا نادرا في حياتنا وخاصة اذا كان موقف يحتاج الي رجال بمعني الكلمة وانني من خلال قراء ة موضوعك الممتاز اري انكم تصرفتم بمعني كلمة الرجولة ...
اعزرني انني سوف اعرض لحضرتك موقف شبية بذلك حدث اليوم بمدرستي ا_ التي اعمل بها بالتعاقد حتي الان منذ2008 - _اضراب في البدايه وجدنا ترحيب من المدرسين الاساسيين ولكن عندما علموا بان ناظر المدرسة الحاصل علي دبلوم المعلمين ونجح في الكادر دو ر ثاني بانة يكتب مذكرة للشؤن القانونية باسماء من هم مضربون عن العمل ففؤجئت بانسحاب المدرسين الاساسيين وتركونا نحن الذين تمسكنا بقرارنا هما كلفنا ذلك ....وقد حدث في ذلك الوقت بان الموضوع تصعد علي مستوي الادارة التعليمية ...وقمنا بالاتصال ببعضنا البعض والمدارس الاخري وتوجهنا للاضراب امام الادارة التعليمية واجبرنا مدير الادارة علي ارسال فا ** للوزير بمطالبنا وسوف نظل حتي يستجاب لنا .....اسيوط - ادارة الغنايم التعليمية
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:16 AM.
