كيف تصبح الأول علي الثانوية العامة ( الجزء الثاني)

[Farawlla]

ودا الجزء الثاني

نيجي للانجلش طبعا انتي حفزتي الاساسيات طبعا لما ترجعي من الدرسس تذاكري اليونت مثلا من ملزمة المستر ولو مش عامل تجيبي كتاب خارجي هو يقول عليه ولو مش قال هاتي كتاب اسمه توب ستيودنت وذاكري منه هو صعب شوية بس يضمن لك الامتحان

وبعدها تجيبي كتب المدرسة كتاب الشرح طبعا المذاكرة منه صعبه بس تحلي وتقراي كدا وتحاولي تحلي الاسئلة وتفكري بصي لو مش عايزة نفضي هو مش مهم اوي بس كنت بحله علشان ابقي مش سايبه اي ثغرة بس الكتب الخارجية بتغطيه يعني مش هتحتاجيه اوي بعدها والاهم تحلي الورك بوك علي اليونت طبعا زي الفرناوي اي حاجة جديدة كلمة موقف سؤال امتحنتي وحاجة طلعت غلط اكتبيها ونراجع الكشاكيل الي بنعملها دي بعد مذاكرة كل درس و لو فاضين نقراها صح يا جميل في الاخر لما تخليصي وانتي بتراجعي حلي الدليل و لو فضيتي هاتي التوقعات المرئية حلوة اوي عارفة ليه بس دا في الانجلش والفرنساوي بس بصي الانجلش اسئلة واكتخانات كتير حلوة اوي ومتجاوبة يعني لما تقفلي المدة تحليه يبقي انيت قفلتي كل حاجة في المراجعة وفي الفرناوي امتحانات كتير ومحلولة زي ما قلت كدا
نيجي للكيمياء علي فكرة انا مش سبتها في الاخر علشان هي صعبة ولا حاجة دي حاجة جت كدا حظ معايا بصي يا بنتي طبعا الاساسيات و لما تروحي لو المستر عاملة ملزمة تذاكري منها مش عامل مش مهم كتاب المدرسة اجمل كتاب شرح ممكن تذاكري منه واسالي اي حد اناي المستر بتاعي كان عامل كتاب شرح حلو كنت بذاكر منه وبعد ما تذاكري تحلي من كتاب الامتحان طبعا دا الاول لانه كتاب محلول و اي اسئلة المستر بتاعك يديهالك تحليها وكدا وفي الاخر طبعا بنحل الدليل في المراجعةو لو خلصتي كل دا وعايزة حاجة تحليها حلي منه كتاب اسمه مندليف


بصي كدا خلصنا المواد اوعي تقولي ايه الكلام الكتير دا لا يا بنتي دا مش كتير بس علشان انا رغاية انا قلت نفس الكلام لواحدة قريبتي و كانت بصي هتموت وطمنتها بصي يا بنتي القلق دا اغبي حاجة مش اقصد والله اشتم بس بفهمك اصل انا كنت غبية برضوا بصي من الاخر الي بيعيشوا اللحظة اصل انا في ثانوية عامة وبتاع دول الي مش بينفعوا دي سنة زي اي سنة واقسم بالله بالعكس دي اسهل سنة المواد مش صعبة عادية خالص وربنا هتيجي وانتي بتراجعي تقولي ايه التفاهة دي

بصي يا بنتي في اساسيات وانتي بتذاكري خليكي عادية بصي استمتعي بالمذاكرة لانها ممتعة بصي انا الحاجات الي هقولها دي قراتها في كتب وكدا بصي قبل ما تذاكري درس جهزي نفسك ازاي قولي مثلا درس عندك اسمه العدلو قولي لنفسك انا لازم اعرف يعني ايه عدل وليه بيبقي فيه عدل الاسئلة دي بتساليها لنفسك علشان تبقي متحمسة تذاكري وتفهمي الدرس و تحبيه بس الدروس وربنا حلوة اوي وسهلة اوووووووووووووووي

بصي من الاخر زي ما قلت التوتر والقلق والخوف الاكتئاب تخلف مش بشتم بس بوضح ليه انتي خايفة تقولي الدرس صعب وانتي ايش عرفك انتي كنت ذاكرتيه وبعدين لازم يكون صعب ماهي حاجة اول مرة تعرفيه بس دا في الاول يعني في اي سمنة مثلا اكيد في درس لقتيه صعب واستنيتي شوية و بعدها ذاكرتيه وبقي سهل بس دي دروس الثانوية و اهم النصائح تحلي بعد ما تخلصي المنهج امتخانات الثانوية العامة و بالنسبة بقي لشوية ملاحظات صغيرة دي صغيرة بس مهمة وحلوة والله يا بنتي انا بقولك كل حاجة بما يرضي الله علشان كنت زيك وفي بنت من عالنت ربنا يكرمها يا رب ساعتدني علشان كدا انا والله بساعد اي حد وانتي برضوا بصي هنصحك نصيحة اخت والله يا بنتي مساعدة الناس دي اجمل حاجة ربنا بيكرمك في اي حاجة زي مثلا واحدة صحبتك بتقولك مثلا مش فاهمة دي او انها زيك قلقانه قوليلها الي انا قلته ليكي دا وطمنيها و اهم حاجة توفيق الله انتي عارفة في ناس مثلا بيذاكروا كتير اوي بس بيجيبوا نتايج زفت عارفة واحدة منهم اعرفها جاية حاجة وتمنين عارفة تتخليلي انها يوم ما نصحتني قالتلي اياكي تقولي حاجة لاي واحدة من اصحابك قلتها ربنا هيحاسبني وربنا لو عايز يوصلها المعلومة من غيري او من غير اي حدهيوصلهالها دا بالعكس دا ربنا بيخليني سبب علشان اكسب فيها ثواب ويكرمني في دراستي

بعد كدا اهم حاجة تقطي صلتك باي حاجة تشغلك عن المذاكرة يعني حاجة تافهة يعني مثلا الوباء الي بيقع فيه كل كلاب الثانوية الا من رحم ربي الحب والكلام الفاضي سيبك من اي كلام زي دا عارفة ليه اصل كل ددا حاجات ربنا بيغضب علي الي بيعملها طب ازاي ربنا هيكرمك وانتي بتغضبيه والاغاني والكلام الفاضي دا وطبعا انتي بتسالي مفيش ترفيه لا بالعكس دا الترفيه اهم من المذاكرة ههههههه مش اوي دا انا بهزر يعني انتي في الاول بتذاكري الي بتاخديه خلصتيه والدرس ثبت يبقي افراج اعملي الي انتي عايزاه بس حاجة حلوة يعني ساعات اتفرج علي فيلم او مسلسل محترم او اخرج عن قرايبي وكددا و خلي مثلا كل كام شهر يوم تتفسحي فيه علي مزاجك بس علي شرط يكون مش يطغي علي المذاكرة يعني مش تقولي بكره هخرج وانتي عندك مثلا امتحان ومش مذاكرة لا خلصي واخرجي او هلي الفسحة دي جائزة لنفسك لو مثلا حبتي الدرجة النهائية في امتحان وكل الامتحان حطي في دماغك تجيبي فيها درجة حلوة(النهائية) ههه يعني مش تنجي وتقولي دي حلوة معلشي انا رغاية بس عايزة اقولك ادق التفاضيل علشان تطمني ربنا يوفقك يا رب