ما نفعل الان ؟ سؤال برجاء الكل يعطينى رد حتى مشرفى المنتدى

[مدحت عمر]

معلم متعاقد / مدحت عمر الفاروق
مدرس حاسب الى بمعهد الصحابة الابتدائى الازهريى بجرجا التابع لمنطقة سوهاج الازهرية
مضرب حتى الان وحدى فى المعهد والان تقريبا اصبحت وحدى فى المدينة باكملها و لعلى وحدى على مستوى المحافظة
بدأ الاهتمام بى شخصيا من المنطقة بالسؤال عنى يوميا هل انا مضرب ام لا ناظر المعهد بيكرهنى لله فى لله هو دايما يقول كده انا شاب متزوج حديثا وملتزم وملتحى ولا انتى لا طائفه من الطوائف المهم يرسل تقريبا يوميا مذكرات فى ويحرض الموجهين على ويشكونى دائما الى الادارة التفتيش والناس متفهمه وعرفوا انه كاذب ويكرهنى وعلشان كده بينوموا المذكرات دى وعلشان كده ده دفعه ان يبعت مذكرات على المنطقة على طول بدون الرجوع الى الادارة ولكنها تعود لعدم اعتمادها من الادارة ودائما يقول انه لا يريدنى فى المعهد ويقول وانه سوف يمشنى ويجب واحد غيرى اصله معهد ..... المهم الامر الان اننى المضرب الوحيد عن العمل ولا اجد من يساندنى بالمعهد لا اساسى ولا متعاقد حتى الجدول بيطلع اسوء جدول فى المعهد علشان افضل متواجد طوال اليوم فى المعهد
ما رايكم فى الاضراب
وما رأيكم فى معاملة الناظر لى وهى اسوء مما اقول والله على ما اقول شهيد
وهل سوف يستمر الاضراب ام سوف تنتهى المسألة عند هذا الحد وماذا تقترحوا على ان افعل وانا من اشد المحتاجين الى التثبيت ورفع الراتب

[mr_maro]

بصراحة معرفش ايه افضل حاجة انصح حضرتك بيها
لكن الافضل تفض الاعتصام حتي يصبحهناك موقف جماعى ومتكنش بمفردك حتي لا ينفرد بك مدير المعهد

[ا/ وليد ابوخزيم]

حسبنا الله ونعم الوكيل
الازهر الذى دائما فيه تتلى ايات الله ........ اصبح مكانا للظلم والاضطهاد والواسطه والمحسوبيه ... قصة احد زملائنا الذى كان يعمل بجد واجتهاد بل انه كان يبتكر فى التعليم ويبذل قصارى جهدة لكى يرقى مستوى الطلاب فكريا وثقافيا وعلميا واخلاقيا يحترم كل الناس ويعامل طلابه على انهم كبار ...... يدربهم على الراى والراى الاخر حتى انه عمل لهم مجله لكى يبدوا فيها ارائهم وافكارهم ..... ثم يعصف بكل ذلك قرار من الموجه العام بندبه الى معهد ابتدائى بحجة سد العجز ( الذى خلقه هو بنقله لاناس اخرين ) فما كان من هذا الاخ المدرس الا ان رفض القرار ( فجاءة اخلاء ادارى ) مكث حوالى اسبوع فى المنطقه لم يذهب ..... لم يقدروا انهم هدموا البناء الذى اقامه والفكر الذى كان يريد ان ينشرة بين الطلبه لم يقدر ذلك احد ......... تم التحقيق معه واخذ خمسة ايام جزاء ..................... هذا جزاء كل من يخلص فى عمله فى الازهر .......... خلاصة الامر انهم اجهزوا وقتلوا تلك الروح التى كانت فى هذا المعلم جعلوة بلا روح يدرس وهو كارة ............... حسبنا الله ونعم الوكيل

[مسيو إيهاب]

استاذى الفاضل
اعلم انك تعلم فى مؤسسة يحكمها أغبياء وشويه حرامية
وليس كما كنا نتصور
فأقبل تصويرى
فكلهم منافقين وحراميه

[mohamed2fox]

لا يزيد هذا الكلام الشخص إلا بؤس ونقما على الازهر الى كل من يعمل بالازهر خد حقك اولا بالحرص على عملك والالتزام بحصصك ثم بعد ذلك بلسانك الطويل وقلة أدبك

وان زاد عن كدة مفيش مانع طبعا هتطلع اصوات دة مش كلام يطلع من مدرس آسف هذا هو الواقع وفى الآخر بردة مش هتاخد حقك فى الازهر انا بمهزرش دة للاسف حقيقى

عايز تاخد حقك فى الازهر لازم تكون مبسوط وترش مفيش مانع فطار للشيخ ولا كبابة وشاى ويا سلام سيجارة ولا نكتة حلوة

طبعا لا يسرى هذا على الكل بس لو قارفك حد فى الازهر هو دة الحل أكيد

[محمود الحماحمى]

المضرب له طلبات ايه طلباتك عاوز تتنقل عاوز تاخد حصتين وتمشى قانونا تقعد من أول اليوم لأخره كل الى حضرتك قولته انه مستقصدك وانت ملتزم ومضرب هو لما الناظر يستقصدك تضرب على كده المتعاقدين كلهم هيضربوا فيه الف حل انك تزعله فكر وركز وسيبك من الاضراب ده

[ياسر محمد المقدم]

يا أخى لما تعمل اضراب لوحدك يبقى انت كده هتضر نفسك ،فأرجوك أوقف اضرابك فوراً،واذا لم يكن معك جماعة تشارك معك فى الاضراب فلا تقم به ،واصبر ومسيرك تاخد حقك

[مدحت عمر]

برجاء اريد ان اعرف ايه الحل الان مش هنعمل اضراب وضاع حقنا وضاع كل حاجة وكل امل فى اننا نتثبت
وطيب وبعدين حد يرد عليا ارجوكم
وانا شاكر جدا لكل من رد والف شكر لكم جميع ولمن سوف يرد