انا مش معاكم

[zatoon]

يارب اني أشهدك أني بريء من الاضراب عن التدريس في الفصول...وأشهدك أني احاول تغيير ما أراه منكرا بلساني وبقلبي لعجزي أن أرده بيدي
يا زملائي الأعزاء:
انظروا الى مابعد اضرابكم...الأموال التي ستورها الدولة حالا_ إن وفرتها - ستكون على حساب مساكين هذا البلد وليس أغنيائها - نظرة المجتمع لكم لن تكون إجلالا بل احتقارا - ستظهرون بمظهر الجشع - ان كنتم تريدون الشرف لاضرابكم فليكن عن الدروس الخصوصية حتى لا يتضرر الغلابة الذين لايستطيعون دفع تكاليف الدروس فيعتمدون على الفصل - نظموا مجموعات مدرسية مجانية بعد وقت المدرسة ان كنتم تريدون المصلحة فعلا
بالله عليكم هل امتنعتم عن الدروس؟؟؟؟ بالله عليكم أليس من بينكم من يستمتع بالاضراب لأنه فرصة للراحة قبل الدروس أو استغلالا لهلع الناس لرفع الفاتورة
والله انا مدرس واضرابكم قد يفيدني ماديا لكني مش مبسوط ولا هفرح بالزيادة - ان حصلت -لأن بلدنا والله في خطر....المسألة مش لعبة ياخوانا....ومتقولوش عليا فلول وافتكروا انكم في يوم من الايام مكنتوش بتبدأوا العام الدراسي الا بذكر انجازات مبارك وده بالنشرات الرسمية

[elmester3]

.ومتقولوش عليا فلول وافتكروا انكم في يوم من الايام مكنتوش بتبدأوا العام الدراسي الا بذكر انجازات مبارك وده بالنشرات الرسمية

مفيش مدرس فى التربية والتعليم ذكر لة انجازات ابدا
وحضرتك ما قولتش الكلام دة لية على اضراب الشرطة والبنوك والاطباء والكهرباء والضرايب ولا احنا ولا البطة السودة يعنى
الخطر اللى حضرتك بتقول علية اننا نخلى التعليم فى غيبوبة زى ما امريكا واسرائيل عاوزة
اصحوا يا بشر

[omomar2000]

الكلام بتاع حضرتك ده كلام انشا ينفع يتكتب ف موضوع تعبير

[لوجين20]

للاسف احنا مش محتاجين نسمع صوت الحكمة دلوقتى
احنا وصلنا لمرحلة ماينفعش فيها تراجع
هانكمل ياشباب عشان تعليمنا يبقى افضل

[معلم بحراوي]

انت حر في رايك متفرضوش علينا
العملية مش ناقصة

[magdymhdy]

لما انت كده قلبك على البلد طيب بطل تاخد فلوس الدروس من الناس الغلابة وارحمهم وارحمنا من رأيك المتخاذل ويستحسن خليك في بيتكم لغاية ما نحصل على حقوقنا ولو راجل قول انا مش هاخد بلاش النعره الكدابة دي احنا خلاص كرهنا كدابين الزفة

[كتكوت الامير 10]

البلد بها فلوس وذهب يستخرج كل يوم وكل صباح يعدي المليار اين تذهب الله اعلم والاضراب في مصلحة الحكومة عشان الشعب يتلهي شوية ومايتكلمش

[شبرمة]

عرفناك ريحتك الوحشه فضحتك وكشفت هويتك انت من الاخوان المفسدين المنافقين ال بعد ما نجح عدد كبير منهم بالنقابة خدعونا و امتنعو عن الاضراب مع زملائهم استجابة لاءوامر مرشدكم المنافق الكذاب ال قال قبل كده طظ في مصر والمصريين ولكن اعلم ايها المنافق وقل هذا الكلام لمرشدك نحن مليون ونصف من المعلمين الشرفاء سنقف لكم بالمرصاد ونكون ضدكم في اي انتخابات قادمه سواء مجلس شعب او شوري اونقابات يامنافقين يامن تستترون خلف الدين والدين منكم براءواحنا عرفين ال بتعملوه الا ن ضد المعلمين لمجاملة المسئولين عشان الانتخابات القادمة واحنا حنكون ضدكم فيها وربنا ينتقم منكم ويصلط عليكم امن الدولة مرة اخري عشان يربوكم -قال الله تعالي ان المنافقين في الدرك الاسفل من النار ولن تجد لهم نصيرا -صدق الله العظيم

[أحمد على فارس]

صعبان عليك الغلابة طيب مالمعلمين غلابة وبعدين ليه يخدوا من الغلابة بدل ما تقول للغلابة حرام عليكم قول للمستشارين اللى بيقبضوا ملايين حرام عليكم الغلابة ومش عايز تعمل أضراب برحتك شيل المدرسة لوحدك وبعدين هيدولك جايزة المعلم المثالى

[كتكوت الامير 10]

الاخوان الفتنة والخداع والنفاق منهم للله

[ayman24279]

يا أجهل زمانك أتطلب من المقتول القصاص تاركا القاتل أتطلب من الفقير الصبر على نهب ماله وتعظمهم وتعلمهم اذهب للحرامية والفاسدين وقل لهم كلامك فالشيطان لا يذهب للخمارة ولكن يذهب للمساجد ليعمل

[عمرو سامي فرحات]

والله يا اخي انا مبقتش فاهم حاجة .... هو المطالبة بالحق ودفع الظلم عن الانسان بقى منكر وسيادتك عاوز تغيره لا يا سيدي متشكرين لحضرتك وزي ما سيادتك وطني كدا وبدافع عن الغلابة اعرف ان احنا اغلب الناس ولو في انسان يقدر يفتح بين ويعيش بـ 400 جنيه في العالم كله احنا موفقين على منع الاضراب

وحسبي الله ونعم الوكيل في اللى يتهمنا اتهام باطل

[ayman24279]

لكي يتعلم الجميع أن يقولوا الحق يجب أن يتعلموا سماعه

[Tamer Reda]

ياأخى أنا مش هرد عليك ربنا يسمحك

[omahmed123]

وما نيل المطالب بالتمنى ولكن تؤخذ الدنيا بالدراع......................