هذا هو العقل

[aminvip]

أولا:- الحمد لله والصلاة والسلام علي رسول الله

ثانيا :- أنا لست من الفلول ولا من أم الخلول ولا أنتمي الي اي حزب أو فصيل سياسي وكمان مبحبش السياسة بحس انها كلها كذب وتدليس للحقائق والواقع

ثالثا :- أنا معلم تعيين 1/7/2011 وكادر 1/4/2011 ومعلم مساعد5/10/2008 وأول عقد 8/10/2006 محافظة البحيرة يعني طلع عيني زيكو والحمد لله هههههه

رابعا :- أرجو من حضراتكم الصبررررررررررررررر وكم صبرنا سابقا البلد بجد في عنق زجاجة وربنا يسترها علي الجميع بجد متعرفش مين الصح ومين الغلط مين بيقول الحق ومين بيقول الباطل

خامسا :- بالنسبة للحافز الجديد بتاع رئيس الوزراء برضو محتاج الصبررررررررررررررر عشان منقعدش نحسب وفي الاخر تحدث الصدمة المعتادة والمعهودة وإن غدا لناظرة لقريب خلال ايام بسيطة سوف تتضح الصورة وكل واحد هيعرف هياخد كام بالظبط ولكن الصبرررررررررررررررررر

سادسا :- بجد والله العظيم كلام من العقل المرتب بجد بدأ يتحسن تحسن واضح إحنا كنا فين وأصبحنا فين من 105 في الشهر الي 597 في الشهر وفي عام 2011 فقط من 310 الي 597 اي يوجد تطور واضح جدا في الزيادة والجاي احسن

سابعا :- أيوة أيوة أنا عارف انك بتقول عليا دلوقتي كلام مش كويس أيوة أنت يالي بتقراء الموضوع عاوز أقولك أنا ..... لا والله أنا زي زيكم ولا أفرق عنكم بل أنا أحقركم في الدنيا

ثامنا :- أقولها وبصوت عالي جدا تكاد تسمعة كل الخلائق مطالب المعلمين مشروعة 100% ولا أحد عاقل يستطيع ان ينكر هذا علي وجة الارض ولكن السؤال هو . هل يصح ما يحدث من أفضل فصيل في أي مجتع( المعلمين ) الآن ؟ وفي هذة الفترة الصعبة علي بلدنا كلها ياجماعة أتظلمنا سنين وعاوزين نغير في يوم حرااااااااااااااااااااااااام

تاسعا :- كل ما أرجوة في نهاية هذة الفضفضة أن نفتح قلوبنا وعقولنا لصوت العقل ونعمل بكل جد وجهد حتي تحيا بلدنا العزيز مرة أخري ونطالب بكل حقوقنا وبقوة شديدة حيث قال الله عز وجل ( خذ الكتاب بقوة ) ( وخذو ما أتينكم بقوة ) وأعرف أن تفسير هذة الايات لا يمد للموضوع بأي صله ولكنها خواطر من جاهل


عاشرا :- علي فكرة الشيخ محمد حسان وهذا رجل لم يختلف علية أحد في مصر كلها بل في الوطن العربي والاسلامي خرج علي قناة الرحمة وحرم الاضراب والاعتصام وقال حرام شرعا وقال الغاية لا تبرر الوسيلة حتي ولو كانت الوسيلة مشروعة والغاية مشروعة ولكن نطالب بطرق أكثر حنكة وتمدن وإمتحانات نصف العام والثانوية العامة ليست منكم ببعيد


شكرا لحضراتكم وآسف علي الاطاله أرجو أن أسمع آرائكم وفي كل الاحوال من وافق ومن عارض كلهم لهم كل التقدير والاحترام أخوكم أمين أحمد