|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
15-10-2011, 09:20 PM
|
||||
|
||||
لا......... للردود السطحيه!!!ونعم ....للردود المفيده!!!
لا......... للردود السطحيه!!!ونعم ....للردود المفيده!!! في ظاهره في جميع المنتديات والحمد لله احنا اقل نسبه من الموضوع ده!! وهي ظاهره الرد من غير نفس!!! ـــــــــــــــــــــــــــ ــــــــــــــــــــــ او الرد لمجرد الرد !! ـــــــــــــــــــــــــــ ــ او الرد لزياده عدد المشاركات وبس!! ـــــــــــــــــــــــــــ ــــــــــــــــــــــــ اه انا شايف ان دي ظاهره!!! في بعض المنتديات لازم تضع رد عشان يظهر المحتوي!!! لكن هنا في منتدانا (بوابة الثانوية العامة) جميع الروابط وجميع المواضيع بلا استثناء متاحه امام لجميع الاعضاء فمفيش داعي ابدا لرد غير مفيد للموضوع!! المفروض ان المشاركه يبقي لها اضافه للموضوع. وصدقني موضوع فيه 10 ردود مفيده احسن من 1000 رد مالوش معني!!! انا بشوف مواضيع في غايه الاهميه وفيها مجالات كتير للمناقشه ومواضيع تمسني وتمسك وتمس مجتمعنا ودينا وللاسف في بعض الردود اللي تقلل من شان الموضوع وتحبط كاتب الموضوع وكلمه شكرا مش سيئه بالعكس دي كلمه جميله بس تبقي اجمل واحسن لما تكون بعد تعليقك ورايك بمنتهي الصراحه (مش الوقاحه) انا من اشد المعارضين لطريقه الرد بكلمه(مشكوووووووووو ر- شكرا - نايس توبيك _ .او يعمل كوبي بست لرد معين ..... الخ) وان كنت عملت كده فده كان فى بداية معرفتى بالمنتدى مشاركتك لازم تبقي مفيده ليك ولكاتب الموضوع وللقاريء وليها معني وفي صلب الموضوع. انت تشكره فعلا بانك تقراء الموضوع وتستفاد منه وتكتبله انت استفدت ايه او اتعلمت ايه والموضوع اثر فيك وللا لا ولو شايف معلومه غير صحيحه وضحها باسلوب مهذب ولو عندك اضافه اكتبها وبدون تردد وصدقني ده مش يزعل كاتب الموضوع في شيء انك تصححله معلومه او تظبط له تاريخ او تصحح حديث شريف او ايه قرانيه او او او. لان الموضوع مش سلعه وهو بيكتب الموضوع مش عشان اي مقابل مادي لكن هو بيجتهد ويبحث ويكتب عشان انت تستفيد وتعم الفايده فابلاضافه بتاعتك للموضوع انت بكده بتحطايدك في ايده عشان الرساله توصل كامله. ووالله انا ببقي سعيد جدا لما الاقي في احد موضوعاتي راي مخالف وصحيح واخ اواخت بيعدل معلومه ويصححها لي وياسلام بقي لما يكون في اختلاف في وجهات النظر ويبقي في مناقشه كده فعلا كاتب الموضوع بيحس ان مجهوده وتعبه ووقته مضاعش ويتشجع يبحث ويدور علي مواضيع احسن واجمل ويبقي في حماس وحافز عشان يعمل مواضيع تانيه وتالته. ياريت كل اللي يقراء الموضوع يبتدي يطبق الكلام ده عشان نبقي فعلا علي مستوي عالي من الفكر ويبقي لينا شخصيتنا المستقله ونعود نفسنا علي المناقشه الجاده في كل امور حياتنا يارب مكونش طولت عليكم و اسف على الازعاج ولمن يختلف معى فى الراى اقول له باسما لكم ارائكم ولى اراء والحياة ظلال واضواء
..........................محمد صبحى...................... 
|
|
#2
15-10-2011, 09:51 PM
|
||||
|
||||
والله العظيم حضرتك بتعمل مواضيع جامدة جدا جدا
وانا بحترم الكلام ده فعلا.......وعندك حق فى كل حرف انت قولته لان الكلام ده انا بشوفه كتير فى المنتديات التانية وانا من الناس اللى اتعرضت لموضوع نسخ المشاركة انا استغربت ليه الشخص دا عمل كده....... مش معقول مش قادر يفكر فى كلمة من عنده يقولها تسلم على الموضوع الجميل.........جزاك الله كل خير
|
|
#3
15-10-2011, 11:34 PM
|
|||
|
|||
|
مشكوووووووووو ر- شكرا - نايس توبيك _ .او يعمل كوبي بست لرد معين ..... الخ
|
|
#4
16-10-2011, 10:16 AM
|
|||
|
|||
|
عندك حق فى كل ضغطة كيبورد عملتها
 بس فيه ناس بتكتب كده عشان تزود عدد المشاركات بس يعنى كان فيه موضوع واحد بيسئل مش عارف على مين واحد تايه تقريبا دخل واحد تانى بيقوله شكرا  اكيد الراجل ده مقراش الموضوع اصلا
__________________
_اصعب الاشياء اسهلها حينما تؤمن بامكانيتها_
|
|
#5
17-10-2011, 06:28 PM
|
||||
|
||||
|
طلب من القائمين على المنتدى بتثبيت هذا الموضوع للاهمية
حتى نرنتقى بمنتدانا ونحلق به عاليا فى الافاق بجوار المنتديات الكبرى وحتى نساهم فى بناء عقلية الشباب بعد ثورة 25 يناير وحتى نتجنب أفة الاعلام المصرى اللى مش عنده حاجة يقولها غير فلول وحتى نرفع شعار ماتقوليش فلول قولى حلول واذا كنتو مش هتثبتوا الموضوع قولولى ليه مثلا موضوع مكرر اوسطحى
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:33 AM.
