الى كل من اكمل ثلاث سنوات فى محافظة القاهرة

[سامح مجدى]

الى كل من اكمل ثلاث سنوات فى محافظة القاهرة ارجو منكم الانضمام الى حيث انة تم تعيين كل من امضى ثلات سنوات فى كل المحافظات عدا محافظة القاهرة الى الان لم يتم اى شىء رجاء منكم المشاركة معى وتحديد يوم نذهب فية الى المديرية او الوزارة ونطالب بحقوقنا لانة من الواضح الان ان اللى مايسألش عن حقة مش هياخدة المشكلة انى مش عارف حد من اللى كمل ثلات سنين انا من ادارة عين شمس واعمل بالمكافاة الشاملة من ثلاث سنين ومعاى تربوى ومعاى اى سى دى ال
ارجو منكم المشاركة بالرد ونحدد ميعاد نتقابل فية ونعرض مشكلتنا فى المديرية او لمكتب الوزير وشكرا

[Amr 82]

مكافاة شامله ده تعاقد عادى ولا مميز

[biba200577]

مكافأةة شاملة يعنى تعاقد عادى يعنى 120 جنيه

[ساندرا تامر]

ماهى دية اللمشكلة الى بقالى زمن بتكلم فيها لو انت موجود منذ قانون 155 لسنة 2007 وموهل عالى كان لازم يتعملك عقد مميزمن سعتها والادارة نسيتك وطبعا انت مش امين معمل لان ما فيش حد من امناء المعامل تم التعاقد معة على وظيفة معلم مساعد واعتفد ان قانون 75 لسنة 2011 يتم تحويلك على معلم مساعد مش معلم فارجو فعلالالالالالالالالالالالالالالا نتحرك لازم ناخد حقنا

[peter_F_w2004]

انا بقالي 4 سنين بالعقد في محافظة القاهرة عقد عادي ولا يوجد اي جديد ياريت نتحرك ونشوف حل

[سامح مجدى]

اولا بشكركم على الرد بالنسبة لمن يسأل عن تعاقد عادى ولا مميز هو تعاقد عادى بس احنا بنقبض 493جنية فى القاهرة ..........
عاوز اقول لساندرا ان انا اتعاقدت سنة 2008 مدرس حاسب الى مش 2007 بس كدة مر ثلاث سنين وانا قبضت ثلاث مكافات يار ريت لو ساندرا وبيتر نفس المشكلة نحاول نجمع اكبر عدد ممكن ليهم نفس المشكلة ونحدد ميعاد ونروح الوزارة ودا لان فى كل المحافظات طبقوا نظام ان كل من قبض ثلاث مكافات فهو يعتبر عدى ثلاث سنين وبالتالى تم تثبيتة على الدرجة الثالثة التخصصية معلم مساعد حتى الحصة اللى كانوا بيشتغلوا فى ايام المدراس فقط والصيف لا

وشكرا لتعبكم

[peter_F_w2004]

هو يظهر ان مدرسين الحاسب الالي بس هما اللي عندهم المشكلة ديه ولا ايه!!!!!!!!
انا مدرس حاسب الي تعاقد 2008 ادارة المرج
لو هاترحوا انا معاكوا ياسامح

[ساندرا تامر]

بصوا يا جماعة الموضوع دة انا بقالى ماشية فية سنتين فى الوزارة وانا واثقة ان لا يضيع حق وراءه مطالب وفى الشئون القانونية قالى لو اخذتى حق واتنفذ هيفتح الباب لناس كتيرة بعدك يارب الموضوع يخلص وان شاء اله خير وعلى فكرة انا قبضت 6 مكافات امتحانات

[سامح مجدى]

بيتر انا اسف ان انا اخرت فى الرد لان النت كان فاصل بس عاوز اقولك ان كان نفسى يتجمع معانا اكبر عدد ممكن من اللى كمل ثلات سنوات لان العدد مطلوب والمشكلة ان انا فى ادارة عين شمس ماعرفش حد بصراحة وكمان لما بنسأل فى الادارة بيقوللنا انهم مش عارفين حاجة وماجتش اى نشرة ليهم والواحد صراحة زهق ويئس وصدقنى انا وصلت لحالة نفسية وحشة من الموضوع دة فيا ريت لو تعرف حد يشارك معانا ونروح وعاوز اقولك هو انت فى الادارة بتعتك قالولك اية على الموضوع دة

[nabamhamed]

ليه محافظ القاهرة بطنش كدة

[peter_F_w2004]

بص ياسامح انا سالت في الادارة مايعرفوش حاجة وقالوا لي مفيش حاجة جت , سالت في المديرية قالوا لي احنا الاسماء جاهزة عندنا بس مستنين الوزارة تبعت تاخد الاسامي ونص ساعة تكون وصلت ليهم الاسامي , فيه ناس سالت في الوزارة قالت ان المشكلة ديه في المديرية وهما مالهمش دعوة .
وكله بيرمي علي كله واحنا تايهين في الوسط ومحدش عارف حاجة والواحد بقي مش عارف يعمل ايه؟!!!!!!!!!!!!!!!!!!!