لا تبكي علي الشعر المنكوش (عندي حل مناسب )

[طـير الجنة]

السلام عليكم ورحمه الله وبركاته

عاملين ايه ياحلوين

مين فينا معندهاش ف شعرها مشكله الي ناعم يبقا خفيف ولو تقيل يبقا مجعد ولو تقيل وناعم يبقا مقصف او قشره او اواو م الاخر ماشوفتش حد كامل يارب اشوف

انهارده معايا حل معقول للي شعرها ناعم بس مموج وهياش ودي اغلب نوعيه منتشره عندنا

لما بتخرجي من تحت الشاور بيبقا كده

لكن لو سبتيه ينفش بيبقا كده

وياسلام لو عملتيه سيشوار بيبقا كده

لكن مافيش نص ساعه وبتلاقيه كده

طب وبعدين بقا هنقعد نعيط علي شعرنا الي مبوخ شكلنا ولا نشغل الفوكيره

دلوقتي انا جايبالكم انهارده دوامه جديده لانج وعايزه حقوق ملكيه فكريه عليها كمان

انتي عادي جدي تقسمي شعرك نصين خدي او نص سرحيه كلو علي قدام وبتوكه صوغيره امسكيه والنص التاني برضو تسرحيه علي قدام وتلفيه بتوكه
يبقا الشكل سوري ياعني كانك بقرنين
وبعد كده خدي اليمين ع الشمال والشمال ع اليمين اكس ياعني زثبتيه بدبابيس

واحده هتقولي ويه الجديد ماحنا كنا بنلمه كلو لقدام وبناخده اكس
لا انا هاقولك
دلوقتي اللفه دي مناسبه جدا للي شعرهم قصير او مدرج
لان الي شعرها قصير وتجرب اللفه القديمه هتلاقيه بينفش منها ف النص
وحته اننا نخلي كل نص لوحده دي بتوكه افضل

نصايح علشان تكون الدوامه ليها فايده وماتكونش زي قلتها
* انك تستعملي كريم تقيل زي بالمرز او داكس خصوصا لو شعرك هياش بينيم الشعر جدا وبيرطبه بالمرز ب 28 ف الصيلدليات وداكس ب 30
لو الميزانيه مش متظبطه يبقا استعملي الفازلين بس ده حل مؤقت متكتريش منه علشان ميعملكيش قشره
* بعد ماتلفي الدوامه لفي شعرك بايشارب قطن زي الطرح الاسواني كده لو ناشف شويه ولو لسه مندي لفيه بطرهه من الطرح المخرمه دي علشان ميكمكمش
* لو عرفتي تخلعي الدبابس براحه بعد ماتلفي الطرحه يبقا طبعا افضل
* ماتسيبيش الدوامه اكتر من 4 ساعات علشان لما تفكيها متلاقيش فروه راسك بتوجعك
* اوعي تلفي شعرك وهو مبلول استني عليه ينشف شويه بس مش وهو ناشف خالص لا يبقا مندي كده

اوعي تزعلي علي شعرك ربنا سبحانه وتعالي اكيد معوضك بحاجه تاينه انتي مش واخده بالك منها

يالا شاركوا و لا الموضوع مايستهلش


منقوووووووووووووووووووووول
لعيونكم