طالبات الصف الأول الثانوى

[فلة الصداقة]

السلام عليكم عزيزاتى الطالبات :
يسعدنى أن أقترح عليكم هذا الموضوع والذى نسبة فائدته للجميع كبيرة جدا ان شاء الله .
من المعلوم أن منهج الصف الأول الثانوى به بعض العقبات حيث أن المنهج أصبح كبيرا والمواد الدراسية صارت أكثر اتساعا
لذا أقترح من خلال موضوعى هذا أن نساعد بعضنا نحن الطالبات وذلك من خلال :
ان ترسل الطالبة السؤال الذى يصعب عليها فهمه أو حله فى أى مادة من المواد وتشرح كل طالبة وجهة نظرها فى الحل ومن ثم تختار الطالبة الحل الأقرب والأكثر اقناعا وذلك من خلال كتابة الردود فى الموضوع .
وهكذا نستطيع أن نعاون بعضنا فى حل الأسئلة الصعبة ويمكن أيضا أن نستشير المدرسين الموقرين اللذين فى بوابة الثانوية العامة حتى تعم الفائدة للجميع .
وعسى الله أن يوفقنى ويوفق الجميع .
* وشكرا *

[Dr.Noha Sami]

فكرة جميله وانا معاكى ان شاء الله
وكل سنة وانتو طيبين

[فلة الصداقة]

المشاركة الأصلية كتبت بواسطة صفا2010

فكرة جميله وانا معاكى ان شاء الله
وكل سنة وانتو طيبين

شكرا ليكى يا صفا وربنا يوفقك يا قمر

[Dr.Noha Sami]

[quote=فلة الصداقة;4092446]شكرا ليكى يا صفا وربنا يوفقك يا قمر [/quote

شكرا ياجميل ..ولو في اى اسئله في المنهج عايزة تسأليها انا تحت امرك نساعد بعض ان شاء الله
يارب كله يدخل موضوعك ونفيد بعض بإذن الله

[فلة الصداقة]

[QUOTE=صفا2010;4092825]

المشاركة الأصلية كتبت بواسطة فلة الصداقة

شكرا ليكى يا صفا وربنا يوفقك يا قمر [/quote

شكرا ياجميل ..ولو في اى اسئله في المنهج عايزة تسأليها انا تحت امرك نساعد بعض ان شاء الله
يارب كله يدخل موضوعك ونفيد بعض بإذن الله

متشكرة جدا ياقمر وربنا يخليكى وكل سنة وانتى طيبة وعيد أضحى سعيد وان شاء الله تكون أولى ثانوى سنة تعاون بيننا
وبين كل الطالبات ويارب يوفقك ويوفقنا جميعا وأى أسئلة أنا تحت أمرك .

[طالبةُ التفوقِ]

فكرة حلوة يابنات وانا معاكم ان شاء الله وربنا يوفقنا جميعا يارب وكل بنوتة تحقق امانيها يارب
وياريت نتعرف على بعض الاول لو مش يضايقكم يا بنات

[فلة الصداقة]

المشاركة الأصلية كتبت بواسطة طالبةُ التفوقِ

فكرة حلوة يابنات وانا معاكم ان شاء الله وربنا يوفقنا جميعا يارب وكل بنوتة تحقق امانيها يارب
وياريت نتعرف على بعض الاول لو مش يضايقكم يا بنات

طبعا مش يضاينى أبدا انى أتعرف عليكى وعلى العموم أنا فلة الصداقة وأنا طالبة فى الصف الأول الثانوى ، ومبسوطة كتير
ان فكرتى عجبتك ويارب يوفقك ويوفقنا جميعا ، واى أسئلة أنا فى الخدمة وكمان معانا صديقتنا صفا وان شاء الله الفائدة تعم على الجميع وشكرا أوى .

[Dr.Noha Sami]

نورتينا يا " طالبة التفوق "
وبإذن الله نساعد كلنا بعض
كنت عايزة اسألكوا عاملين ايه في البلاغه؟
انا محتاسه فيها جدا ومش بعرف احل عليها كويس
ياترى انتو زيي ولا انا بس ؟

[فلة الصداقة]

المشاركة الأصلية كتبت بواسطة صفا2010

نورتينا يا " طالبة التفوق "
وبإذن الله نساعد كلنا بعض
كنت عايزة اسألكوا عاملين ايه في البلاغه؟
انا محتاسه فيها جدا ومش بعرف احل عليها كويس
ياترى انتو زيي ولا انا بس ؟

ازيك يا صفا يارب تكونى فى أحسن حال ، بالنسبة للبلاغة فأنا مذاكرة فيهالحد التعبير الحقيقى والمجازى ولسة عايزة ابدأ
فى التشبيه ، لكن عندنا فى النصوص بيكون فى مظاهر الجمال استعارة مكنية و كناية والمجاز المرسل زى نص عنترة والخنساء كدة والمفروض ان احنا هناخد الحاجات دى فى التيرم التانى بالتفصيل وانا بتلغبط فيهم بردوه والمشكلة انى كل ما أسأل على شرحهم يقولولى هناخدهم فى التيرم التانى فياريت لو نقدر نساعد بعض أو نحاول نلاقى ليهم تفسير ، وان شاء الله يكون خير .

[ahmed mosbah]

بارك الله فيكن ، ولكن هل للطلبة مكان معكن هنا فى هذا المشروع العظيم ؟

أنا منتظر الجواب .

وجزاكن الله كل خير وزادنى وإياكم تفوقــــــــــــــــــــا.

[طالبةُ التفوقِ]

المشاركة الأصلية كتبت بواسطة فلة الصداقة

ازيك يا صفا يارب تكونى فى أحسن حال ، بالنسبة للبلاغة فأنا مذاكرة فيهالحد التعبير الحقيقى والمجازى ولسة عايزة ابدأ
فى التشبيه ، لكن عندنا فى النصوص بيكون فى مظاهر الجمال استعارة مكنية و كناية والمجاز المرسل زى نص عنترة والخنساء كدة والمفروض ان احنا هناخد الحاجات دى فى التيرم التانى بالتفصيل وانا بتلغبط فيهم بردوه والمشكلة انى كل ما أسأل على شرحهم يقولولى هناخدهم فى التيرم التانى فياريت لو نقدر نساعد بعض أو نحاول نلاقى ليهم تفسير ، وان شاء الله يكون خير .

ربنا يوفقكم يا بنوتات يارب
أنا الحمد لله بعرفهم شوية بس اوقات بتلخبط فى انواع التشبيه
ولو أى واحدة عندها سؤال ممكن تتفضل تساله واحنا نساعدها لو نعرف
ربنا يوفقنا جميعا يارب

[Dr.Noha Sami]

المشاركة الأصلية كتبت بواسطة فلة الصداقة

ازيك يا صفا يارب تكونى فى أحسن حال ، بالنسبة للبلاغة فأنا مذاكرة فيهالحد التعبير الحقيقى والمجازى ولسة عايزة ابدأ
فى التشبيه ، لكن عندنا فى النصوص بيكون فى مظاهر الجمال استعارة مكنية و كناية والمجاز المرسل زى نص عنترة والخنساء كدة والمفروض ان احنا هناخد الحاجات دى فى التيرم التانى بالتفصيل وانا بتلغبط فيهم بردوه والمشكلة انى كل ما أسأل على شرحهم يقولولى هناخدهم فى التيرم التانى فياريت لو نقدر نساعد بعض أو نحاول نلاقى ليهم تفسير ، وان شاء الله يكون خير .

شكرا ياقمر على ردك
انا مشكلتى لما بييجى بيت شعر مش فاهمه معناه مش ببقى عارفه استخرج منه تعبير مجازى او استخرج المطلوب لانى مش فهماه يعنى مثلا:
عين نوع التشبيه في :
وجاهل مده في جهله ضحكى *** حتى اتته يد فراسه وفم
اذا رأيت نيوب الليث بارزة *** فلا تظنن ان الليث يبتسم
طبعا انا مفهمتش ولا كلمه * ملحوظه : السؤال ده ص 124 في الاضواء رقم 6
وهو متجاوب بس ده مثال يعنى ..
ودى مشكله

[Dr.Noha Sami]

المشاركة الأصلية كتبت بواسطة طالبةُ التفوقِ

ربنا يوفقكم يا بنوتات يارب
أنا الحمد لله بعرفهم شوية بس اوقات بتلخبط فى انواع التشبيه
ولو أى واحدة عندها سؤال ممكن تتفضل تساله واحنا نساعدها لو نعرف
ربنا يوفقنا جميعا يارب

ربنا يوفقنا جميعا بإذن الله ياقمر
وانا في الخدمه في اى سؤال ان شاء الله

[فلة الصداقة]

المشاركة الأصلية كتبت بواسطة ahmed mosbah

بارك الله فيكن ، ولكن هل للطلبة مكان معكن هنا فى هذا المشروع العظيم ؟

أنا منتظر الجواب .

وجزاكن الله كل خير وزادنى وإياكم تفوقــــــــــــــــــــا.

شكرا جدا لمشاركة حضرتك وفى الحقيقة أنا مقدرش اقول الجواب لأنى مش لوحدى فى الفكرة بل معايا أصدقاء ومش ينفع أرد على حضرتك الا اذا اطلعوا على الموضوع وأظهروا رأيهم ، وعلى كل حال شكرا مرة تانية لمشاركتك وأنا سعيدة لأن الفكرة نالت اعجاب حضرتك .

[ahmed mosbah]

جزاكِ الله خيرا على مروركِ الطيب

لقد مر الأصدقاء ولم يبدوا أية آراء

وأنا منتظر منكن أية أسئلة للجواب

عنها ومساعدتكن.....

وأسأل الله التوفيق لى ولكم.....