بقول لكل اللى عاوز يسافر اوعك تسافر

[عاشقه الجنه 29]

انا اتثبت من هنا وسافرت من هنا وندمت بعد ماسفرت لان بجدمفيش احسن من بلدنا وناسها وفى الغربه بتعرف قيمه بلدك بجد وبتحزن كل لما بتحس انك مش بلدك وولادك بعيد عن بلدهم وبيتربوا فى بلد غريبه عنك فى العادات والتقاليد وكل شىء اينعم بتعمل فلوس بس بتضيع اجمل سنين عمرك وانتى مش عايش فى بلدك والغرابه بقى ان المصرى فى الغربه بيبقى حاجه تانيه طبعا للاوحش بيبقى عاوز يدوس عليك عشان يوصل هو وده مش مجرد كلام بس دى تجارب والله انا كتبت الموضوع ده لانى شايفه كل اللى موجود على الموقع او اغلبهم نفسهم يسافروا بقول للكل ربنا يوفقهم واللى عاوز يجرب ويخوض التجربه يجرب وهيندم زى والله

[مستر ماهر2]

كلام جميل
وربنا يهدى

[الصصاروخ]

والله ما عاد لينا مكان هن شف ضاع من عمرنا كم سنة عملت ايه ما عارف تبدا حياتك
عارف الدينا مش فلوس وبس بس علشان تحقق حلمك لازم تتعب ووالعمر بيجري بعد 8 سنين يقولك انت على الدرجة 3
ده عقبالك من ارتقي للدرجة الاولى اكون تباع لوزارة المعشات قصدي الوفيات
يارب اسافر واحج و اموت شهيد في سبيل الله خلاص احنا في ......................................

[أحمد سعيد عبد العظيم]

فعلا السفر شيء مقرف مهين

أنا سافرت البحرين وندمان رغم ان دي كانت أمنية حياتي

[يوسف ا]

قال الامام على رضى الله عنه:
سافر فان فى الاسفار سبع فوائد تفريج هم ، واكتساب معيشة ، وعلم ، وآداب ، وصحبة ماجد
هذه رسالة إلى كل مسافر أن يصبر حتى يقضى الله أمراً كان مفعولا

[ammhhe]

احساس راقى
ومشاعر نبيله
ونصيحه غاليه
وشكرا جزيلا

[عاشقه الجنه 29]

اشكر اخوانى واخواتى الاعضاءاللى حاولوا يواسونى ويهونى عليا الغربه المريره

[alaaalkadary]

مصر بلدنا وهتفضل غالية علينا مهما سافرنا ولا مشينا منها

[حازم دهب]

احنا يعنى مكرومين اوى هنا مااحنا اخر بهدله

[عاشقه الجنه 29]

المشاركة الأصلية كتبت بواسطة حازم دهب

احنا يعنى مكرومين اوى هنا مااحنا اخر بهدله

والله بهدله بلدنا اهون بكتير من بهدله الغربه على الاقل انك شاعر ان انتى فى مكانك لكن تخيل بهدله وحاسس ان ده مش مكانك وحاسس انك اجير فى مكان عملك ويسلام على العرب لما يحسوا انك محتاج لفلوسهم اخر مرمطه والله

[biba200577]

مش فى كل الأحوال فيه ناس سعيدة جدا بره وبيلاقوا أحلى معاملة وفيه العكس أكيد
ربنا يصلح حال بلدنا وترجع أحسن من الأول وربنا يهون على حضرتك غربتك ويرزقك من فضله الواسع
والأجيال القادمة تكون ظروفها أحسن مننا ولا يحتاجوا إلى الغربة أبدااااااااا
اللهم أميييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييييييين

[يوسف ا]

يا عاشقة الجنة حياتنا الدنيا ليست بالجنة ، وإنما هى حفت بالمكاره ،ومكتوب على ساق العرش لا راحة فى الدنيا ،فاعلمى تمام العلم ان الحياه كلها تعب وشقاء وعمل إلا القليل ، والغربة لها ثمن تعطيك المال وتأخذ منك الذى هو أعز من المال ، أقصد بذلك الأمن وراحة البال .

[الاستاذ احمد الجندى]

السفر لغير الضرورة ليس له اهمية

[ابن الأكرمين]

موضوع جميل وياريت الكل يتعظ وارضى بقليلك تعيش قرير العين مرتاح البال لاأكل ليه طعم ولا فلوس ليها طعم وجودك بين أهلك مهما حدث هو الراحة والأمن والأمان ادعولي ربنا ييسر أموري ليه أربعة شهور بحاول انزل والكفيل معقدني وعاوز ياكل حقي الله المستعان

[10القعقاع]

المشاركة الأصلية كتبت بواسطة ابن الأكرمين

موضوع جميل وياريت الكل يتعظ وارضى بقليلك تعيش قرير العين مرتاح البال لاأكل ليه طعم ولا فلوس ليها طعم وجودك بين أهلك مهما حدث هو الراحة والأمن والأمان ادعولي ربنا ييسر أموري ليه أربعة شهور بحاول انزل والكفيل معقدني وعاوز ياكل حقي الله المستعان

أسأل الله العظيم بكل أسمائِهِ وصفاتِهِ أن يُيسِّر لك كل أحوالك لما يُحب ربُّنا ويَرْضَى آمين ، وأن يُكرمنا وأن يَسْتعْملنا في طاعته ، اللهُمَّ آمين يا حيُّ يا قيُّوم ، جزاكم الله كل خير يا عاشقة الجنة 29 ، " وصدق اللهُ ورسوله وما زادهم إلاَّ إيماناً وتسليماً " .

مصدر عزّتنا = العمل بكتاب الله العزيز وسُنّة رسُوله محمد صلى اللهُ عليه وآله وصحبه وسلم بفهم صحابتهِ الكرام رضوانُ اللهِ عليهم أجمعين ، واللهُ المُستعان على ذلك وعليه وحدهُ التُّكلان ،
آمين يا حيُّ يا قيُّوم.