ارجوكم ساعدوني انا كده هسقط

[mostafa sayed10]

انا شاب عندي 17 سنة وواقع في مشكلة انا دلوقتي في تانية ثانوي ولما كنت في اولي ثانوي كان معايا اتنين اصحابي في الدرس وكانت اخلقهم وحشه وشدوا رجلي وعرفوني علي بنت مع العلم اني الحمد لله اخلاقي كويسه ومحبوب لكن انا كلمتها 3 ايام وسبتها وقولتلها انا حاسس اني بعمل حاجه غلط وسبنا بعض لكن جيت في اول تانية ثانوي وعملت اكونت فيس ولقيتها بعتالي اضافة فقبلت وبدات تقولي وحشتني وكده وانا بصراحه كنت متجاوب معاها وقولتلها وانتي كمان المهم كنت ماشي مع اصحاب ليه من الدرس في الشارع 3 ولقتهم بيتكلموا عنها وانهم هما كمان بيكلموها علي الفيس بوك وبتدلعهم في الكلام حسيت بغيره وروحت قولتلها ايه الي انتي عملتيه ده انتي مش مكسوفه من نفسك بتدلعي الصبيان وطلبت مني اقول اساميهم لكن انا مردتش لكن هي عرفت انا قصدي علي مين وراحت قالتلهم اني قولتلها انهم بيتكلموا عليها وعملتلي مشكله وانا عشان اتفادها روحت لاصحابي دول في بيت واحد فيهم وخلاتو يشوف المحادثة الي كانت بيني وبينها علي الفيس وعرف طبعا اني مقولتش حاجه عليه لكن عرف ان انا وهي كنا مرتبطين وانا خوفا عليها حلفتوا علي المصحف ميقولش لحد لان ده شرف بنت برده لكن هو خان العهد وراح قال والكلام وصل لابن خلتها وابن خلتها وواحد كان عايز يخطبها جولي البيت وسالوني عن الكلام ده وانا قولتلهم ان احانا متكلمناش غير 3 ايام لكن انا محكتلهمش اني قولت للواد الندل بتاع الفيس ان انا وهي كنا مرتبطين وخايف يروح يقولهم عشان هما اساسا متوعدنله لانه ديما يبصلها ويتكلم عليها علي الفاضي والمليان وانا مش عايز اقولهم ان هي الي كانت شبطانه فيا عشان سمعتها ادام الناس وادام خطيبها ومش عارف اعمل ايه ؟
انا خايف ومش عارف ازاكر ارجوكم حد يساعدني

[Ahmed_Alex1]

نصيحة سمعتها من واحد قبل كدة
' لو عاوز تجيب مجموع فى الثانوية العامة فكك من البنات نهائياااااااااا واقطع علاقتك بيهم '

[abdoali]

على فكرة الموضوع حل نفسه وانتا الى هطلع نفسك لو عندك مشكله

وتضامن معا احمد اليكس البنات ملهمش دعوة احنا الى ديما بنعلق مشاكلنا عليهم لان فى ناس بتعرف بنات وبتتفوق وفى ناس متعرفش وبتسقط مش شرط اساسا وبالتوفيق للجميع

[mostafa sayed10]

شكرا علي ردودكم لكن الحمد لله صحبي جالي وقالي الموضوع اتحل

[Ahmed_Alex1]

المشاركة الأصلية كتبت بواسطة abdoali

على فكرة الموضوع حل نفسه وانتا الى هطلع نفسك لو عندك مشكله

وتضامن معا احمد اليكس البنات ملهمش دعوة احنا الى ديما بنعلق مشاكلنا عليهم لان فى ناس بتعرف بنات وبتتفوق وفى ناس متعرفش وبتسقط مش شرط اساسا وبالتوفيق للجميع

خلاص اعرف بنات براحتك وربنا معاك
كل واحد حر
بس ابقى قابلنى فى الأخر

[طالبة الجنة 2012]

ركز فى مذاكرتك وبلاش التافهات دى فى حد فى تانيه ثانوى يعرف ناس زى اصحابك او يعرف بنات

[mostafa sayed10]

شكرا لنصيحة حضرتك بس انا بجد والله شاطر لكن لما بتحصلي مشكله او لحد من عائلتي نفسيتي بتدمر

[lolo cat]

انا بجد احترمت حضرتك اووى
وعلموم سيبك من الكلام ده دلوقتى وركز فى مذكرتك واقع قول لو ااناا كلمت بنت وكده يعنى وحد جاب سيرتها ممكن ربنا يعمل كده فى اختى والى مرضهوش على اختى مرضهوش على غيرها
وبجد لانك راضى ربنا ربنا هيوفقك وان شاء اله تجيب 100% وتدخل الكلية الى نفسك فيها

[mostafa sayed10]

شكرا لنصيحة حضرتك وانا انشاء الله هعمل بيها

[abdalawal]

السلام عليكم ورحمة الله
يا اخ مصطفى -- بداية " كل بن آدم خطاء وخير الخطائين التوابون " انت اول شيء تعمله لحل الاشكال ده انك تصلى دلوقت بعد ما تخلص قراءة كلامى "تصلى ركعتين بنية التوبة من هذا الذنب " ولا تعد اليه ثانية -- ثانيا : انت رجل والرجل المفروض مفيش خوف عليه الخوف على البنت اللى تسمح لنفسها تكلم رجل لا يحل لها دا دليل سوء خلق -- لكن احذر من الكلام عليها لان دا قد يدخل تحت "رمى المحصنات الغافلات بالغيب " فالمطلوب انك " تنسى و تبعد ومتلتفتش " للموضوع ده وركز فى مذاكرتك -- واعلم ان هذا دين قد تتعرض له اختك او والدتك ---- فاستعذ بالله واطلب من ربنا ان يصرف هذا الشر عنك ويصرفك عنه

= واخيرا -- نصيحة لاحظتها على كتابتك وهى الخطا فى كتابة " انشاء الله " دا غلط المفروض تكتب " ان شاء الله " لان الله يُنشىء ولا يُنشأ " مش كدا وللا ايييييييييييييه ؟؟

= وختاما اسأل الله ان يحفظك وجميع شباب المسلمين وان يوفقك فى دراستك --قل آمين
فى امان الله

[mostafa sayed10]

ااااااااااامين وشكرا جدا لنصيحة حضرتك وانا ان شاء الله هقوم اصلي وشكرا علي تصحيحك