انا ثانوية ازهرية قولولي اذاكر ازاي ؟؟؟؟؟

[sara asem]

السلام عليكم

من غير مقدمات كدة .. انا طالبة ف شهادة ثانوية ازهرية علمي وحاسة اني متوترة اوي اوي كل يوم اقعد افكر ف الامتحانات والنتيجة ولو جبت مجموع
طب ولو مجبتش
ييييه واقعد اعيد وازيد بجد باخد وقت كبير ف التفكير دا لوحده وحاسة اني مش بنجز حاجة ولو ذاكرت يومين
اتعطل واقف اسبووع !! لو فضلت كدة مش هحصل حاجة انا عارفة وعايزة نصيحتكم اعمل ايه ؟؟

[darsh013]

علي فكرة انا عندي نفس المشكلة ومش عارفة اعمل ايه بس انتي بقي اشطر مني لانك بتذاكري يومين انا بقي بذاكر يوم واحد والعب بقية الاسبوع ادعيلي انا بناااااااااااااااااااااااااام كتير اوووووووووووووي السنة دي ربنا يوفقنا يا رب

[محمد جمال ربيع]

واللة انا عند نفس المشكلة ارجو الرد

[دمعه ملاك]

بسم الله الرحمن الرحيم

انا طالبه ثانويه ازهريه شهاده .. مش هقول انا عندى نفس المشكله ده شىء طبيعى عند كل الشهاده الثانويه الازهريه بالذات ..بس ازاى تستغلى وقتك وتتغلبى على الموقف هو ده الحل .. لكن التوتر ده شىء طبيعى جدا جدا فى الفتره دى ... انا هقولك طريقه وجربى .. هى الطريقه دى معايا كويسه اوى اتمنى تساعدك

ــــــــــــــــــــــــــــــــــــــــــ

احنا كأزهر علشان نجيب مجموع لازم نركز على تلات حاجات مهمه مواد شرعيه مواد عربيه قرآن
المواد دى بإيديها ترفعنا فوق وبايديها برده تدمر مجموعك علشان كده لما تذاكريها اعرفى كويس انك بتذاكرى فى منطقه حساسه جدا يعنى مش هقولك تسيبى سؤال لا مش تسيبى نقطه او كلمه اقل حاجه مش تسيبيها

ـــــــــــــــــــــــــــــــــ

ازاى نذاكر

طيب انتى بتقولى بتفكرى كتير طيب نعمل ايه انا هقولك ...طبعا انا بالنسبه لى يوم بخلص دروس الساعه 6 ويوم بخلص الساعه 9 anyway تنامى 6 ساعات بعد الدروس واوعى تذاكرى بعد الدروس حاجه لانك هتنسيها بسرعه رهيبه لان فى الوقت ده بنبقى مش قادرين نفهم حاجه او نستوعب حاجه وعلى فكره ارادتك هى اللى هتصحيكى قوى ارادتك كويس .. طيب اوك صحيتى تمام
طبعا ممنوع منعا باتا تذاكرى على السرير او اى مكان ممكن يسمحلك انك تنامى مره تانيه ممكن تذاكرى على مكتب ...طيب اوك فى اليوم اللى هنرجع من الدروس 6 هنصحى الساعه 12 او 1 اول حاجه تصلى ركعتين وبعدين تشربى كوبايه لبن او نسكافيه كبيره او عصير اللى تحبيه وبعدين تبدأى تسألى نفسك انا ناقصنى ايه عاوزه اذاكر ايه وتنسى الامتحانات خالص وتبدأى فى المذاكره واحده واحده ولازم لما تخلصى اى حاجه تحلى عليها اسئله هى دى اللى هتخلي المعلومه تثبت ومش تنسيها بسهوله .ويا ريت لو تعملى كشكول للاسئله اللى هتحليها بنفسك الكتابه نفسها هتساعدك كتير ...

ــــــــــــــــــــــــــــــــــــــــــــ

ممكن تاخدى ريست كل ساعتين ربع ساعه تستريحى فيها بس برده اوعى تدخلى على السرير تنامى لانك هتزودى عن الربع ساعه صدقينى عن تجربه منى ...وبعدين تكملى

زى ما قولتلك تركزى على المواد العربيه والشرعيه والقرآن والمواد دى محتاجه دايما للتكرار يعنى مش تذاكرى بس للدرس او كده لا تراجعى مره واتنين عليها حتى لو حافظاها صم راجعيها تانى هتاخد وقت قليل وهتساعدك كتير بعدين

ــــــــــــــــــــــــــــــــــــــــــــــــ

باقى المواد زى ما انتى عارفه لو فاهمه الدرس هتذاكريه بسهوله والفيزيا والرياضه محتاجه تحلى كتير اوى
وبصراحه الرياضه عامله مشكله معايا لانها كبيره بس انا بحاول اتغلب على المشكله دى بأنى بسيب لها ساعه كل يوم بحل فيها مسائل

اتمنى كلامى يساعدك

[احمدصقرع]

شكرا علي المساعدة

[كليوباترا مصر]

انا هقوللكم على حاجة يمكن تكون غريبة شوية................انا اكتر مذاكرة بذاكرها وانا على السرير بس اهم حاجة العزيمة ربنا يقوي عزيمتنا كلنا ان شاء الله بس طبعا بقعد بطريقة صحية يعني بيكون ورا ظهري مسند وبكتب على حاجة خشب يعني بحس ان انا على المكتتب بالظبط وانا مش بقول كدا عشان تذاكروا على السرير وتناموا وابقى انا السبب لا.......كل واحد يذاكر بالطريقة اللي تريحه وعلى فكرة المذاكرة دي مزاااج يعني لو المزاج رايق والنفس مرتاحة هنعرف نذاكر.........ونصيحة من اختكم.....حافظوا على صلاة قيام الليل وقراءة القران قبل المذاكرة الحاجات دي لها تأثير سحري على الاستيعاب...انا ثانوية ازهرية لتاني مرة ومريت بمرحلة التوتر دي السنة اللى فاتت بس حاولوا تتخلصوا منها وارموا حمولكم على الله وذاكروا بذهن صافي عشان التوتر ما لهوش اي لازمة بل بالعكس بيأثر اوووووووووووى على المذاكرة والدرجات وهو اللى ضيع مجموع السنة اللى فاتت ...................................اسئلوا مجرب والمذاكرة يا ريت تخلوها في كل المواد بالكتاااااااااااااااااااااابة لان المذاكرة الشفوى مش بتثبت المعلومات وحلوا امتحانات كتييييييييييييييير............بس كدا واول حاجة المحافظة على الصلاة في وقتها ......................

[كليوباترا مصر]

وعلى فكرة يا دمعة ملاك انتى نصايحك حلوة اووووى كمان

[تولاي العوضي]

وانا كمان ما بعرف ادرس الا بغرفتي وعالسرير بالأخص بس امرات بنام يابنات مين عندها نماذج الاختبارات فيكم
بترجاكم حد يعطيني نماذج الاختبارات القديمة لانهم بغزة منعوها عنا الله يبارك فيكم ساعدوني

[basm500]

بصو يا جماعه يوم الاربعاء من الاسبوع ده هيجى على قناه الناس برنامج ((انطلق)) للدكتور احمد قدوس
هيتكلم فيها عن مزكره الثانويه العامه كلها ومن جميع نواحيها والحلقه معادها 11:45 بتوقيت مصر

ياريت كل واحد ينشرها للاستفاده

وى بالنسبه للمذكره وى كده احسن حاجه بتشجع انك تكون معا مجموعه اصحابك بتخدو دروس معا بعض وى كده وى تتنفسو معا بعض وى كل واحد يذاكر وى يسال بعض كده المشاركه فى المزكره بتكون حاجه جميله بدل ما كل واحد يذاكر وى يعد يقول على التانى بيذاكر والحوارات الى احنا عرفنها اما نذاكر معا بعض وى كل واحد اكيد عندو افكار وى حاجات فى المذكره وى كده فا بيكون احسن

والنسبه للماده الصعبه بالنسبالى يعتبر الفيزياء معا انى كونت بحبها السنه الى فاتت لدرجه كونت بعرف اشرح الدروس وى كده
بس سبب انها صعبه السنه ده انى كذا مدرس ناخد معاه يحصل ظروف وى ميجيش تانى لغايه ما جه واحد فضل معانا بس يعتر مش زى الى مشيه فا هوا ده الى خلا الفيزياء السنه ده صعبه النسبالى

[basm500]

بالنسبه للمزكره بعد الدروس على حسب الدرس يعنى انا مخلى يوم لدرس الرياضه فاضى بحيث اخلص الدرس اجى اريح شويه وى بعدين اذاكره

وى نصيحه كمان اما حد يجى يذاكر يغير مكان مزكره كل فتره ده بيساعد وى كمان المكان الى فيه يكون مترتب وى كده

والنسبه للمواد العربيه والشرعيه اعتقد اننا مش لازم نديها اهتمام اكتر من حقها بمعنى منخليش مزكره المواد ده تقصر فى مزكره المواد العلميه لان المواد العلميه اصعب وى اكبر والشرعى العربى 70% بيكون عارف الاسئله الى هتيجى عن طريق حل اسئله الامتحانات السابقه لانو بيعيدفيها مش بيجيب جديد لاكن فى المواد العلميه 20% لو اتوقعت حاجه والبذات الى بيحط امتحان الفيزياء راجل غاوى رخامه بيحت الامتحنات للمدرسين مش للطلبه

[basm500]

.,,,,,,,,,,,,,

[taha11_h]

يا جماعة لو ممكن نتواصل عبر الاميل مع بعض والى نقصو حاجة وا مش فاهم حاجة ممكن يقدر يعرفه من التانى ودا اميلى
taha11_h*yaho.com
hjمنى التواصل مع كل الشبباب والبنات

عضو جديد اسمى طه

[ياسين المصرى]

اختى سارة

للمذاكرة طريقتان :

1- طريقة رئيسية ( طريقة الألوان والمسح الشامل ) .

2- طريقتان ابتكاريتان تكميليتان ( الكومودينو + جسر الحمار )

وهذه الطرق ليست بديلة لبعضها البعض ولكنها مكملة لبعضها البعض بهدف السيطرة الكاملة على المعلومات بمجهود أقل ووقت أيسر .



1- المسح الشامل 1 : عن طريق قراءة المحاضرة بالكامل كقراءة الجرنال بدون تركيز أو محاولة للحفظ – يعنى مثلا المحاضرة المكونة من 30 صفحة تقرأ فى 10 دقائق . والغرض من هذا الجزء من الطريقة احداث ألفة بين القارىء والأوراق وهذا فى غاية الأهمية من الناحية النفسية .

2- مرحلة التلوين : عن طريق تلوين العناوين الرئيسية والفرعية وتحت الفرعية والكلمات الهامة فى بعض الفقرات . وهذه المرحلة تعرف الطالب بالإطار العام للمحاضرة وتعطية شىء من السيطرة على المحاضرة وفى نفس الوقت تضاعف الألفة بينه وبين الأوراق . وهذه المرحلة تستغرق حوالى 10 دقائق أيضا .

3- مرحلة الإستيعاب السريع : فى هذه المرحلة يقرأ الطالب المحاضرة ببطء نسبيا ولكن ليس معنى هذا أن يقرأ الصفحة فى ساعة أو حتى نصف ساعة ولكن تقريبا 4- 7 دقائق تقريبا للصفحة ( بعيدا عن السرحان أو تخيل ماوراء السطور ولو وصل الأمر الى تأجيل فهم بعض النقاط حيث أنه بالتقدم فى المنهج يفك غموض الأجزاء القديمة المجملة ) .

4- المسح الشامل 2 : مثل الخطوة رقم 1 تماما .

5- بعد ذلك تترك المحاضرة تماما . وبعد 4- 5 أيام تعمل مسح سريع مرة أخرى فى 10 دقائق وتكرره كل

عدة أيام

ملاحظات :

مدمنو الطريقة الكلاسيكية المستخدمة فى الثانوية العامة وهى طريقة " الحفظ التام أو الموت الزؤام " ومذاكرة الصفحة فى ساعة وعدم الإنتقال من الصفحة إلا بعد القضاء عليها حفظا - يظنون عدم جدوى طريقه التلوين والمسح الشامل ولكن يقول علماء النفس أن المعلومات التى يحصلها الإنسان ينساها خلال 10 أيام تقريبا حسب منحنى النسيان وهذا طبيعى عند كل البشر مهما كان مستوى حفظك لهذه المحاضرة .

ولكن طريقة التلوين والمسح الشامل توفر بقليل من المجهود والوقت الإحتفاظ بالمعلومة لوقت طويل جدا وتجديدها من خلال المسح الشامل وقد أثبتت الإحصائيات أن الطلاب والطالبات الذين يستعملون هذه الطريقة لا يقلون عن تقدير ممتاز خصوصا مع الكم الهائل من المعلومات الموجودة فى المحاضرات والمطلوب قراءتها كلها ليلة الإمتحان .

وحتى تغير طريقتك التقليدية الى هذه الطريقة لابد أن تتغير تدريجيا بتجربتها وتكرر وتصبر ولا تيأس حتى تتعود عليها وتصير أسلوب مذاكرة لديك .



طريقة الكومودينو :

تخصص هذه الطريقة التكميلية الإبتكارية للسيطرة على الرسومات ( مثل دورات الحياة فى علم الطفيليات ، وعلم الحيوان ورسومات النبات والعقاقير ورسومات التحليل الآلى والعقاقير التطبيقى مثل ال uv, ir ) وصور الأجهزة ( مثل أجهزة الصيدلانيات والصيدلة الصناعية والكروماتوجرافى فى العقاقير التطبيقى ) والصيغ الجزيئية للمركبات الكيميائية ( مثل الكيمياء العضوية والحيوية والفيتو والكيمياء الصيدلية ... الخ )



تتلخص هذه الطريقة فى إعداد مجموعة من الأوراق البيضاء ثم نرسم محتويات كل محاضرة من الصيغ الجزيئية للمركبات ( مثلا ) فى الورق ونضع كود لكل مركب وفى آخر ورقة نكتب مفتاح الحل ونضع هذا الورق على الكومودينو . وعند النوم بعد الإستعداد للنوم والإستلقاء فى وضع النوم ننظر نظرة عابرة فى الأوراق ونحاول التعرف على الصور ثم نراجع تخميننا بمفتاح الإجابة فى الورقة الأخيرة ثم بعد ذلك نروح فى ثبات عميق . ونكرر ذلك يوميا أو يوم بعد يوم . بعد عدة مرات تجد نفسك قد حفظت تلك الرسومات بشكل غير عادى .

ملحوظة : تعتمد هذه الطريقة على وقت ماقبل النوم حيث تكون الذاكرة والإستيعاب أعلى مايمكن ولو لم يتم بذل مجهود كبير فى التركيز كما يقول علماء النفس .



طريقة جسر الحمار :

تعالج هذه الطريقة ضعف حفظ العناصر الكثيرة عندما يطلب استظهارها

يعنى مثلا ما هى العوامل التى تؤثر على ظاهرة معينة ؟ وتكون الإجابة 25 نقطة – كيف تذكرها دون أن تغفل نقطة واحدة . ( مثل مادة الصيدلانيات والصحة العامة والصيدلة الصناعية والميكروبيولوجى والمعلومات الدوائية والعلاج الدوائى والفارماكولوجى والسموم )

تتلخص هذه الطريقة فى تحديد كلمات المفاتيح ( أى الكلمات المميزة ) فى كل عنصر . ثم أخذ الحرف الأول من كل كلمة من هذه الكلمات المفاتيح وتكوين جسر الحمار ( كلمة مميزة ذات معنى فكاهى أو مرتبطة بشىء مميز ) حيث يشير كل حرف لكلمة مفتاح وكل كلمة مفتاح توصل الى العنصر بكاملة .


واتمنى من الله ان يوفقنا جميعا
ولكى منى أجمل تحية
ياسين المصرى