|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
24-01-2012, 01:28 AM
|
||||
|
||||
يوم امتحان الكهربيه :(
احن عندنا ماده بنكرهها جدا ف هندسه اسمها الكهربيه
امتحنتها النهارده وبعد ما رجعت كتبت الكلام دا تعبيرا عن مالقيته من تعب عشان امتحنها يوم امتحان الكهربيه
 انا بما إني من المنيا صحيت من النوم الساعه 3 الفجر عشان اروح الامتحان اللي الساعه 9 الصبح في هندسة القاهره  قعدت ادور ع البطاقه بتاعتي ملقيتهاش طب ادور ع ملزمة التجاذب اذاكرها ف الطريق بردو ملقيتهاش وحسيت ان اليوم من اوله مقفل المهم مشيت ومنتظر اي عربيه رايحه القاهره اركب فيها ملقيتش اي عربيه على غير العاده ودا بسبب مشكلة البنزين قعدت خدت مواصله طويله لحد مدخل الطريق الصحراوي(انا طبعا عارف انكم مش فاهمين حاجه بس مش مشكله) ركبت ميكروباص اخيرااااا والاجره بكام؟ 25 جنيه دا بس عشان اوصل للهرم المهم ركبت والدنيا طبعا كانت ضلمة ف العربيه والناس نايمه الساعه كانت حوالي 5 الفجر حسيت كدا ان في طيف بنوته جميله جدا ورايا حسيتها مشوفتهاش ولأول مره ف حياتي اتعلق تفكيري بيها اقول انا لازم ابص عليها واكلمها وارجع اقول ايه ياحمد انت هتبوظ ولا ايه؟ ههههههههه ودا شيء كنت حاسس ان اللحظه دي هتغير حياتي كلها فالتفتت لورا والشوق يملأني والعين تدنيني والقلب يمنيني فلقيت واحده في سن جدتي بتقولي في حاجه يا حبيبي؟ فقلت لها ضاحكا لا ربنا يخليكي لينا يا حجه هههههههه فزاد اقتناعي ان اليوم هيكون وحش وهحل في الامتحان اوحش المهم واحن ف الطريق قاعد افكر فتره طويله ياريت نعمل حادثه وماحضرش امتحان الكهربيه واعمل اعتذار احضره بعدين عشان الحادثه واثناء تفكيري لقيت حدثه صعبه جدا بتحصل قدام عيني بين عربيتين كبار المهم بعد طريق طوييييل وصلنا لشارع الهرم والساعه 8 الصبح نزلت عند مشعل ( اول المريوطيه) ولقيت ميكروباص بيقول جامعه روحت ركبت فيه ولقيت عليه زحمه ودا انا مش متعود عليه لأن انا بركب من هناك ع طول ليه في زحمه النهارده المهم الرجل قال الاجره 3 جنيه انا مش فارقه معايا الفلوس مانا لسه دافع 25 جنيه بس مستغرب ليه من هنا ب 3 جنيه ماهي ع طول بجنيه ونص المهم سكتت وقولت امري لله لقيت الرجل ربنا يجازيه داخل من طريق غريب ومفيش اي حد اتكلم معاه وقاله دخلت هنا ليه؟ وبعد مده بقول للي جنبي هو مش قال جامعه؟ ليه داخل من هنا؟ راح قاللي انت رايح جامعة ايه؟ قولتله القاهره قالي القاهره؟! دا احن رايحين عين شمس في مدينة نصر هههههههههههههههه وراح قال للرجل استنى ف واحد راكب غلط الرجل قعد اتعصب ويقول يعني ينفع كدا تطلع العربيه ناقصه اجرة واحد؟ قولتله ياعم انا والله ماهاخد منك الفلوس انا مقولتش اني عاوزها راح قاللي لا هتاخدها وكان بيزعقلي روحت قولتله والله الله يحرق الهندسة اللي تخلي الناس يعاملوني كدا المهم الرجل اتخانق معايا وعطاني الفلوس بالعافيه ورجعت بقى وانا بصارع الزمن عشان اوصل وصلت الحمدلله ف نفس الدقيقه اللي بيسلموا فيها الورقه تخيلوا بقى واحد بالمعنويات دي هيعمل ايه ف الامتحان؟ ههههههههههه ودي كانت ذكريات واحد كان في يوم مشروع مهندس 
|
|
#2
24-01-2012, 01:43 AM
|
||||
|
||||
|
هههههههههههههههههههههههه..
ايه اليوم المتكهرب من اوله ده؟؟ المهم عدى الامتحان على خير ولا احصل ايه
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#3
24-01-2012, 01:44 AM
|
||||
|
||||
|
لا مش على خير خااالص
|
|
#4
24-01-2012, 01:50 AM
|
||||
|
||||
|
هههه .. سرد جميل
 بس والله فى وسط الظروف الصعبة مهما كانت .. إضحك وربنا معاك يا بشمهنس !
__________________
|
|
#5
24-01-2012, 01:54 AM
|
||||
|
||||
|
اقتباس:
يارب ومع الجميع
|
|
#6
24-01-2012, 02:10 AM
|
||||
|
||||
|
ليـــــــــــــــــــــــه كده بس...؟؟؟
ان شاء الله خيـــــــــــــــر... من اوائل الدفعة ان شاء الله
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#7
24-01-2012, 02:39 AM
|
||||
|
||||
|
اقتباس:
ههههههههههههههههه عجبا لكم ايها المصريون تؤمنون باشياء غريبه
|
|
#8
24-01-2012, 12:30 PM
|
|||
|
|||
|
ههههههه
اجمد حتة بتاعت الست العجوزة والطيف الجميل انا قولت حنفرح بيك ونخطبلك معلش وتعيش ماتخدش غيرها
|
|
#9
24-01-2012, 05:17 PM
|
||||
|
||||
|
اقتباس:
|
|
#10
25-01-2012, 01:13 AM
|
||||
|
||||
|
اقتباس:
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#11
26-01-2012, 04:21 PM
|
||||
|
||||
|
اقتباس:
|
|
#12
27-01-2012, 05:24 AM
|
||||
|
||||
|
ههههههههههههههه حمدا لله على سلامتك يا باش مهندس بالدنيا بلا كهربية بلا زفت يا شيخ
المهم تطمني على الحجة اللي كانت وراك الا قلبي اتخطف أوي وانت بتبص وراك هههههههههه كل عام وانت بخير ومبروك الأجازة
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life
|
|
#13
27-01-2012, 07:18 AM
|
||||
|
||||
|
اقتباس:
الله يبارك فيك يارب وانت بالصحه والسلامه
|
|
#14
27-01-2012, 09:35 PM
|
|||
|
|||
|
هههههههههههه انا داخلة وفكرة امتحان الكهربية الى عندنا فى الفيزيابتاعت 3 ثانوى
بس بصراحة موت من الضحك يوم جميل اوى  بس الحمد لله عدى على خير
__________________
 Do u know which is the best part of life? its simple: when ur family understand u as ur friend and ur friends support u as a family 
|
|
#15
27-01-2012, 10:08 PM
|
||||
|
||||
|
اقتباس:
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:07 AM.
