|
||||||
| ركن العائلة منتدى يهتم بكل ما يخص الأسرة ( زوج - زوجة - أبناء ) |
 |
|
|
أدوات الموضوع | انواع عرض الموضوع |
|
#1
20-02-2012, 10:36 PM
|
|||
|
|||
سؤال .. هو إنتى مرتبطة؟
سؤال .. هو إنتى مرتبطة؟
أيوة أيوة بكلمك انتى ماتبصيش يمين و شمال... ها.. مرتبطة؟ شايفك مستغربة سؤالى... فى الحقيقة انا شفتك كاتبة انك فى علاقة In a Relationship يعنى مرتبطة بواحد مش كده؟ طبعا دى كلمة مش معناها و لا مخطوبة و لا متزوجة... لا فقط مرتبطة للى مش عارف معنى الكلمة أحب أوضح أكتر.. كلمة مرتبطة معناها إن البنت ببساطة بتعرف شاب غالباُ بيكون فى السر و بيكون بينهم ما يسمى بعلاقة عاطفية و ممكن يتقابلوا و يخرجوا كمان..اه عادى و ماله و ايه المشكلة لما تتقابل بنت مع ولد و يخرجوا؟ إذا كانت مش عاملة حساب لربنا ..حتعمل حساب لأهلها؟؟ انا ليه شايفك منزعجة من كلامى؟ هو انا بقول حاجة غلط لا سامح الله؟ آآآه انتى مافهمتيش قصدى ايه لما قلت مش عاملة حساب لربنا صح؟ طيب أنا حوضحلك هو انتى لما تقابلى أو تعرفى شاب فى السر من ورا أهلك ده يبقى حلال و لا حرام؟ مش عاوزة تردى عليا؟ تحبى أرد عليكى انا؟ حرد عليكى و لكن بكلام ربنا اللى شايفك و مطلع على كل افعالك بَعْضُكُمْ مِنْ بَعْضٍ فَانْكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ... (إلى أخر الآية فى سورة النساء:25)..عرفتى الرد؟ المسافحات يعنى اللى بيرتكبوا فاحشة الزنا و كلمة متخذات أخدان يعنى ليهم أخلاء (حبيب) فى السر.. يعنى بتعرف شاب فى السر من ورا أهلها يعنى ربنا قال على النساء المؤمنات انهم محصنات علشان مش بيعملوا سفاح و لا بيتخذوا أخدان.. عرفتى حجم الغلط بتاعك قد ايه؟ طيب انتى قريتى كلام ربنا فى الآية الكريمة وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا ﴿الإسراء: 32﴾ لاحظى هنا إن ربنا مثلاً لم يقل لا تزنوا... لا ده قال وَلَا تَقْرَبُوا الزِّنَا ده يعنى ايه؟؟ يعنى نبعد عن الأسباب اللى تؤدى إلى الزنا علشان لا نقع فى الزنا طيب يا ترى ايه الأسباب اللى تخلينا نقع فى الزنا؟؟ أفندم؟؟ انتى حتعملى نفسك مش عارفة؟ هو انتى بتعملى إيه زيادة عن اللى مكتوب؟ أيوة طبعاً حضرتك لما بتكلمى شاب و بتعرفيه فى السر و بينكم ما يسمى بعلاقة عاطفية مش بتخضعى فى القول ؟ يعنى بتتكلمى بدلع معاه... ما تنكريش و خليكى صريحة مع نفسك ! و لما يسمع صوتك و انتى بتدلعى بيطمع فيكى و زى ما ربنا قال فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا تعرفى يطمع فيكى يعنى ايه؟ يعنى شهوته تقوم عليكى لانك بتشجعيه على كده طبعا كلامى نرفزك و بتقولى فى نفسك ايه الكلام ده و انت ازاى تكلمنى كده؟؟ إهدى بس شوية و اسمعينى لحد الآخر و ماتكابريش ..الجرح لما حد بيلمسه.. بيؤلم لما بتخرجوا مع بعض مش بيحاول يمسك إيدك ؟ طبعا فى مناسبات كتير لكده..بيعديكى الشارع مثلا؟ هااا.. حصل مش كده؟ كل اللى بقوله ده و مش شايفة أى أسباب تدعو للزنا فى المستقبل؟ ده حتى الحكمة بتقول نظرة..فابتسامة..فموعد..فلقاء مش ماسكة إيد و كلام بدلع؟؟!! طيب تعالى بقة نجمع الكلام كده و نلخصه و نبص للصورة من بعيد إنتى تعرفى شاب من ورا أهلك بتكلميه بدلع و بيحصل بينكم كلام غرامى فى السر بتخرجوا سوا و سعات بيمسك اديكى أو على الاقل بيلمسها يا ترى عندك تعليق على الكلام ده؟ ربنا قال مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ و انتى متخذة خليل فى السر ربنا قال فَلَا تَخْضَعْنَ بِالْقَوْلِ و انتى بتتكلمى معاه فى كلام غرامى من نوعية بحبك وحشتنى !! دلوقتى بقة فهمتى لما انا قلت من شوية انك مش عاملة حساب لربنا؟ كان عندى حق مش كده؟ عارفة... الولد اللى تعرفيه ده لو كان فعلا ابن ناس و محترم و مؤدب و بيحبك زى ما هو مالى دماغك كان عمل ايه؟ كان قالك إحنا لازم علاقتنا تكون فى النور و ماينفعش نكون فى السر من ورا أهلك...انا لازم أخطبك لكن طبعا هو مش فى دماغه كده..إذا كان قدر يوصلك و بيسمع الكلام اللى بيحبه و ضحك و دلع يبقى ياخد خطوة رجالة ليه بقة؟ طيب أقولك على معلومة حتضايقك أوى ؟ الشاب اللى تعرفيه ده ما يرضاش ان أخته تعرف شاب فى السر زى ما بيعمل معاكى عارفة ليه؟ لإن بالمعايير الواقعية أخته أغلى منك عنده مهما قال و ضحك على عقلك بكلام معسول .. انما الواقع حاجة تانية و لو عرف أو شاف اخته مع شاب حيبقى نهارهم مش معدى أما بقة لو عارف ان اخته تعرف شاب فى السر و هو ساكت فانا مش محتاج اقولك ده يبقى ايه ...! ====================== شايف فى عنيكى سؤال بيقول بس إزاى حتجوز واحد من غير ما يكون بيننا حب؟ عاوزانى أرد عليكى؟ .. حرد عليكى بكلام علمى انتى تعرفى القاعدة اللى بتقول ما بنى على باطل فهو باطل؟ إنتى عندك علم إن أكتر من 70% من اللى بيدخلوا فى علاقة غير شرعية قبل الزواج (مرتطبين عاطفيا) بيحصل بينهم طلاق؟ من ضمن الإحصائيات الكتيرة فى الموضوع ده فى أستاذ فى علم الإجتماع فى فرنسا إسمه الدكتور سول جور دون عمل دراسة ميدانية و توصل إلى نتيجة صادمة حوالى 85% من الزيجات اللى تمت عن طريق علاقات غرامية قبل الزواج انتهت بالطلاق !! بينما لا تتجاوز تلك النسبة "الطلاف" ( 5 % ) في الزيجات التقليدية التي تعتمد على العقل والتريث ولا تستند الى الإندفاع العاطفي فتنهار عند أول منعطف ..سبحان الله دى نتيجة بحث من متخصصين فى مجال علم الإجتماع يعنى بإختصار شديد انتى بتعملى غلط بيغضب عليكى رب السموات و الأرض و علاقتك دى ربنا لا يبارك فيها بل غالباً ما سوف تنتهى بفشل ذريع و مؤلم و لو مش مصدقانى افتحى عنيكى كويس و شوفى الناس و اعرفى اخبارهم حتسمعى قصص كتييرة أوى غرام و حب و كلام من ده و فى النهاية نكد و قرف و خناق و طلاق فى سنوات الزواج الأولى (فى خلال 5 سنوات) عادةً تعرفى ليه؟؟... لسببين أولاً.. لإن ربنا لا يبارك فى علاقة غير شرعية و يكون الجزاء من *** العمل ثانياً .. علاقات ما قبل الزواج تكون مبنية على أقنعة كاذبة و ردود أفعال معظمها مصطنع غير صادقة لشخصية الطرفان مهما كانت درجة العلاقة و بينخدع الطرفين و بيعتقد إن دى الشخصية الحقيقة و بيفتكر انه يعرف كل عيوب الطرف التانى و لإنك مش عايشة معاه و لا تعرفى حاجة عن عيوبه إلا اللى ظاهر منها..و ما خفى كان أعظم و طبعا بيحصل الصدمة فى الزواج بعدها لان العِشرة بتبين اللى دايما كان بيبقى مستخبى عنك فى الشارع أو الكافيه اللى كنتوا بتتقابلوا فيه. لإنه مش بيظهر ليكى غير اللى هو عاوزك تشوفيه او تعرفيه عنه يقول د. سول : إن الإندفاع العاطفي يعمي عن رؤية العيوب ومواجهتها ويوهم الشاب والفتاة أن الحب يصنع المعجزات بينما يعمل الطرفان في الزواج التقليدي على انجاح ارتباطهما ويعرفان أن الزواج مسؤولية وأعباء وتسامح وتنازل ، في الوقت الذي يعتقد العاشقان أن الزواج رحلة حب لا نهائية تخلو من المشاكل ================================================== لو بتحبى ربنا اقطعى علاقتك بالشاب ده و استغفرى لذنبك و ربنا غفور رحيم و الشاب ده لو محترم بجد حيخبط على بابك و يخطبك زى الرجالة من أهلك وسيبك من الحجج الفاضية انه لسه مكونش نفسه والكلام دة ..لو هو صغير ايه اللي يخليه يبهدل بنات الناس معاه غير التسلية ولو فعلا ظروفه مش كويسة وبيحبك فعلا يبقا لازم يخاف عليكي ويسيبك "ومن يتق الله يجعل له مخرجا" انما لو فضل يعلق فيكي فهو ياما ندل ياما ندل والاتنين وجهين لعملة واحدة هي قلة الاصل .. أنا بقول الكلام ده لإنك غالية ..و شايفك مش حاسة بقيمتك لإنك لو حاسة فعلا بقيمتك كنتى قولتى لنفسك أنا جوهرة غالية ماحدش يقدر يقرب منها إلا راجل واحد بس يستاهلها.. زوجى. و افتكرى كلام ربنا يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ ما تنزعجيش من كلامى بس فعلا انتى كنتى محتاجة اللى يفوقك من اللى انتى فيه ، واحد يكون كلامه مباشر من غير دبلوماسية و مجاملة وعلى فكرة يا بنات كلنا بنغلط ودة مش عيب لاننا بشر كل "ابن آدم خطاء "بس العيب لما تعرفي ان دة غلط وحرام وتفضلي مصممة عليه او تكرري نفس الغلط تاني ومتتعلميش و ربنا يهديكى و يهدينا جميعاً .. آمين (منقول)
__________________
 
|
|
#2
24-02-2012, 05:48 AM
|
||||
|
||||
جزاكم الله خيرا
|
|
#3
24-02-2012, 11:33 AM
|
|||
|
|||
|
كلام جميييل .. جزاك الله خيراً
|
|
#4
24-02-2012, 01:10 PM
|
||||
|
||||
|
الف شكر موضوع رائع ومنطقي جدا
ربنا يهدي من يشاء ويضل من يشاء تحياتي وتقديري
|
|
#5
24-02-2012, 02:29 PM
|
||||
|
||||
|
موضوع اكثر من رائع اتمنى للجميع الهداية لطريق الصواب
__________________
سنغدوا رفاتا ويبقى الاثر
|
|
#7
24-02-2012, 09:46 PM
|
||||
|
||||
|
موضوع رائع ........بارك الله فيكم
__________________
  اذا اردت النجاة غدا من عذاب الله فصم عن الدنيا وليكن افطارك فيها على الموت
|
|
#8
25-02-2012, 11:06 AM
|
|||
|
|||
|
جزاك الله خيرا موضوع جميل اوي وممتاز
__________________
قد لاندري ماذا نريد ولا نعلم نهاية دربنا تظل تساؤلتنا في تزايد مستمر ماذا سيكون شكل مستقبلنا ؟؟هل نحقق ما نريد ؟؟؟هل ستصبح احلامنا ولو لثوان حقيقة ؟؟؟وتبقى تساؤلتنا بلا اجوبة ولكن الاكيد هو إن الأحلام مثل النجوم في السماء مهما أترفعت الي اعلى لاتستطيع لمسها
By \ Bahinour Bero
|
|
#10
29-02-2012, 07:44 PM
|
||||
|
||||
|
جزيل الشكر على الموضوع
جزاكم الله خيراً
__________________
 استودعكم من لا تضيع ودائعه
|
|
#12
01-03-2012, 01:53 AM
|
||||
|
||||
|
موضوع روعة وفعلا كل الناس محتاجة تفوق وتتوكل على ربنا
وتسيب كل حاجة عليه واكيد الخيرة فيما اختاره الله بجد تسلم ايديك
__________________
يا هل أجالس أقواما أحبهم كنا وكانوا على عهد فقد ظعنوا أو يحفظون عهودا لااااأضيعها إن الكرام بحفظ العهد تمتحن  يا من يعز علينا أن نفارقهم وجداننا كل شئ بعدكم عدم نكاد حين تناجيكم ضمائرنا يقضى علينا الأسى لولا تأسينا لقد حالت لفقدكم أيامنا فغدت سودا وكانت بكم بيضا ليالينا 
|
|
#13
01-03-2012, 01:56 AM
|
||||
|
||||
__________________
امحي ذنوبك في دقيقتين فقط!!  دخول..........م.ت.ق.ط.ع
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:11 AM.
