العربى .....الامتحانات هذا العام فى نفس مستوى العام الماضى

[babagamil]

جمال العربى

أكد جمال العربى وزير التربية والتعليم أن امتحانات الثانوية العامة هذا العام ستكون فى نفس مستوى امتحانات العام الماضي.

وقال إن هناك معايير للورقة الامتحانية يلتزم بها واضعو الأسئلة ولا صحة لما يقال عن أن الوزارة تعمل على وضع امتحانات صعبة.

وأضاف رداً على سؤال لأحد الطلاب خلال لقائه بأعضاء مجلس الاتحاد العام لطلاب مدارس الجمهورية فى المؤتمر الأول للمجلس الذى يقام تحت شعار «المواطنة وقبول الآخر» إن امتحانات الثانوية العامة العام الماضى لم تكن سهلة كما يتصور البعض كما لم تكن صعبة أيضا.

وقال: إن مستوى الكتاب المدرسى ارتفع كثيرا وخلا من الأخطاء وإن الوزارة صححت أى خطأ ظهر به وانها تدرس نظام الكتاب الالكترونى الذى سيتم تطبيقه على مراحل.

وأضاف أن اصلاح التعليم الفنى إصلاح للمجتمع كله، وأبدى الوزير تعجبه من جلب عمالة من الخارج رغم وجود بطالة فى مصر، وأكد أنه مع بداية العام المقبل سيتم انشاء مدرسة فى كل مصنع ومصنع فى كل مدرسة لتوفير العمالة الفنية المدربة.

[assemgamal]

كده ظلم حراااااااااااااااااااااااااام الغش كان السنه اللي فاتت فوق ما اي حد يتخيل والامتحانات السهله يعني غش اسهل

[أميري]

هي سهلة بس مش لدرجة ان نص المدرسة تجيب 99 % كل ده من الغش واللجان السايبة

[babagamil]

اه عندكوا حق بس ان من وجهة نظرى سواء صعبه او سهله وفيه غش المجاميع هتبقى زى السنه اللى فاتت فلو جت نفس مستوى السنه اللى فاتت بدون غش تبقى كويسه جدا

[samah smsm]

يا رب سهل علينا السنة دى يا رب

[mezo king]

ابشروا ستاتى امتحانات الثانوية العامة بركانية مدمرة تدمير شديد شديد انا خايف نفسى اجيب فوق 95 بس شكلها صعبة فحت

[jjordon]

ممكن رابط الفيديو او مصدر الخبر ؟؟؟؟؟ انا عايز اتأكد

[ro2a2]

مش عارفه ليه انا مش مصدقاه حسه انها هتيجى صعبه بس على فكره لو جت الامتحانات سهلة ومفيش غش ناس كتير هينزلوا فى المجاميع

[babagamil]

المشاركة الأصلية كتبت بواسطة ro2a2

مش عارفه ليه انا مش مصدقاه حسه انها هتيجى صعبه بس على فكره لو جت الامتحانات سهلة ومفيش غش ناس كتير هينزلوا فى المجاميع

ياستى اتفائلى بس انتى وقولى يارب وعادى لو جت صعبه

[yusuf reda]

ربنا يقدم اللى فى الخير ياااااااااااارب

[masterh5]

ياجماعة الامتحانات لو جت سهلة ومفيش غش ده فى حد ذاته جمييييييييل جدا وبعدين تفاءلوا بالخير تجدوه ان شاء الله الامتحانات تيجى سهلة بس المهم اللى يذاكر

[mohamedmohamed1]

تخيلو لو الامتحانات جات زى مستوى السنة الى فاتت و مفيش غش و المجاميع قلت يا ترى تنسيق الهندسة والطب هيبقى اية

[مارينام]

تفتكرو يا جماعة انا ممكن الحق كلية طب القاهرة السنة دي انا بجد بدات اقلق

[تقية الله]

على فكرة يا جماعة المشكلة السنة اللى فاتت مش فى الغش والسهولة وان كان ىالغش كان لا يحتمل
لكن برضه التصحيح كان عليه عامل هام

وانن متمناش تبقى زى السنى اللى فاتت فى أى حاجة
بس ان شاء الله كل حاجة تحصل تكون خير حتى لو احنا مش شايفين كده

[Engtito]

حسبى الله ونعم الوكيل فيك يا جمال يا عربى زنبنا فى رقبتك ليوم الدين مش كفاية ساويتنا بالطلبة الفاشلين السنة إللى فاتت عايز تعمل كده تانى ؟!!!!!!!! يا عم حرام عليك نداء إلى كل الطلبة الفائقين إللى عاجبهم كلامى يارب الإمتحانات تيجى فى مستوى 2008 اميـــــــــــــــــــــــــــــــــــــــــــــــ ـــــن