عودة التكليف للحاصلين علي كلية تربية و لم يتم تعيينهم من دفعة 98 حتي الان

[muhammad shehata]

اخواني خريجي كلية التربية من دفعة 1998 و حتي الان

السلام عليكم و رحمة الله و بركاته

أنا أخوكم محمد شحاته خريج كلية تربية قسم لغة انجليزية دفعة 2004

دخلت الكلية دي علي امل اني هخرج اتعين، و لولا هذا السبب ما كنت لأدخلها أبدا

يا أخوانا

انا من 2004 و كعابي حفيت علشان الاقي عقد في التربية و التعليم حتي الان، و لاني ملتحي عجزت ثم عجزت ثم عجزت.

و بعد لما اروح و يقولوا لي مفيش عقود السنة دي، ابص الاقي اخ خريج اداب او تجارة واخد عقد و عقد مميز كمان.

انا بنتي دخلت تانية ابتدائي و لغاية دلوقتي متعينتش.

و مفيش لينا شغل في اي وزارة تانية غير التربية و التعليم.

نعمل ايه
يعني خريج اداب و تجارة و غيره ليه شغل تاني حكومة او غيره.

لكن احنا خريجي كلية التربية اللي الحزن راكبنا مش لينا شغل الا في التدريس.

-------------------------------------------------------------------------------------------------------------------------

عاوزين ننسق مع بعض
و نوصل صوتنا للمجلس العسكري .
و لرئاسة الوزراء
و لوزارة التربية و التعليم.


----------------------------------------------------------------------------------------------------------------------------

لان ده ظلم و حرام لاننا خريجي كليه مهنية ذي الطب و الصيدلة ، هل يمكن يشتغل دكتولا او صيدلي في غير مهنته.

من هنا عاوزين نرجع التكليف لخريجي كلية التربية من خريجي دفعة 1999 و حتي الان و تعيينا باثر رجعي كمان.

انا طبعا مش عارف اعمل ايه فعليا الان. ( انا طبعا عارف ان في وقفة يوم 10/9 لكن هذه الوقفة خاصة بكل مشاكل التعليم - لكن احنا خريجي كلية التربية من دفعة 1998 و حتي الان لازم يكون لينا دور اضافي و مستقل )

دي فرصتنا يا جماعة و ده و قتنا

ارجو اللي يقدر يقدم اي فكرة سواء الكترونية او اعلامية و اي شئ لا يتردد في الاتصال عليا رقمي 0109911855 اخوكم محمد
و طبعا كل افكارنا و وسائلنا في التعبير عن الرأي سلمية

انا هجيب بعض الاخبار في المشاركة القادمة لكن عاوز دعمكم و ناس تكون فاهمه في الفيس بوك و تويتر و غيرهم و يعرفوا يوصلونا للاعلام

ماسنجر transmagd***********