إزاى تعرف المصرى

[To Be Is To Do]

- لو سألت سواق تاكس على عنوان وبدل ما يدلك قالك امشي ورايا.. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه

- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

- لما تقابل واحد وتسأله وعمره مايقول "ما أعرفش!" .. يبقى مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا .. يببقى مصرى

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف ... يبقى الواحد (او الواحدة) ده مصرى

- لما تيجي تدفع الأجرة لواحد أول مرة تعرفه، يحلف عليك تخلي بأه .. يبقى مصرى

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة .. يبقى مصرى

- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري

- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات .. يبقى مصرى

- ولما تلاقى شعب فى اكبر ازمه بيمر بيها مابينساش يضحك ويطلع افيهات ويضحك اللى حواليه
وكل العالم يتكلم عليه وعلى خفته
يبقى ده أكيد الشعب المصرى

منقول للأفاده