تراجع شديد لقيمة رواتب المعلمين وخصومات

[استاذ مظلوم]

خبر بمناسبة تحسين حال المعلمين
____________________________


مع زيادة الاسعار وبشكل غير مسبوق وبدون رابط ولا رقيب قلت قيمة رواتب المعلمين جدا

بالنظر للزيادة السنوية الطفيفة فكل شيئ ارتفع سعرة بشكل لا يطاق مثلا كيلو الفراخ وصل

اليوم 17 جنية للأبيض 23 للأحمر !!!!!!!!!!!!

ولمواجهة هذا الغلاء تم خصم 9 بالمئة من رواتب العاملين بالتربية والتعليم لحساب المعاشات

ابتداء من هذا الشهر


هذا وتبحث الوزارة والسيد الوزير والسادة اعضاء مجلس الشعب رفع معيشة المواطن المصري

بصفة عامة والمعلم بصفة خاصة


وشكرا

[MUSTAFAEGYPT]

ربنا يستررررررررررررررر

[صفاء عزمى]

الجديد ابوسريع عايزك تروح مدرسة 6.30 وتروح 3

[محمد فاروق محمد علي]

علي فكرة مش تراجع في القيمة وبس
لا
وخصم ضرايب وصلت لخصم 200 جنيه في شهر فبراير 2012 و 200 جنيه في مارس 2012م هذا من مرتبي انا لا اتكلم عن احد غيري وعلي فكرة انا مرتبي هزيل بالنسبة لغيري في شمال سيناء تخيلوا الخصم عند زملائي الي هم اقدم مني يكون كام
مش عارف ليه ده بيحصل
احنا بسمع ان فيه حوافز للمستثمرين هو التعليم مش استثمار المفروض ذي ما بيعمل حوافز استثمار للاصحلب المصانع يعملوا حوافز استثمار للمدرسين مش عاوزينهم يزودونا بس يعافونا من الضرايب الي بيخصموها تحت مسمي الضريبة الموحدة علي الدخل اصل احنا عندنا دخل
المرتب بتاعنا كبير قوي علشان كده بيخصموا ضرايب

[محمد فاروق محمد علي]

علي فكرة انا اسمي محمد فاروق
وليس اسمي احمد كمال شومان بصراحه مش عارف الاسم هذا من اين اتي لي المهم انا بس بنوه علشان الأستاذ المحترم صاحب هذا الاسم لا يضار بسببي وكمان ببلغ المسئواون عن المنتدي لاني لا اعرف طريقة اصحح بها اسمي وحاولت كام مره ولكن تجيني رسالة ليبس من حقي دخول هذه الصفحة مش عارف ليه برده عموما انا بس بنوه ولكم جزيل الشكر

[sobhy333]

على فكرة مش اسعار الفراخ بس لا لا حتى الأسماك ارتفع سعرها من 11 جنيه الى 20جنيه لاقلاع الكثير عن الزيارة الشهرية للجزار ... النهارده واحد بيقول فين المستشفى اللى فيها مبارك اخد الاولاد واخد معايا علبة جاتوه واروح ازوره بقوله لا ازاى يا اخى عيب تقول كده وانت فى ثوره دا كان راجل لص ودمر البلد وعينك متشوف اللا النور على ردود الراجل والله يا اخوه معرفت ارد عليه ولا بكلمه ومن عباراته هقولك على سطرين فقط من الخمسين سطر اللى قالهم ( انبوبة البوتاجاز،البنزين،الامن،الأسعار،البناء على شريان مصر الزراعى،سرقة السيارات وصلت 800000 خلال3شهور مأتين رجل اعمال خرجوا اموالهم خارج مصر ، مجلس شعب الثوره اللى بدل الحزب الوطنى ) سطرين فقط اقول له اصبر ياأخى قاللى ايه اصبر وأخى (هو انت منهم ) تقوللى يا أخى أ،ا مش أخو حد 000 والغريب انه راجل محترم جدا ومثقف يارب انصر بلدك الامين اللهم انا لا نحسن التدبير فدبر لنا

[mahmod1964]

مش عارف ايه حكاية الخصومات عمال علي بطال في شمال سيناء من شهر يناير تناقص المرتب ثلاث مرات متتاليه لي في العمل 28 سنة وراتبي لم يتجاوز الألف جنيه أي دخل هذا الذي يعيش عليه 5 أفراد بالاضافة الي الغلاء والدروس الخصوصية

[روكا دودو]

تم خصم 42 جنية هذا الشهر من المرتب علشان المعاش

[السيدالقناياتي]

دي الهدية اللي بيقدمها لكم جمال العربي الوزير الوحيد اللي المدرس محصلش في زيادة في عهدة جفاف والحمد لله خصومات بس

[أ/رضا عطيه]

المشاركة الأصلية كتبت بواسطة mahmod1964

مش عارف ايه حكاية الخصومات عمال علي بطال في شمال سيناء من شهر يناير تناقص المرتب ثلاث مرات متتاليه لي في العمل 28 سنة وراتبي لم يتجاوز الألف جنيه أي دخل هذا الذي يعيش عليه 5 أفراد بالاضافة الي الغلاء والدروس الخصوصية

ليس خصما ولكن لرفع الأجور المتغيرة التى ترد لك فى شهرين أولاثة شهور من العام الماضى

فالأجور المتغيرة تضاف فقط على المرتب من سبتمبر وأكتوبر ونوفمبر وديسمبر تم ترفع باقى الشهور
الأمر الأخر كيف 28سنه ولم تتخطى الألف ؟
نرجو التوضيح فربما تجد عند الزملاء مايفيدك
شكرا

[الأستاذ علاء سليمان]

الاخ الكرام ارجو من لديه فكره عن قيمه العلاوه التى تضم هذا العام نقدير قيمتها
هل هى 36 حد اقصى او متغيره ممكن الاخوه يراجعها من كشف المرتبات وشكرا

[توفيق رفعت عجيز]

هي اصلا المرتبات في التربيةوالتعليم اعتبرها بدل بطالة او اعانة او بدل غلاء اسعار هي دي اصلا مرتبات

[جنةخالد]

[quote=أ/ رضا الجوهرى;4394692]ليس خصما ولكن لرفع الأجور المتغيرة التى ترد لك فى شهرين أولاثة شهور من العام الماضى

فالأجور المتغيرة تضاف فقط على المرتب من سبتمبر وأكتوبر ونوفمبر وديسمبر تم ترفع باقى الشهور
الأمر الأخر كيف 28سنه ولم تتخطى الألف ؟
نرجو التوضيح فربما تجد عند الزملاء مايفيدك
شكرا[/quote]هذا ليس خصم للمتغيرة ولكن خصم على طول فى المرتب لا ن نسبة الخصم اصبحت 10%بدل من 5%للمعاش مع العلم عند سؤلنا هل توافق ام لا المعظم قال لا لان نحن نعلم انها نظام سرقة لانهم مش لقيين فلوس للناس الطالعين على المعاش حديثاً فقالوا ناخد من الموجودين الان وربنا يحلها لما يطلعوا هما

[نانى المغربى]

المشاركة الأصلية كتبت بواسطة MUSTAFAEGYPT

ربنا يستررررررررررررررر

مش عارفبن آخرتها ايه

[hany_girgis73]

وافق وزير النقل على كل طلبات رجالة هيئة النقل العام و زودلهم مكافأة نهاية الخدمة لتصبح 72 شهرا بمعدل شهرين عن كل سنة خدمة بدون أي زيادة في الخصومات و إحنا الرجالة علشان يزودولنا في المكافأة لازم يزودو الخصومات للضعف يعني يقطعوا مننا أكتر من اللي بيدوهولنا وسلملي على الرجالة