حدث اليوم فى منطقة الشرقية

[محفظ بالأزهر]

السلام عليكم

ذهب اليوم زميل لنا فى المعهد من مسابقة 2005 الى المنطقة لتسليم الاوراق الخاصة بالتثبيت

طلب منه الموظف الذهاب الى التنسيق لاحضار الكشف الطبى و الفيش الجنائى و كانت المفاجأة بأن وجد

جميع الأوراق ملقاة على الأرض و عليك أن تبحث بنفسك لتجد أوراقك فوجد أوراقه ثم بحث عن بقية الاوراق

الخاصة بنا و بقية الزملاء فى المعهد و نحن فى معهدنا حوالى 15 متعاقد فلم يجد الكشف الطبى و الفيش

الجنائى الخاص بى و ببقية الزملاء و طبعا فى ناس كتير هناك لم يجدوا أوراقهم فذهبوا الى الموظفين

و شتموهم .......... الموظفين اغلقوا الابواب و امتنعوا عن قبول اوراق اخرى

معنى كده يا جماعة اننا هنضطر نعمل كشف طبى و فيش جنائى تانى

و حسبنا الله و نعم الوكيل

[Mr...Ahmed]

انتو لو رجالة كنتو ولعتو فيهم وهم جوه

[m.medhat ramadan]

لاحول ولا قوة الا بالله فعلا ياأخي هذا ماأكده لي أيضاً واحد زميلي ولكن قال أنهم فى النهاية رتبو الاوراق مره أخري بالحروف الأبجديه والحمد لله سلم ورقه وأخذ جواب التثبيت وحضر الي المعهد اليوم به ووزع علينا طبعاً حلاوة التثبيت عقبالنا ان شاء الله .ماأريد ان أعرفه حقاً هو مسابقة 2006 هم اللي باشروا العمل فى 1/2/2007 ؟

[mr_maro]

انا كنت حاسة ان ده اللى هيحصل

[جوجو***]

المشاركة الأصلية كتبت بواسطة m.medhat ramadan

لاحول ولا قوة الا بالله فعلا ياأخي هذا ماأكده لي أيضاً واحد زميلي ولكن قال أنهم فى النهاية رتبو الاوراق مره أخري بالحروف الأبجديه والحمد لله سلم ورقه وأخذ جواب التثبيت وحضر الي المعهد اليوم به ووزع علينا طبعاً حلاوة التثبيت عقبالنا ان شاء الله .ماأريد ان أعرفه حقاً هو مسابقة 2006 هم اللي باشروا العمل فى 1/2/2007 ؟

ايوه هم اللي باشرو في 2007

[جوجو***]

يا حضرة المحفظ
في اوراق كتير ضاعت فعلا من المناطق بسبب الاهمال وعدم التنظيم
وحضرتك لازم تعمل فيش جديد؛ لكن الكشف الطبي هتلاقي نسخة من في ملفك اللي في المعهد او دور عندك في البيت مش معقول يعني تكون عملت نسخة واحده في بداية التعيين بعد كل المعاناه اللي شفناها علي ما عملنا الكشف

[محفظ بالأزهر]

المشاركة الأصلية كتبت بواسطة جوجو***

يا حضرة المحفظ
في اوراق كتير ضاعت فعلا من المناطق بسبب الاهمال وعدم التنظيم
وحضرتك لازم تعمل فيش جديد؛ لكن الكشف الطبي هتلاقي نسخة من في ملفك اللي في المعهد او دور عندك في البيت مش معقول يعني تكون عملت نسخة واحده في بداية التعيين بعد كل المعاناه اللي شفناها علي ما عملنا الكشف

انا عندى نسخة فعلا بس هما عايزين اصل

[mab4math]

الاهمال دا في كل المناطق والادارات الازهرية وغير الازهرية.

[احمد الطيرى]

يا ما تعبنا جدا فى الاقصر بسبب اهمال الموظفين

[(اايات الرحمن)]

حسبى الله ونعم الوكيل

[نادرة الازمان]

احنا معنا صورة من الكشف الطبي لكن هما طالبين الاصل

اعتقد كمان مفروض البطاقة تكفي

[heba_elshopaky]

انا رحت ادور علي ورقي ما لقيتو (الكشف الطبي)فروحت ع المبره وجبت استماره كشف طبي وحجزت ميعاد وروحت مليت البيانات من التعيينات بالمنطقه وختمتها...علي فكره الكشف الطبي بقي بيتعمل كله ف نفس اليوم من المبره وبس....ربنا يسهل...وكمان واحده زميلتي من 2005 مالقيت الكشف الطبي هناك فراحت عملت واحد مستعجل وبعد ما خلصتو راحت سلمت الورق ف المنطقه ف نفس اليوم واستلمت جواب التعيين

[semooo_0]

ياجماعه لازم الناس دى تتحاسب ايه الاهمال دا مينفعش كدا هما رموا الاوراق على الارض علشان مكسلين يدوروا امال هما شغلتهم ايه يقعدوا على المكاتب يشربوا شاى وخلاص بصراحه لازم يتحولو اللتحقيق

[عبدالله1983]

يجب علينا حبس وكيل الوزاره وعدم الافراج عنه الا بعد اقالته يسط الاهمال يسط المهملين

[mr_maro]

فعلا والله لو امتنعنا كلنا عن عمل ورق جديد ونطالبهم باوراقنا مانا اتعلموا الادب