المعينين بقرار 90 بمحافظة قنا وقفه غدا الاحد الساعه 11 صباحا

[yso]

طبعا احنا اتضحك علينا والمفروض اننا اتثبتنا بالاسم ولا بدل نقدى ولا اقامة وغير كده ولا مرتبات كمان وشغالين لله وللوطن واخر حاجه قبضناها شهر يناير قصدى الشهر الوحيد اللى قبضناه ومواصلات رايح جاى 5 جنيه فى اليوم ولا حد حاسس بينا وكل ما نروح نسأل فى الاداره الزفت يقولولنا قرار 90 ده لسه مفيش فلوس ليه ومدير الاداره المحترم بيقول ان الفلوس بتاعتنا من الوزاره وهو اصلا رجل مغيب ميعرفش ان احنا بنقبض من فلوس الانشطه يعنى يجمعوا الفلوس وبعدين يعطفوا علينا بيها والسبب اننا مش نزلنا فى الميزانية الجديده وهو طبعا مش حاسس ولا فارقه معاه لانه بيقبض كل شهر وقاعد على مكتب مش بيطحن زينا رايح جاى و قولنا نستحمل لحد شهر 7 الجديد بقى اننا مش هننزل حتى فى الميزانية الجديده وبيضحك علينا وغير كده فى ناس بتاخد مرتب اكبر مننا فى نجع حمادى وابوتشت احنا ياجماعه لازم نعمل وقفه علشان اسمائتنا تنزل فى الميزانية وناخد حقنا حرام نشتغل كده على طول ونفضل نشحت منهم بكره كلنا قدام المحافظه الساعه 11 هى دى وقفه المصير بتاعتنا ياريت الكل يبلغ بعضه فى جميع الاماكن وياريت اخوانا بتوع ابوتشت يكونوا معانا وجميع الاماكن علشان صوتنا يوصل وناخد حقنا زى باقى الناس اللى اتثبتوا بقرار 75 الوزارى عايزين نرجع زى زمان ونصلح القرار ده ياكده يا اما حقنا يبقى ضاع والناس اللى بعدنا هتتثبت من الوزاره واحنا زى ما احنا وده مش كلامى ده كلام من الاداره والتنظيم والاداره كمان ياريت بلاش نبقى سلبيين ونروح بكره