خدني الحنين ( z . E . R . M . H . F )

[مـــــلك]

خدني الحنين
لسنين زمان أنا عشتها
الله عليها نفسي بجد أرجعلها
ويا الصحاب كانت الحكايه
أكتب سنيني ويا الصحاب
والله تملا مليون روايه
أجمل صحاب
أجدع صحاب
صحاب زماااااااااان
وكنا شله حوالي سته
لكن بألف
الفرح واحد
والحزن واحد
والجرح واحد
ولما نضحك صوتنا واحد
ولما ننطق كلامنا واحد
أنا كنت فاكره أني لما بعدت عنهم
لما أتعب مش هلاقي حد منهم
لكن
لكن بجد
أجدع صحاب أتلفوا جمبي
لما كنت مريضه نايمه
لقيت قصادي خمس زهور
Z . E . R . M . H
أبص في عيونهم ألاقي أيه ؟
سنين كتير ده عمر بجد الله عليه
وفضلوا جمبي وفكروني بحاجات كتير
وفكروني بيوم زمان خرجنا فيه
كان يوم جنان
وفكروني بيوم زمان بكينا فيه
ويوم زمان ضحكنا فيه
ويوم زمان لعبنا فيه
وأنا قولت فاكره
أنا قولت فاكره
كل حاجه ليكم فاكره
طب هانسى أيه ؟
هو أنتم حاجه تتنسي
وأنا عمري أيه من غير سنينكم
ده عمري كله يتنسي
وسنيني وياكم والله ماتتنسي
أنافاكره أنه كان لينا حركه في السلام
وحركه برده للكلام
وكان لينا يوم في بيت كل واحده مننا
ولينا يوم بنخرج فيه كلنا
وسفرنا كان مع بعضنا
وفاكره أنا محصلش يوم زعلنا فيه
وبعدي عنهم مش زعل
لكن ظروف
وخلصت خلاص
وبينكم هافضل مش هاختفي
أصل الحنين
خدي لسنين أنا عشتها
الله عليها لما رجعتها

بقلمي
كنـــــــــــــــــــــارة