مين متشوق لهندسة ؟ تعالى اما اوريك اللي فيها

[Engineer ..]

السلام عليكم ورحمة الله وبركاته
أولاً سامحوني على اللغة العامية اللي هتكلم بيها
احبائي الطلبة اللي لسه مشفوش اللي احنا فيه
بص يا عم انت وهي اللوقتي لو هتموت وتدخل هندسة فأنا أحييك على حبك للكلية دي
المهم
انت هتدخل الكلية هتفرح اوي اول اسبوعين
اوي اوي وتحس انك عالم بجد
هتاخد شوية مواد حلوين اوي اوي وبجد لو فهمتهم هتبقى مهندس مهندس بجد يعني
تعرف مهندس يعني منظم أصلاً فهنيئاً لك الكلية
ندخل بئه كنظرة عامة وشامله
الرسم الهندسي ده اهم و أخطر واجمل مادة
ركز في الكلام شوية
اهم واحطر واجمل
يعني الرسم تحبه لكن ميحبكش
لازم تصبر عليه
أنا هجيبلك رسم من رسمي الشخصي عشان تشوف وتحكم وهو بترتيب مواضيع المنهج
وبما اني على قد حالي خالص ف الرسم ففيه اجمل من كده مليون مرة
اولاً العمليات الهندسة وهي رسم شوية دواير و اقواس ودي بتساعد في الموضوع اللي بعده اللي اسمه المنظور الأيزومتريك وهو رسم مجسم للأجسام الهندسية المطلوب تصنيعها

زي الرسمه دي





ودي كمان منظور للرسمه اللي تحت





بعدها موضوع استنتاج المسقط التالت والقطاعات وده بيديك مشهدين للجسم وانت تتخيل التالت معتمداً على الله اولاً ثم على قواعد ثابته وبيطلب فيهم قطاعات زي اللي هوريهولك ده













طبعاً دا كان جزء من مادة اسمها الرسم الهندسي
والباقي كتيييييييييييييير جداً
بس حبيت اشوق اللي منتظر جبيبته
الهندسة
ملاحظة هامة : بلاش تحب في الكلية احسنلك
ههههههههههههههه
هتتبهدل

فاللي طالبه منك انك تذاكر الفترة دي لأن الهندسة بجد ممتعة ولذيذة و مع ناس حلوة وناس تانية متصدقهومش هيقولولك دي صعبة و هم وغم وعم وكلام فاضي كده بتاع الناس الفاشلة

متشوق بئه ولا لسه ؟

يارب كل علم رياضة يدخل هندسة