ازاى تظبط نفسك فى الفيزياء الفتره دى :d

[babagamil]

ازيكم ياجدعان وحشتنى والله ايام الثانوى والمنتدى جدا جدا جدا انا اخوكم عمرو صيدلة القاهره افتكر انى كنت زيكوا السنه الى فاتت بالظبط برده ربنا معاكوا :D عشان متطولكش عليكوا الى تعملوا ايه الفتره دى :D بصوا بقى كتاب الامتحان الجزء التانى الى فى تعريفت وتعليلات وامثله محلوله والتجارب احفظوه الفتره دى ولو كل يومين فصل هيظبط معاكوا اوى وبعدين جيب كتاب الوسام الاحمر سيبك من الاصفر معقد ع الفاضى الاحمر حل فيه اسئله التعليلات والمسائل والامتحانات الى فيه وورى الاجابات للمستر بتاعك والى مش فاهمه احفظه وش :D طبعا مع حل للمسائل وانت مدرب من اول السنه هتلاقيها متكرره فى الامتحانات سنين الى فاتت انا عملت كده الحمد لله متوهش نفسك الامتحان بيجى سهل جداااا وربنا ماعدا حوالى 5 درجات للمتميز اوى دول هتجبهم من الوسام الاحمر ومن حلك للمسائل بس :DDDD

[AHMED SAMIR ELBAZ]

مشكور على النصائح الغالية دى

[M..Elawady]

بجد نصائح مفيدة ومشكور عليها طبعا

وربنا معانا كلنا

[محمود شقرون]

ايه الوسام الاحمر ده
انا معايا الوسام اللي فيه الشرح
وللاسف انا بحل مع نفسي ومش بروح لمدرس اراجع معاه عشان اوريه
بس قولي الوسام اسمو المراجعة ولا ايه ؟؟؟

[babagamil]

المشاركة الأصلية كتبت بواسطة محمود شقرون

ايه الوسام الاحمر ده
انا معايا الوسام اللي فيه الشرح
وللاسف انا بحل مع نفسي ومش بروح لمدرس اراجع معاه عشان اوريه
بس قولي الوسام اسمو المراجعة ولا ايه ؟؟؟

ده كتاب فيه مسائل واسئله واختبارات مراجعه لونه بيكون احمر مش كبير ممكن تجيبه وتلحق تخلصه كل يومين فصل حتى بس اكيد فى حاجات قدامك وانت بتحل الكتاب ده هتقف قدامك ابقى وريها للمستر بالذات المسائل

[M..Elawady]

لازم تروووووووووووووووح لمدرس تراجع معاه

دى اول مادة لازم حتى ع الاقل لو انت واثق وتمام
تراجع معاه او تشوف حاجه مش عارفها يحلها يا محمود
وده راى المتواضع طبعا

[ahmed ali12345]

انا بردو براجعها لوحدى وماشى فيها كويس.
اصل المدرس هيراجع ايه؟؟
النظرى عبيط
والمسائل متجاوبة
والمسائل المعقدة وبتاعة الاولمبياد سيبك منها

[جسام الزلباني]

مشكوووووور

[Sife alnar]

مشكور وفقك الله