عاجل لطلاب الثانوية العامة : الآن اعرف رقم الجلوس ومقر لجنتك

[جمال الدين أحمد]

تـم إعــلان أرقـم الجلـوس ومقــار اللجـان الخاصـة بطــلاب الثانوية العامة بمرحلـتيها ( الأولى - الثانية ) للعـام الدراسي 2011/2012 من خلال ( كود الطالب - كلمة السر ) ، ويمكن للطــالب الإطلاع على المواد الاختيارية والإجبارية التي سوف يودى فيها الامتحان هذا العام .
http://services.moe.gov.eg/
مع تمنياتنا بالتوفيق والنجاح.
جمال الدين أحمد

[mysteriousman2]

شكرا لحضرتك ع المجهود ده

[mrmooor]

ميرسي جدا لحضرتك بس معلش عندى سؤال
انا سنه تالته حولت من علمى ل ادبى ولما دخلت لاقيت نفس رقم جلوس السنة اللى فاتت مع تعديل المواد طبعا بس انا دلوقت عايزه اعرف هل ليا بطاقة رقم جلوس جديده ولا لا ؟
شكرا مره تانيه................

[m_hilal]

طب انا مش عاارف ايه كود الطالب ده ولا حتى الرقم السرى ؟
ممكن حد يفيدنى .

[sad nono]

المشاركة الأصلية كتبت بواسطة m_hilal

طب انا مش عاارف ايه كود الطالب ده ولا حتى الرقم السرى ؟
ممكن حد يفيدنى .

الكود اللي انت سجلت بيه الاستمارة قبل كدا

[M..Elawady]

بس واللى مش عارفهم
الكود والرقم السرى

[mimo108]

معلش حسأل سؤال سخيف شوية هو احنا لما بنروح مقر اللجنة الطلاب اللى فى المدرسة بتاعتى مثلا بيبقوا معايا ولا كله بيتوزع على مدارس مختلفة

[احمد هشام مجدى]

المشاركة الأصلية كتبت بواسطة mrmooor

ميرسي جدا لحضرتك بس معلش عندى سؤال
انا سنه تالته حولت من علمى ل ادبى ولما دخلت لاقيت نفس رقم جلوس السنة اللى فاتت مع تعديل المواد طبعا بس انا دلوقت عايزه اعرف هل ليا بطاقة رقم جلوس جديده ولا لا ؟
شكرا مره تانيه................

طبعا ليكى بطاقة جديدة
انا برضو فى ثالثة محول ادبى
ورحت اخدت البطاقة الجديدة

[yoyeta]

انا دلوقتي بدخل الكود و كلمة السر يقولي كلمة مرور غير صحيحة
و آجي اسجل بكلمة السر دي في البريد يدخلني
ممكن حد يقولي الغلط من عندي و لا من عندهم

[user22]

تسلم يا صاحبي , كله تمام وعرفت رقم الجلوس ومكان اللجنة , مش عارف ليه غيروا المكان .. ممكن علشان ما تبقاش الطلبة عارفة الأماكن السرية في المدرسة خصوصا أنها مدرسة بنات ...