مرسى ولا شفيق.. "محتار اختار مين فيهم"!

[abomokhtar]

وضعت الجولة الأولى من الانتخابات الرئاسية محمد مرسي وأحمد شفيق في مواجهة قوية في النهائي الرئاسي، وقبل هذا النهائي المرتقب يردد كثير من الشباب أغنية "محتار اختار مين فيهم" لكن دون إكمالها، "هما الاتنين عجبني"، لأن البعض يرى الاختيار بينهما صعبا، فسادت لدى الكثير من المصريين حالة من الحيرة والقلق..
فالمصريون الآن يعانون من "صراع الأحجام – الإحجام" وهذا الصراع هو حالة تحدث حين يقع الإنسان بين هدفين أو اختيارين كلاهما منفر، فلسان حال الكثيرين يقول: "حائر بين الدواء المر والمرض المؤلم".
وبتصفح سريع لرأي بعض الشباب على الموقع الاجتماعي "فيس بوك" وجدنا:
محمد مهدي يقول: "الإعادة بين مرسي وشفيق ليست إجبارا على الاختيار بين الفاشية الدينية والعسكرية، لكنها إجبار على الثورة بأيديولوجية دينية ودولة مبارك العميقة".
أما فاطمة إمام فأيدت الدكتور مرسي قائلة: "مرسي طبعا على الأقل لو اتظاهرت ضده مش هيموتنا وينزل الجيش يحميه".
وبروح الفكاهة المعروفة عن المصريين تقول مي مراد: "من منطلق إن مصر هي أمي يبقى صوتي لمحمد مرسي، كتير أمي وأمك بيعملوا أكل مبنحبوش... اطفح وأنت ساكت".
أما البراء أشرف فله تحليل خاص فيقول: "أنا مش بختار الرئيس اللي هيحكمني، أنا بختار الرئيس اللي أحب أناضل ضده وأعارضه، بالنسبة لشفيق فأنا جربت النضال ضده ومعارضته والثورة عليه أيام مبارك، أما النضال ضد مرسي نضال حقيقي ومختلف وهنتعلم منه كتير، صوتي لمرسي اليوم وضده غدًا".
وعلى الجانب الآخر ستجد من يدعمون الفريق شفيق فتقول مريم عاطف: "انتخبوا شفيق، وحافظوا على مدنية مصر، انتخبوا شفيق وانزلوا تاني يوم عارضوه، لكن لا ترجعوا لمئات السنين من الجهل والتخلف، لا تعطوا بلادكم، من ركبوا ثورتكم، مش دول اللى رفعتوا الجزمة عليهم فى التحرير وقلتوا ركبوكم، جايين دلوقتى تميلوا ضهركم وتقولهم اركبونا كمان!".
كذلك تقول ريموندا ثروت: "مش هدي صوتي لمرسي عشان أول ما يحكمنا يقعدنا في البيت، ده أصلا لو سابنا نعيش في البلد".
.......
وأنت قررت تصوت لمين؟

اقرأ المقال الأصلي علي بوابة الوفد الاليكترونية الوفد - مرسى ولا شفيق.. "محتار اختار مين فيهم"!

[yaser5544]

انتخب رئيس لاولادك

[ميرفت صالح]

هانتخب مرسي ....
هانتخب اللي كان جانبي في الميدان بيحوش عني رصاص القناصة و كرات اللهب
هانتخب اللي وقف جانبي في اللجان الشعبية
هانتخب اللي نام جانبي على الرصيف و كنا بنقسم مع بعض اللقمة سوا
و مش هانتخب شفيق...
مش هانتخب اللي كان بيبعت القناصة علشان يقتلوني في الميدان
مش هانتخب اللي كان بيبعت البلطجية و الجمال علشان مبارك يستمر في الحكم
لو عايزين نقارن بين مرسي و شفيق صح......
يجب أن نتذكر ال 18 يوم التي كنا فيها في الميدان ...
و نسأل أنفسنا من كان معنا مجاهدا متحملا ما نلقاه من تعذيب و قتل ....
و من كان مع المعسكر الآخر آمنا على نفسه بل و مشاركا في قتلنا و تعذيبنا

[Mr.Hani]

كلاهما مر
كلاهما مر

[صوت العقل]

انقاذ ما يمكن انقاذه فقط ..
شكرا .. جزاكم الله خيرا على نقل الخبر ...