حتى ابليس يأس !!!

[اخو الكل]

على باب سفارة كندا
..لمحت ابليس و ف ايده استماره
..بقول له على فين
..قاللي بص
..يا هجره يا اعاره
..يا عم زهقت كفرت
..الاقيش معاك سيجاره
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه
...و برضه مفيش فايده

منقول...

[مس رانيا حسن]

موضوع فى الصميم

ويحكى حالنا
مشكور على الموضوع
ننتظر المزيد

[اسيرالخطايا]

ههههههههههههههههههههههههه

يالا ربنا يوفقه

[ابوالنور]

ههههههههههههههههههههههههههه شكراا على الموضوع

[MASFMOHAMED]

حتتي ابليــــــــــــــس يا سبحان الله

[لولو داد]

هههههههههههههههههههههه
بجد موضوع فوق رائع
شكرا على الموضوع الجميل

[الدائمة الحزن]

الموضوع حلو جدا
بس بيتهيألي انه موجود هنا في القسم
ايا كان
شكرا لحضرتك علي النقل المميز

[MohammeD el_SadaT]

حتى إبليس صعبة عليه نفسه
و
الله فعلاً
هم يضحك وهم يبكى

إمته هنفوق

[شموخ مسلمة]

و الله لما بقرا الموضوع ده بضحك جداااااااااااااااااااااااااااا مع انى المفروض ابكى

بس اقول ايه اصل ساعات الدموع مش بتنزل فلما نضحك من كتر الضحك هنبكى

شكرااااااااااااااااااااا ع الموضوع

[Rambo_Uranium]

هههههههههههههه
موضوع هايل شكراااااااااااااا

[اخو الكل]

ده ابليس ولسه..........