حاجة تفرس

[هارى12345]

ازيكوا يا كتاكيت ويا كتكوتات

انا مفروس شوية فقولت اعمل موضوع يشيل عنى شوية
انتوا مش ملاحظين ان فيه فرق كبييييييييير بين الثانوية قبل الثورة والثانوية بعد الثورة
ازاى
فى الاول الاعلام مكنش بيلاقى حاجة يعملها كل الاخبار بايته .فكانوا يستنوا امتحانات الثانوية على احر من الجمر علشان الناس تستمع القناه الفلانيه والقناة الاحسن هى اللى تجيب اكبر عدد من العيال اللى طالعه تعيط علشان يشدوا المشاهدين ليهم
وزى ميكون العيال مصدق تلاقى قناة بتصور ويشتغلوا فيها
ويطلع العيال
(ااااااه وااااااء ايه ده الامتحان من برة المنهج وفى مستوى الطالب المتميز واللوقت غير كافى وجذئيات غامضة و.......................)
الاسطوانة اللى بنبقى سامعينها وحافظينها
مثلا امتحانات 2010
والله هى الا متحانات الصح وهى اللى بتميز اللى مذاكر من اللى مش مذاكر ومع ذلك كانت امتحانات سهلة وجميلة وغير ما بيقولوا وخالص واللى يقول غير كده يبقى مش مذاكر.....ومكنش يدخل ثانوى
امتحانات 2008
والله اللى حطها فنان وامتحانات عادية جدااااا اللى مذاكر هيحل واللى مش مذاكر مش هيحل ودى حاجة طبيعيه.واسمع الناس هنا بيحطوا امتحانات 2008 اقصى صعوبة فى الامتحانات.
والله امتحانات جميلة يا عااااااالم
نيجى بقى لبعد الثورة.....
فيه بقى انتخابات الرئاسة وغيره
طيب القنوات هتسيب الحاجات دى وتروح للثانوية

طبعا لا
بس لازم يغطوا الحدث فيجيبوا اتنين تلاته يقولوا الامتحان سهل والسلامة
بس هل فعلا الامتحانات سهلة؟
لا الامتحانات مش سهلة .الامتحانات غبيه ومتخلفة واللى حطها ربنا ينتقم منه
هو علشان يرضى الناس اللى بتطلع تعيط.يروح يجيب امتحانات تساوى اللى مذاكر واللى مش مذاكر .ومع ذلك فيها جذئيات تغلط اللى مذاكر واللى مش مذاكر
مثال.امتحان الجبر 2012
عندنا فى المدرسة والله العظيم وحوش.ايوة وحوش مذاكرة وبيعلوا عن 100% وال99.5%
وكل واحد حالل بطريقة .ومدرسين المنتدى كل واحد حالل بطريقة والمدرسين اللى سألناهم كل واحد ليه حل غير التانى
امتحان الفرنساوى2012
امتحان حرام بجد الواحد يذاكر من شهر 7 لشهر 7 وبعدين يجيبوا امتحان يحله بتاع kg2
وبعدين؟؟ .
امتحان اللغة العربية
والله هولع .هولع
طلع الوزير يقولك الامتحان فى مستوى الطالب المتوسط والوقت كافى للاجابة والمراجعه
الامتحان سهل مقلناش حاجة
بس يقولك الوقت كافى للحل والمراجعه ؟؟؟؟
انا عن نفسى ايدى جالها شلل نصفى من السرعة فى الحل
واللى يقولك الامتحان كان عادة وخلصته بسرعة
يبقى انت حضرتك من اللى بيعتمدوا على احفظ سطرين واكتبهم فى الاجابة وشكرا.
لا يا حبيبى لازم الاجابة النموذجيه.
والله واحد زميلى مكنش بينام
وملحقش يخلص التعبير .شوفوا بقى جاتله حاله نفسية تصعب على الكااافر
يعنى بالزمة نقعد نحفظ 10 شهور فى الدروس وبعدين لو كتبنا اجابات مختصرة ينقصونا ولو كتبنا اجابات نموذجيه منلحقش نخلص؟
وغيره وغيره متعدش
وتطلع العيال يقولوا الامتحان سهل والوقت كااافى للمراجعه
ديما خدوها قاعدة
امتحان سهل.................يبقى من خارج المنهج وطويل وصعب
امتحان طويل ولا فيه حاجة .....................امتحان سهل وجميل ومتوقع
وشكرا وحسبى الله ونعم الوكيل فى اللى حط امتحانات تساوى اللى عينه طلعت فى المذاكرة واللى مقضيها لعب
والله مستقبلنا هيضيع من الهبل بتاعهم ده
والسلام ختام