اذا كان الاخوان وحشين فلماذا يفوزو فى الانتخابات

[almoalem]

اقول كفايه هجوم على الاخوان واعملوا زيهم هم متداخلين مع المعلمين ومحترمين والمعلم بيفهم مين الحلو ومين الوحش وكفاية حقد عليهم وحطوا ايديكم فى ايديهم لتكون نقابتنا حرة ونستفيد جميعا وبلاش السلبية والنقد الهدام كونوا موضوعيين لو هم وحشين فلماذا المعلمون اختاروهم بغالبية على مستوى الجمهورية

[magdymhdy]

للاسف كنت اتعاطف جدا مع الاخوان ولكن بعد ماحدث وتخليهم عن مشاركة جموع المعلمين اقول لهم لقد ظهرتم على حقيقتكم طز فيكم الف مره اما عن موضوع كيف نجحوا فلقد نجحوابالغش والخداع

[بر الوالدين]

والله العظيم انا لا اعرف ان المرشحين من الاخوان المسلمين ولكن كل الحكاية ان لينا زميل لينا معاه عربية كان ينقل المدرسين الى اللجنة ويجبهم تانى ويحدد قائمة بندخل بيها الى اللجنة ونختار من القائمة ويأخذ مجموعة اخرى ويجبهم وهكذا و احنا كنا فرحنين علشان اول مرة نشترك فى انتخابات النقابة.

[د.محمود]

الاخوان مشهورون بصفقاتهم القذره للوصول الى اغراضهم

لا يتوانون فى عمل أى شئ للوصول لهدفهم

أعرفكم بأنكم خسرتم الكثير بهذه المبادره

ولن نتوانى فى الدفاع عن حقنا
وساعتها هتقولوا احنا اللى اصحاب الفضل
ولا عجب

عادتكم ولا هتشتروها

[اشرف عبد عيد]

احنا ال ساعدناهم على كده
ونستاهل ال هيجرى لنا

[thany2000]

لللاسف الواحد بيندم ان اعطي صوتة ليهم لكن ملحوقة ان واسرتي ومحيط العائلة كلها

[almoalem]

المشاركة الأصلية كتبت بواسطة د.محمود

الاخوان مشهورون بصفقاتهم القذره للوصول الى اغراضهم

لا يتوانون فى عمل أى شئ للوصول لهدفهم

أعرفكم بأنكم خسرتم الكثير بهذه المبادره

ولن نتوانى فى الدفاع عن حقنا
وساعتها هتقولوا احنا اللى اصحاب الفضل
ولا عجب

عادتكم ولا هتشتروها

فين الصفقة فى الانتخابات هم انتوا مش لاقيين حاجة تقولوا على الاخوان حاجة غريبة ايه الحقد ده

[يوسف اسامه]

احنا اللى نجحناهم لاننا انتخبناهم وبعد ما نجحوا نقضوا عهدهم معانا معنى كدا اية هما حلوين لا هما منافقين ويبقوا يقابلونا فى الانتخابات الجاية مجلس الشعب والشورى

[sammos]

تلاعب الاخوان واتفقهم مع الحكومة واضح جداااااااااااااااااااااااا
يعنى ايه يدوا فرصه للحكومة اسبوعين
هما عارفين كويس ان الحكومة مش هتنفذ اى شئ والا كانوا نفذوا بعد اكبر وقفه فى تاريخ التربية والتعليم يوم 10 / 9 وان اخر ورقه فى ايد المعلمين هى الاضراب ولو اتحرقت الورقه دى كل سنة وانت طيب يبقى كلام الوزير ومستشارينه صحيح مائة فى المائة وان مافيش اضرابات ومافيش داعى لقلق الحكومة و الشعب
وثانى شئ تشتيت المعلمين بعد الاتفاق على الاضراب يوم الاحد اللى كنا نتمنى مشاركه 10 % من المعلمين فيه بعد التشتيت ده ناس هتستنى اسبوعين وناس لا ويبقى اتحادنا ضاع وراح

ياريت يا جماعه مانأخذش اوامر من احد
وبقولها بصوت عالى الان وبعد ان كنتت من مؤيديهم لن ارشح الاخوان فى مجلسى الشعب والشورى انا واسرتى بالكامل واخوتى واسرهم
يعنى انا معلم واحد خسروا بسببى 12 صوت ياريت باقى المعلمين يعرفوا الكل ان اللى يتخلى عنه هيخسر كتير احنا مليون معلم

[ميرو1988]

شىء طبيعى انهم ياجلوا الاضراب عشان خاطر الانتخابات وكده
الاخوان واقفين ضد الاضرابات من اول اضراب الاطباء والمهزلة اللى عملوها لما حطوا ايديهم مع فلول الوطنى
اخر نقطة ياريت حد يدينى نسبة المشاركة من مجموع المعلمين عشان لو المشاركة مزديتش عن 10 فى المية ميهمنيش النتيجة ومتلزمنيش

[العربى446]

انا كنت ضد الاخوان فى انتخابات النقابه لسبب بسيط هو انى اعرف ان الاخوان هدفهم الانتشار الافقى فى المجتمع والسيطرة على كل النقابات والمجالس المحلية والجامعات كل هذا قبل الانتخابات لكن بعد ان ظهرت النتيجة فى شبرا الخيمة غرب انا احترم رأى الاغلبية وادعم الاخوان او غيرهم طالما اتوا بالانتخابات النزية وحتى لو كانت هناك بعض التجاوزات لكن علينا تعلم احترام رأى الاغلبية وهى دى الديمقراطية وعلينا ايضا دعمهم وعدم افتعال خلافات حتى نجعلهم يتقدموا بالنقابة وان لم يفعلوا سوف نسقطهم فى الانتخابات القادمة لذلك انا ادعم كل من نجح فى الانتخابات مبروك علية وعلينا

[seif20010]

اذا كان الاخوان وحشين فلماذا يفوزو فى الانتخابات - عايز تعرف اسأل معلمى المنزلة دقهلية لقد كسر الاخوان اعينهم بحفلات الفطار المجمع فى شهر رمضان الكريم

[مستر شكري صيام]

المشاركة الأصلية كتبت بواسطة almoalem

اقول كفايه هجوم على الاخوان واعملوا زيهم هم متداخلين مع المعلمين ومحترمين والمعلم بيفهم مين الحلو ومين الوحش وكفاية حقد عليهم وحطوا ايديكم فى ايديهم لتكون نقابتنا حرة ونستفيد جميعا وبلاش السلبية والنقد الهدام كونوا موضوعيين لو هم وحشين فلماذا المعلمون اختاروهم بغالبية على مستوى الجمهورية

فعلا المعلمون اختاروهم علي مستوي الجمهورية .. ليس للكفاءة .. وانما لانهم يلعبون علي وتر حساس داخل كل مصري وهو الدين لكنهم لم يقدموا اي شئ يفيد مصر و المصريين . حتي وان لم يكن في صالح مصر الاهم هو مصالحهم . واقرب دليل الاستفتاء الذي تم فهم تفننوا في التاثير علي الناس من خلال الدين لرفض تعدير الدستور باختيار [ لا ] والكل يعرف المؤتمرات التي عقدوها والنتيجة ما نعانيه الان من ضبابية الموقف التي لا ينكرها احد . اخرها الفوز في انتخابات النقابة واول قرار لشكر المعلمين الذين انتخبوهم بعدما سحروهم باقوالهم الرنانة التي تعتمد علي استغلال الدين هو عدم المشاركة في اضراب المعلمين . حنقول يجب ان ياخذوا الفرصة .. اعلانهم لم يحدد جدول زمني محدد لخطتهم لتحقيق مطالب المعلمين فان قالوا مثلا لا يتم الاضراب وتبدا الدراسة بشكل عادي لمدة اسبوعين لحين اجراء اتصالتهم وجهدهم .واذا لم يتحقق شئ فهم اول المضربين .[ للاسف هم يعلمون ان الحكومة لن تقدم شيئا للمعلمين ورد الحكومة واضح من البداية باهمال المعلمين برمتهم ]
لكن لم يحدث ذلك وانما تحدثوا بعبارات مطاطية باسلوب الحزب الوطني سابقا
ويبدو ان المرشد هو الذي سيحكم مصر مستقبلا
[ نظام ايران يوجد به وظيفة المرشد الاعلي للثورة ]
اخشي ان تتحول مصر الي ايران جديدة

[أ/ محمد رجب]

اخوان ومسلمين اسم في غير موضعه ولا تغتر بالاسم ماهو الا ستار لكي يصل به الي الكرسي وستار ليخفي ألاعيبهم القذرة ولكن للآسف قليل جداً اللي فاهمهم

[emtech]

اختاروهم لانهم اعتقدوا انهم مع حقوق المعلمين ولكنهم كانوا منافقين فان كان اصحاب مبدا كما تقول فلماذا لم يعلنوا موقفهم قبل الانتخابات فهم منافقون ونحن كنا ساذجون