خش وقول هتذاكر الجبر و الفراغية ازاي

[Eng.ABDO2015]

يارت كله يقول هنذاكر الجبر والفراغية ازاي ومنين نحل المسائل و بالذات في الفراغية و نركز على مسائل الكتاب ولا لأ و لا نركز على مسائل تقيلة لأنه انا حاسس ان امتحان الفراغية هييجي زي الميكانيكا و التفاضل

[user22]

أنا من رأيي ما نذاكرش حاجة , لأن اللي ذاكرناه في الميكانيكا والتفاضل ما جاش منه حاجة

يعني ذاكرنا ولا مذاكرناش النتيجة واحدة

لأ بجد مش عارف اللي حاط الامتحان بيفكر إزاي ولا ايه مصدره , بس هو أكيد بعيد عن كتاب الوزارة والامتحانات السابقة

[Eng.ABDO2015]

المشاركة الأصلية كتبت بواسطة user22

أنا من رأيي ما نذاكرش حاجة , لأن اللي ذاكرناه في الميكانيكا والتفاضل ما جاش منه حاجة

يعني ذاكرنا ولا مذاكرناش النتيجة واحدة

لأ بجد مش عارف اللي حاط الامتحان بيفكر إزاي ولا ايه مصدره , بس هو أكيد بعيد عن كتاب الوزارة والامتحانات السابقة

آسف حبيبي احنا لازم نعمل اللي علينا و الباقي على ربنا ولازم نذاكر جامد جدا و نصيحة مني لازم تذاكر كويس قوي جداً

[toooty]

لا انا قررت اذاكر علن نفس افيد

[EhabFathi]

يا أبنائي ياريت تفكروا بالطريقة الآتية:
الامتحان عبارة عن مسابقة من ثلاث مراحل: ميكانيكا وتفاضل وجبر
كل الطلبة دخلوا المسابقة واشتكوا من المرحلتين الأولى والثانية (بنسب مختلفة)
الشاطر هو اللي يجمع درجات أكثر من المراحل الثلاثة
لسة فيه فرصة (15 درجة) في علم الغيب
لو جاءت صعبة فهي على الكل ولو جاءت سهلة فهي على الكل
اليأس وعدم المذاكرة هيخلي الآخرين يسبقوني وأنا محلك سر
أرجو أن أكون وصلت لكم فكرتي .. وبالتوفيق لكم جميعا

[Eng.ABDO2015]

المشاركة الأصلية كتبت بواسطة ehabfathi

يا أبنائي ياريت تفكروا بالطريقة الآتية:
الامتحان عبارة عن مسابقة من ثلاث مراحل: ميكانيكا وتفاضل وجبر
كل الطلبة دخلوا المسابقة واشتكوا من المرحلتين الأولى والثانية (بنسب مختلفة)
الشاطر هو اللي يجمع درجات أكثر من المراحل الثلاثة
لسة فيه فرصة (15 درجة) في علم الغيب
لو جاءت صعبة فهي على الكل ولو جاءت سهلة فهي على الكل
اليأس وعدم المذاكرة هيخلي الآخرين يسبقوني وأنا محلك سر
أرجو أن أكون وصلت لكم فكرتي .. وبالتوفيق لكم جميعا

بجد شكراً لك أيها الأب الأمين و ياريت دعواتك

[tarekkh19]

نماذج كتاب المدرسه وامرنا لله من قبل ومن بعد

[hozifaali62]

كل الاهتمام لكتاب المدرسه ودليل التقويم لانه لما يحب يجيب حاجه صعبه بيجيبها منهم حتى لايلومه احد

[hozifaali62]

واول ما حد يقول الامتحان صعب يقوله افتح كتاب المدرسه افتح دليل التقويم ساعتها محدش يقدر يرد لاننا سيبناهم

[Elgohary1a]

ياسلام؟ طب مسئلة الاثبات ديه بتاعت الاشتقاق اتحداك لو جيبتهالى من كتاب وزارة او دليل تقويم
-انا النهارده هخلص الجبر لانى عندى مشكلة جامده اوى مع الهندسه فهحاول اخد كل نظرتين فى يوم مع حلول كتاب المدرسى لان الصراحه هو لعب فى مسئلتين من الى بيجيبهم من الهندسه محدش هيفكر فيهم ايش حال لعب فى الجبر والميكانيكا ومعرفناش نجيبهم امال الهندسه الى هى ضلع غلط يوديك فى داهيه هنعمل ايه

[Eng.ABDO2015]

المشاركة الأصلية كتبت بواسطة Elgohary1a

ياسلام؟ طب مسئلة الاثبات ديه بتاعت الاشتقاق اتحداك لو جيبتهالى من كتاب وزارة او دليل تقويم
-انا النهارده هخلص الجبر لانى عندى مشكلة جامده اوى مع الهندسه فهحاول اخد كل نظرتين فى يوم مع حلول كتاب المدرسى لان الصراحه هو لعب فى مسئلتين من الى بيجيبهم من الهندسه محدش هيفكر فيهم ايش حال لعب فى الجبر والميكانيكا ومعرفناش نجيبهم امال الهندسه الى هى ضلع غلط يوديك فى داهيه هنعمل ايه

عندك حق بجد

[wadi3]

انا شخصيا هحل كتاب المدرسة من اوله لاخره !!! حتى الامثلة اللى بيبقى حللها فى الدرس نفسه ... و ربنا يستر

[ابتسامه جرح]

انا بقي هحل 44 مساله بتاعه الهندسه الفراغيه من دليل التقويم وكتاب المدرسه في الجبر كله

[Seif Albaz]

دليل التقويم اكيد

وشويه اسئله الجمهوريه

علي حبه تمارين من كتاب المدرسه



خلينا ايجابيين شويه●•۰• ♡ •۰•●