تخيل ان معاك الة الزمن

[العفاف اريد]

بسم الله الرحمن الرحيم
السلام عليكم ورحمه الله
دايما كدا بافكر مع نفسى واقول لو معايا اله الزمن هعمل ايه ياترى هرجع بالزمن ولا هروح للمستقبل
ولو رجعت هاختار ايه هختار اقعد مع ناس كنت بحبهم وفارقونى لاى سبب وفاه او سفر كدا يعنى،ولا هرجع واذاكر فى الماده كذا علشان الدرجه الوحشه الى جبتها اخر السنه فيها،ولا ارجع لاجددنا المصرين القدماء واعيش زمن الاصاله الى بادعى ربنا يرجع واقولهم فى مصريين كتير مش مهتمين بالى انتم بنتوا وشيدتوا مش بيروحوا يشوفوا لكن الغرب بيجوا من كل مكان علشانكم،ولا اقعد مع الرسول صلى الله عليه وسلم(طبعا دا مستحيل بس بنتخيل)واشكيله من الى احنا شايفينه:يارسول الله بلدنا مبقتش بلد ولا ولدنا اجدع ولد زى زمان،ناس راضيه بالاسلام دين وبس انما دنيا ويبقى الحاكم والشريعه والدستور القران لا ياحبيب الله تعالى شوف الشباب بقيم ازاى مسقطين البنطلون وضربين شعرهم على الف لون ولون ،والبنات بقيت غايتها الموضه واحدث الصيحات،يرضيك يارسول الله ضعت من عمرك سنين ومن عمر الصحابه كمان علشان نبقى كدا
عايزه كل الى يدخل يقولى هيعمل ايه باله الزمن
بس احنا فى الحقيقه معانا فعلا الة زمن(العقل)يعنى مثلا لو كنت اخلصت نيتى لله وفكرت فى عقوبه وفايده اى موضوع باتعرض له كل ثانيه مكنتش احتاجت الة زمن لان قراراتى هتكون صح باذن الله،علشان كدا لازم نتعاهد ان احنا هنفكر كويس فى موضوع تافه او هادف
يالا قولولى هتعمله ايه باله الزمن

[أبوبسملة ياسر خليفة الطحاوى]

يكفى انها لو معى أن أرجع لزمن النبوة

فقط اقتبس من نور المصطفى صلى الله عليه وسلم وأصافحه

لأن من مسه جسده جسد المصطفى حرم جسده على النار

واعتذر له عن تقصيرنا جميعا فى حقه والدفاع عنه

جزاكم الله خير

[العفاف اريد]

المشاركة الأصلية كتبت بواسطة أبوبسملة ياسر خليفة الطحاوى

يكفى انها لو معى أن أرجع لزمن النبوة

فقط اقتبس من نور المصطفى صلى الله عليه وسلم وأصافحه

لأن من مسه جسده جسد المصطفى حرم جسده على النار

واعتذر له عن تقصيرنا جميعا فى حقه والدفاع عنه

جزاكم الله خير

حقااااا والله اللهم ارزقنا صحبته ومن قال امين
شكرا لمرور حضرتك

[الساعية الى الجنة]

انا لو معى اْلة الزمن كنت هاارجع لزمن الرسول والصحابة بالنسبة لى اكيد هايبقى افضل من المستقبل
علشان الماضى شفناه وعرفنا عنه كتير اما المستقبل محدش عارف ايه الى هايحصل فيه
لومعى الة الزمن كنت رجعت لزمن الايمان والاخلاص كنت جلست مع الرسول صلى الله عليه وسلم وقلتله عن الايام الى احنا عشناها وايام الفوضى
بصراحة لو احنا كلنا استخدمنا اْلة الزمن *العقل* كنا عملنا حاجات كتير وغيرنا الزمن الى احنا عيشينه
جزاكى الله كل خير
بارك الله فيكى على هذا السؤال علشان نعرف تفكير كل واحد

[العفاف اريد]

المشاركة الأصلية كتبت بواسطة الساعية الى الجنة

انا لو معى اْلة الزمن كنت هاارجع لزمن الرسول والصحابة بالنسبة لى اكيد هايبقى افضل من المستقبل
علشان الماضى شفناه وعرفنا عنه كتير اما المستقبل محدش عارف ايه الى هايحصل فيه
لومعى الة الزمن كنت رجعت لزمن الايمان والاخلاص كنت جلست مع الرسول صلى الله عليه وسلم وقلتله عن الايام الى احنا عشناها وايام الفوضى
بصراحة لو احنا كلنا استخدمنا اْلة الزمن *العقل* كنا عملنا حاجات كتير وغيرنا الزمن الى احنا عيشينه
جزاكى الله كل خير
بارك الله فيكى على هذا السؤال علشان نعرف تفكير كل واحد

وبارك فيكى اختى
كلنا اختارنا زمن الرسول طيب ماممكن نعيش فيه ونشعر ان الرسول معنا لو فعلنا ماكان يفعله صلى الله عليه وسلم ولا ايه